ولدج أو بنتج أول مرة يسيرون الروضة تعالي خبرينا شو سويتي معاهم

مرحبا اختي ام خالد … ومبارك عليج وعلى كل العضوات رمضان ..

بالنسبة لي البجر فديته فصف خامس وعادي والثاني صف ثالث بعد عادي

بس فديته سعيد هاي اول سنه يسير الروضة .. طبعا عادي هو يتريا المدرسة

نش الصبح فديته واتريق ولبس وسرت وياه .. في الروضة حسيت انه خايف وماسكني

والله اشوي بصيح عليه ( ههههه) دخلته الصف ويلست وياه وتمت المعلمة تسأل اليهال اساميهم

وماشاء الله يردون ولدي مانطق … وبعدين قلتله بسير اشوف الباص اللي بيوديك تم يالس

قالي اوكي ويبي هنوده يقصد اخته الصغيرة .. قلتله اوكي وخليته وسرت وبعدني احاتيه

الله يحفظ عيالنا … وهاي كل السالفة

ان شاء الله يوم الاربعا بخبركم..

الله يخليلكم عيالكم ويصلحهم..

انا ميدوتي .. اليوم داومت وسيده خذوها المدرسات للصف بصدر رحب وابتسامت
بس ميدوتي مقهوره انها مدوامه وميثانو بعدها امبخووووره ركااااااااااااااااااد

يحليله .. لو وقفتي من برا تشوفينه شو سوا .. تراج رحتي عنه وما رجعت وعلى أساس انج بتشوفين الباص وبترجعين
يالله الله يسر وما يكون صاح

هلا الغاليه
ناطرينج بالاخبار الحلوة ولا تنسينا

هلا ميثانو
مبروك عليج العام الدراسي .. والله زين ما صاحت ,,,, وهذا احلى شي
ويحليلها مقهورة من اختها .. عيل انا خالد فديته عااااااااادي عنده
ناش من الصبح ويوعيني .. يبغيني البسه ويذكرني انه اليوم مدرسة
لاني حاشرتنه أمس باجر مدرسة باجر مدرسة
نش ولبس واخته نايمه وسوالها طاااااااااااااااااف