التصنيف: فنون التعامل مع الخادمات

هلا خواتي ..
شحالكم .؟ ان شاء الله بخير ؟؟

كان عندنا 3 بشاكير اثيوبيات ومن يومين شردوا.. كملو بس 6 شهور وشردو
وهم يوم كملو 3 شهور عندنا طلبو زياده في الراتب .. المفروض راتبهم 500 وقمنا نعطيهم 600 وبعدين استوا 700 وها بعدهم ما كملو سنه ..!!! وفوووق هاااا شردوووووووو ؟؟
وقبل هاييل كان عندنا اندونيسيات وكنا وايد متساهلين وياهم يعني تللفون عادي واذا بشاكير الجيران عادي وشردو .. ورصينا شوي ع الاثيوبيات يعني ما شي طلعه عند الباب ويا بشاكير الجيران ولا تلفونات وبعد شردوا .. يعني رصينا عليهم ولا ما رصينا عليهم وبعد يشردون ..

خواتي شو الحل ويا الشردات ؟؟ قولي لي تجاربكم خل نستفيد ؟؟

يمكن حد في فريجكم يشردهن!!
راقبوا المنطقة عدل

راقبوا الشغالات يمكن حد يشردهن من بيوتكم. يوم يطلعن يفرن الزبالة برا البيت يعلمونهن طريقة ووقت الشردة ويغرونهن بالفلوس وبعدين يودونهن يشغلونهن في الدعارة

اليى كان يشرد الشغالات في العين ما خلا شغالة ما شردها يوديهن دبي يشغلهن دعارة ووحدة منهن ردت تصيح واعترفت وخبرت عليه قالت اغرونا بالراتب الكبير وودوناةشغلونا دعارة وهربت منهم ورديت لكم ابا اشتغل بشرف
بنغالي حصلوا جثته متعفنة داخل حجرته مات وتعفن ومحد درا عنه
الله يرحمنا برحمته ويكفينا شر الخدم ويحفظ بلادنا من كل شر وسوء

الله المستعان

لا ياختي الاندونيسيات يمكن !! اما الاثيوبيات ماعرفو وين يروحون لانهم وصلو الفريج الثاني وواحد جافهم واتصل بالشرطه ويو خذوهم يعني ما اظن حد يشردهم ..
والمصيبه انه يوم رحت اكنسلهم الملازم قبل لا يفتح الجواز يسالني اثيوبيات اقوله هيه .. جان ياشر لي على المراجعين يقوول هااييل كلهم يايين يكنسلون بشاكيرهم ولا بلاغ هروب ..
وبعد انه مكملين 6 شهور مب اكثر!!!!!!!
اظن استوت موضة هاي شردة البشاكير .. وللحين محتارين ما نعرف شو انسوي ويا هالسالفه

الي اخبرج عنهن من ست سنين سالفتهن ويا الي شردهن وكانن سيلانيات وبنقاليات

بخصوص الاثيوبيات هذيلا من هن في بلادهن يخططن للشردة

معروفات بالهروب الاثيوبيات وموب شرط حد مساعدنهن. والله سمعت عن اثيوبية شردت يوم وصلت المطار قبل ما ياخذها كفيلها

الله يعينكم ويعوضكم مقدرة احساسج. محتايين لهن وندفع وايد عشان انيبهن ونكرمهن ونعاملهن زين في الاخير يشردن حسبنا الله ونعم الوكيل. الله يجعل لنا وسيلة ويحطون للخدم قوانين تحمينا من هروبهن او مشاكلهن

عند الزبالة تصير البلاوي
أنا أخلي الدريول يفر الزبالة ومرتاحة من هم الإجتماعات التخريبية عند الزبالة
بصراحة الأثيوبيات يايات بس للشردة عندهن شبكة عصابات هنيه شي منهن من توصل المطار تشرد

بنات محتاجه شغاله ضروري وتكون مؤقته وتكون أمينه ونظيفه ضروري يا بنات في ابوظبي فقــط ويزاها الله كل خير الي تساعدني بدعيلها بظهر الغيب ان شاءالله الدعوه اللي تبيها

موفجه

بالتوفيييج..

جان زين لو نحصل كل الي احصلهن اثيوبيات واحس انهن الشاردات عشان جي ماامن ومااييبهن

بليييييييييييييييييييييييييز وانا بعد ابي

للرفع

اللي تعرف تساعدنا

زي ماشفتوا في العنوان

ايش السر اللي عندك او تعلمتيه من امك صديقتك شغالتك او اي فكره شفتيها من احد تعالوا نستفيد من بعضنا

الموضوع بقسم الخبرات المنزليه
انا تعلمت من اميه النظافه والترتيب واهتمامها فبيتها وفينا وفالمرحوم ابوي
اتعلمت من الشغاله شي تختصر الوقت يوم اتسوي الجاي والقهوه تحط الماي قبل في الكاتل بعدين ع الغاز احنا قبل انحطه ع طول الغاز
بس هالشي الي اتعلمته بس طبعا الفضل الاول من بعد فضل الله عليه لامايه الي علمتني انا اكون مسؤوله وياها عن البيت من صغريه فيوم اتزوجت عرفت انظم بيتي

معليه حبيبتي لسه جديده مره ملخبطه مو عارفه وين احط الموضوع

للرفع

تعلمت من زوجي
وقت ايجيب ذبيحة او لحم اقسمه كل قسم لطبخة وحدة والفه بورق النايلون واحطه في الفريزر يعني كل لفة نايلون تكفي طبخة وحدة

تعلمت من اختي اذا بغيت اذوب الثلج بسرعة من اللحم او الدجاج احطهم في قدر ماي عادي مع شوية ملح وبسرررررعة يذوب تقريباً نص ساعة او اقل

لان زوجي دايماً مستعجل واذا طلب شاي لازم يكون جدامه في ثواني فماكان حل جدامي الا اني احط الماي في الغلاية الكهربائية واصبه في الدلة اللي على النار

اذا ببدل للطفل حفاظته وانظفه بالمناديل وقت اكون برع البيت احط حفاظة نظيفة تحته وهو لابس القديمة،، افتح القديمة بدون ماشيلها وانظف بالمناديل واترك المناديل داخل الحفاظة، اخلص،، اطوي الحفاظة القديمة واحطها في كيس جمبه وتكون الحفاظة الجديدة موجودة بس اسكرها،، عشان السرعة وعشان مايتبول البيبي علي في وقت التبديل

الملابس الحريرية واللي فيها شغل والعبايا والشيل كلهم بشامبو العبايا الوردي وانشرهم يجفون طبيعي بدون ماستخدم النشافة واكويهم بالبخار ماعدا العبايا لازم الكواية

تعلمت من امي وقت سفراتنا تغسل ملابسها الداخلية وقمصان النوم الخفيفة بنفسها (وماتعطيها للفنادق) بشامبو الشعر اللي في الفنادق نظافة وريحة*( تستحي يشوفون الرجال هذي الملابس)

تعلمت من امي دايما تحط مفرش الحماية ( قطني وفي منه احجام على حجم السرير وينغسل) على الماتريس قبل ماتفرش السرير عشان اذا حد كب عصير او رجع او حد من اليهال تبول او حتى ايام الدور والنفاس فمايتوسخ ( الدوشق او الماتريس) لان تنظيفه جداً صعب وحتى لو حاولتي تنظفين سطحه تتسرب السوائل لداخله

من مجلة تعلمت تنظيف الزجاج والمرايا باوراق الجريدة ابيض واسود مع منضف الزجاج يعطي لمعه شديدة وبدون وبر

الشموع ضرورية في الحمام خاصة وقت يكون عندج ضيوف او عزيمة اولاً منظر حلو وثاني شي تمتص الروائح الغير مرغوب فيها بس اهتاري اللي حجمهم صغير ومعاهم حامل او حماية من تحت عشان ماتسير حرايق (مرة حطيت شمعة على البانيو ونسيتها وسارت حريقة في الحمام!!!! ماكنت ابد اتوقع ممكن تسير حريقة في الحمام وطبعاً البانيو اختفى والسيراميك تساقط على الارض ههههه الحمدلله ان احنا نجينا

تعلمت من وحدة لبنانية في صالون وقت عن عندها عزومة تجهز اللي تريده في صواني وتخليه في الثلاجة اليوم اللي قبل او الصبح وقت العزومة تدخله الفرن بس

هذا اللي اذكره الحين

ماشاءالله موضوع جميل

انا بعد تعلمت هالشي .. بس من الوالدة …

ما شاء الله عليج يا الوردة الجورية … في اشيا وايد حلوه ذكرتيها … وبالذات كيف انذوب الدياي واللحم المجمد … بجرب وبشوف …

ما عندي فكره بس الله يعينج على موال الخدم

^^
آمين اختي والله اني اكره الخدم لدرجة الجنون بس شو اسوي مجبووووووووووورة والله

مشكووووووووووووووووووووورة وانتظر الخوات الثانيات انهم يساعدوني

الله يعينج حبيبتي
بس ما قلتي ليش ما تبا ولدج !!!

الله يعينج

الغالية ..المكتب مب ملزوم يرجعلج هالاشياء
يعني خسرتي هالفلوس للاسف
وصارت لي

السلام عليكم ..خواتي جارتنا امطرشه لنا مسج اندونيسي عشان حد يترجمه ونحن حاليا ما عدنا خدامه وهيه خايفه وموسوسه وااااايد ..قالت اول اعرف شو مكتوب بعدين بعطيها .. وخوفها لنا الخدامه عليها حركات ومنعت عنها الفون .. اترياكم وفي ميزان حسناتكم ..

المسج هو
niy cgr kmn hbl te nlpn te ngsms ema melang ku naon di tlpn tr di angkt

170 وحده دخلت ومحد رد غير3 معقولة ما عندكن اندونيسيات ..والله زعلتوني الله يسامحكن عموما اتريا الي فيهن الخير واشكر الي ردن

اترياكن

هذه ترجمة قوقل

صعدت CGR niy kmn hbl ngsms ايما الشركة المصرية للاتصالات الشركة المصرية للاتصالات على nlpn Tlpn بي آر naon في angkt

اسيرت شوق مش واضحه الرمسه ابد شكرا ع المجهود وانتظر الباجبات

ضميرحي, غزال الروض, ريامي وعواشي, nooooor, كعبية, وردة2016
المتواجدات والمشرفات ما عندكن اندونبسية

هي كاتبة ليش انت مطرش رسالة وشو بعدين
بشكارتي الاندونيسية كذا قالت لي

سلام…

يالله موضوعي مع الخدم بعد لويه ثانية…
هاي الخامسة وتبا تروح,, بنغالية فالعشرينات ومب متزوجة ومسلمة,,, وهاااااديه

ليش يا حرمة؟؟؟ اونه انتي عندج اطفال صغار انا ما ابي !!!

اونه المكتب كذب عليها,, اسمعوا؟؟

ودوووووم الا تسال عن ريلي ,, شو تبي بابا؟؟؟
بس ييجي بابا انا في كلام… نعم!!!

المهم ابي حل ليش الخدم ما يتمن عندي؟؟؟
تراني موظفة واحتاجهم,,
معاشها استلمته,, تكلم اهلها من حسابي,,تنام نووووم ,, وتاكل عراحتها,, وشغلها موزع بطريقة مريحة,,

شو يبن هالخدم؟؟

تلفون ما اخلي عندها,, بس اعطيها تكلم اهلها…عطوني اقتراحات اجذبها عشان اتم؟

ماشي رد,,
لو اردها بعد بكفل ثانية وما يندرا عن طينتها

طفرت

انتي نفس حالتي اختي بس انا يبت اندونيسيات ولا توفقت ولا فوحدة اول وحدة مسترجعه 10 شهور تمت عندي والثانية رجعتها ما تسمع والثالثة شردت والرابعة مب عاجنها شغلي ونظامي ورجعتها بعد ما مرضتني
والحين مرتاحة بدون خدامة بس تعب لانه عندي يهال وصعب التوفيق بين شغل البيت واليهال وانا عندي وزن وتعبانه فالحركة صعبه علي فمحتارة شو اييب وما محصلة

بشكارات هذا الزمن بطرن موب مثل اول يصبرن ويشتغلن بضمير

اول مرة اعرف انه البنغاليات بطرانات!! والا ما كنت يبتها

والله انها تفاتن على ولدي الصغير يو يصيح,, شفهمه فديته

حتى من غيظها شلته مال سرعه واخلعت له كتفه..

ودوم تسال عن ريلي؟؟ ابا اعرف شو تبا به

الله المستعااان

في بيتنا شغاله بنقاليه اشحليلها هاديه وحبوبه واي شي اقولها سوي تسوي مع اني شديده احب النضافه كله ديتول وكلوركس والمواعين لهم طريقه يتنضفون فيها يعني شغل عدل وهي ماشالله اعلمها وعليه ما تغير بس المشكله انها تخلص شغلها المغرب تختم تقريبا طبعا بدايه العصر تنام وتقوم تكوي وبيتنا هادي ما فيه اطفال كلنا كبار احسها تقعد اتشي طفشانه وتم يالسه فالحوش والمشكله ان فنهاية الاسبوع لازم يون عندنا اهلنا وينامون وهي تتعب ما تصدق يروحون مع انها تستانس مع بشاكيرهم لكن في الاسبوع بس تشي تقعد احيانا اقول لوخليها تروح عند بشكاوه جارتنا محترمه بس اخاف تخرب ما ادري اش اوفر لها شي يشغلها فهالفتره ويسليها عسب ما تطقش يمكن تضحكن من رمستي لكن جد هذي انسانه لها حقوق وبعدين هي قايمه بحقوقنا كلها لازم نعاملها اوكيه لا تقولون سوي موبايل هي ماتحب تكلم كثير

عادي حبيبتي هم اول ماييون مايعرفون شو يسوون ،،
بعدين خلاص تتعود ويصير لها روتين خاص فيها
بس مافهمت انتو يعني مانعين عنها التلفون ؟
دام هي لها وقت تفضى فيه الاحسن ترمس اهلها برع
انا كانت خدامتي كل يوم قريب المغرب تدق لاهلها شوي وتسكر ،،
بس نصيحه لاتفكرين اطرشينها لبشكارة يييرانكم لانها بتتعود
وييوم ورا يوم بتتعلم منها اشيا وبتخترب ،،

شوفي يمكن عندها هوايه معينه تحب تسويها
مثل كروشيه او خياطه او اي شي تنشغل فيه و تكون تحبه

الله يزاج كل خير

هي مب يديده لها شهرين ومتعوده عالروتين فيه موبايل نوكيا حتطنه فالكبت فالمطبخ بس مشلها رسمي اذا بترمس تدق بس هي ما تحب الى مرتين فالشهر

حبيبتي شهرين بعدها يديده يبالها وقت ،،
تريي عليها وهي بروحها بتتعود على حياتها
و هي لو فخاطرها شي اكيد بتيي بتقولكم لا تحاتين وايد

خليها جي ولا تسويلها سالفه ترها مرتاحه وفي الويك اند تطلع كل الراحه الي كانت فيها

جي في توازن موب انها مكروفه كل اليوم والويك اند يكون بعد كراف زود

الحمدالله

عندي استفسار ضروري يبت بشكاره وحسبي الله عليها شردت ما مكمله شهر وانا بعدني ماسويت ولا ورقة لا تاشيره ولا إقامة ولا شيء ابغي اعرف اذا شردت وع ضمان المكتب منو يتحمل المهم هي ماسارت المكتب للعلم هي كانت مردوده 😔😔

بل عليها شكلها ماتبا تشتغل هاي ،،

اذا عندج ضمان دقي عالمكتب وقولي لهم شو تسوين فهالحاله

اتصلت وتمت تتفلسف اونه غرامة إنتي تدفعين وشردت إنتي مابرد بيزاتج

اختي عزيزتي اشتكي عليها انتي يايبتنها من مكتب يعني ضمان 3شهور الفلوس غصبن عليهم يردولج اشتكي عليهم

لا حول ولا قوة إلا بالله العلي العظيم

دامها على الضمان المكتب يرد فلوسج واو يعطيج غيرها

هلا خواتي ماعرف اذا صار وياكم نفس اللي صار معاي سلمكن الله من 5 شهور يبت خدامه اندونيسيه من منطقة بالي ووصلتني بحجابها وحشمتها وهي دوم مبتسمه بس تنرفزني وايد لان استيعابها بطئ وكل يوم اعيد لها نفس الكلام كل يوم بس متصبره عليهاا لاني حامل ومحتايتنها المهم مره بنتي كانت مع الخدامه في المطبخ وراحن بنتي يابت لي تيلفونها وحاطه صورة خلفية الشاشه صورتها شبه عريانه يعني لابسه تنوره قصيره وايد وايد مع ستيان بس وكانت قاعده في وضعيه مش محترمه انا بس شفت الصوره وقلبت ااتيلفون على ويهه ويتني تركض طايره تدور تيلفونها بس ما علقت على الصوره وشي ثاني لما اوديها معاي الجمعيه او المولات تتعمد تلبس جينز مع قميص نص كم يعني زنودها كلها برع وانا قلت لها هاللبس بس اذا بنروح عرس يعني مكان للحريم بس وسامحه لها تبطل الحجاب اذا كنا في عرس وموضوع الصلاه بروحه بصوب ولا مره شفتها تصلي والاحظ عليها يوم الاحد تتكاسل عن الشغل بس تقعد في الغرفه يوم اسألها انتي مريضه تقول لي لا انا اقرا قران وليش يوم الاحد بالذات ماعرف وشفت عليها كم شغله تدل انها مش مسلمه وما خبرت ريلي لانه ما يشوف سبب اني ارجعها المكتب بس انا مش مرتاحه لوجودها وتسوي حركات صوب ريلي في البيت وما تحتشم احس ودها تغسل الملابس بملابسها الداخليه وترفع بنطلونها لما تغسل المطبخ او تكنس البيت وياما هزيتها بس ماشي فايده ماعرف شسوي فيها القهر انها نظيفه وشغلها تمام بس هذي السلبيات اللي فيها قاهرتني اخاف اسكت عنها وتمصخها وامس اشوفها يايه تكلم ريلي تباه ياخذ لها سامسونج ونست اني انا المدام ولازم تكلمني انا ما تكلم ريلي وترد علي بكل وقاحه .تقول لي بابا سعيد كفيل مالي ولازم اخبره كل شي هني عاد فار دمي واسحب من ايدها التيلفون وقلت لها باجر تسيرين المكتب وقعدت تترجاني وتصيح واللي مخوفني انها مش متزوجه بس تتعرى في غرفتها وتسوي حركات مالها داعي وهي تنظف الببت ومره قلت لها هاتي كرسي ونظفي المراوح قالت انا قصيره ما اوصل خلي بابا يشيلني عشان اوصل بسرعه لا والله حلفي انتي بس ودايما تتكلم عن طول ريلي وتقول لي الحريم في اندونيسيا يحبون الريايل الطوال ماعرف هي لوين تيا تبا توصل بس حسبي الله عليها اذا كانت نيتها خبيثه بس ان شاء الله بعد ما اولد اطيرها الخايسه من اابيت

الله يعينك يا أختي بس انتبهي لا تسحرك او تسويلك شي هذول ما يخافوا ربهم انتبهيلها دائماً او سفريها هاي ما تستحي

مادري شو سالفه الاندونيسيات اختربن الحين الله يعينج يااختي بس هاتي غيرها ابرك لج

نعم !!!
يعني اول ما بديت اقرأ كنت بقولك طولي بالك عليها … بس اخر كم موقف لأ صراحة بدها تكسير راس !!! والله انا اشوف ترجعيها المكتب .. او ممكن تعطيها كم يوم فرصة اخيرة تنعدل فيهم بس قبل سمعيها كل التنبيهات .. وازا ما التزمت على طول عالمكتب .. كوني شديدة معها وخبريها مالها كلام مع رجال البيت اي طلب معك انتى وبس .. واللبس والكلام الفاضي ممنوع نهائيا شو يشيلني و ما يشيلني

موفقه

لا حول ولا قوة الا بالله
مالهم امان
الله يعينج عزيزتي

هلا خواتي
انا الله رزقتي بخدامه بلسم تنحط ع الجرح يبرا
يت وانا كنت مربيه تقريبا لي شهرين احين ولدي عمره ثمان شهور
من شافته وهي متعلقتنه
لين احين تحبه حب جنها هي امه وراقبتها وحطيت كاميرات وايد حنونه عليه
حتى بنتي الي عمرها سنه ونص تموت فيها
هي تحبهم وهم يحبونها ومش مخليتني ادخل في الولد من ناحية لبسه وتبديله اتقول هذا ولدي
انا خايفه لان تحبه وايد وهو يحبها لو تروح عنه شوي قعد يصيح
شو الراي انا ماريد احسسها ان ماريد العيال يتعلقون فيها او شي انا خايفه من جدام لو خلصت السنتين ويت تروح شو اسسوي بالعيال ههههههه
شورن علي

والله ي اختي دامج يبتي شغاله ب نيه " تربي عيالج " .. ف طبيعي هالشي يصير
تحملينه عاد
واسمحيلي بس شي غلط من اوله .. شلون تسمحين لوحده غيرج تربي عيالج ؟
ولا تقولين ماتربيهن ، ماتباج تدخلين ف لبسه وتبديله معناه انتي عطيتيها الضوء الاخضر ..
ودام ان البيبي يقعد يصيح يوم تروح عنه كانها امه ، ف الوضع متعدي الحدود بوايييد
برايي حاولي تكوني جاده شوي وربي عيالج
وعطيها شغل البيت فقط ، اما لو يايبها عشان العيال ف هالشي راد لج اكيد
ماقول غير الله يعينج .
اسمحيلي لو الاسلوب يضايق .. انتي ك اخت لي وهالشي مارضاه لاختي .

خواتي بخبركم بتجاربي ويا بشاكيري وعيالي اغلب البشاكير اللي يبتهن كانن يساعدني بأمور عيالي فبنتي الثالثه جبرتني الظروف اني اسافر للعلاج خارج الدوله ويا ريلي واترك ولدي وبنتي الكبيره والضغيره كان عمرها حزتها سنتين بيوم عيد ميلادها سافرنا وتركتها عند امي والبشكاره وكل يوم اكلم امي وتخبري عن بنتي انها متعلقه وايد بالبشكاره ودايما بحضنها وماطيع تسير عند اي حد وان البشكاره مب مقصره وياها انها تحت مراقبة خواتي والولده كملت ست شهور خارج الدوله والله اني يوم رديت ماعرفتني وماطاعت اتي عندي وتمت اصيح اتناديها باسمها والله اني صحت بهالموقف لكن بعد فتره ردت تعودت علي والبشكاره بعدها بثلاث شهور صارت لها ظروف وطلبت انها تسافر والله ماأجذب عليكم انها تمت تقريبا شهر صياح تباها ويتها حاله عصبيه تضرب راسها بالارض وصابها امساك لفتره طويله ولكن الحمد لله الفتره على خير وتأقلمت عالوضع
وعيالي الثانيين بعد كانواالبشاكير يساعدوني بأمورهم الا اني كنت موجوده عندهم ووجودهم وياي اكثر عن البشكاره صح كانوا يهتمون فيهم والصغاريه يحبونهم بس ماكان ا يتأثرون بشكل كبير بسفرهم فتره بسيطه وينسونهم
انا كان نظامي من تنوي البشكاره السفر قبلها بشهرين ولا اقل شي شهر اييب وحده ثانيه ويا الاولى عشان يتعود عالثانيه ومايأثر سفر الاولى بشكل كبير على الصغاريه

موقف صعب احس لكن بعد لا تخلوهم عند الشغالات وايد

وام بدور ما تجوفون شر

اممم هو غلط البشكاره تربي العيال لانه لازم بيتعلقون فيهم دام هم يربنوهم شي طبيعي اوك اتساعدج فاي شي خفيف فيهم عشان لوسمح الله صار لج ظرف بتنجبرين اتخلينهم معها ولازم هالشي يكون نادر ومن تجربه اخت ام بدور يبرهن صحه هالشي

خليهم على راحتهم .. أنا ولدي كنت أحطه عند الخدامه لأَنِّي كنت أدرس تعود عليها وايد لدرجه انه يطلب أحيانا ينام عندها صحت وحزنت على هالشي ونحن مجبورين أحيانا نخليهم عند الخدامه بس فالنهاية العيال بيرجعون لج لأنج إنتي أمهم موب الخدامه ومن تجربتي بعد السنتين ينسوهم والله ..

وحتى لاحظي اذا كانوا العيال مرضى ما يبون غير أمهم و انهم مهما سُوو وتعلقوا بيرجعون لج ..

نصيحتي لج والله الخدامات ما منهم أمان حاولي اذا انتي فاضيه وما تداومين تسوين كل شي ل عيالج

و الله نصيحه حتى لو كانت طيبه بعد تحذري و استودعيهم عند الله