السلام عليكم و رحمة الله و بركاته حلواتي
اليووووم قلت خلونا نسولف و نتناقش عن موضوع ما بقول اعتقد ,,,
لااااااااااااااااا
بل متأكدة وااايد بنات متلعوزات من هالشئ
موضوعنا عن فئة معينة من البنات ( الله يهديهن و يهدينا و يثبتنا )
اللي في المدارس ..حكومية و خاصة ما تفرق ..
يلعوزون و يلحقون بناتنا بقصد و نية غير غير طبيعية… اكيد كلكم تعرفون شو
اقصد ..
اللي هن لا اولاد و لا بنات و لكن بحكم الموضة
يتشبهن بالرجال عافانا الله الله يهديهن و يصلح بالهن ..
دااايما ادعولهن بالهداية بدال نظرة احتقار و ما شابه ..
امسات و كنت مع بنت من العائلة و هي بنت مراهقة عمرها 14 و بديت وياها اتكلم عن
هالفئة
بيني و بينكم امها مشغولة دايما بالدوام و هالبنت ما عندها حد فاضي لها و لانها ماشاءالله
تبارك الله
جميلة قمت اخاف عليها من اللي اسمع ..
كننا على البي بي لانني اعرف اعبرّ اكثر عن فيس تو فيس
بعد السوالف العادية لانني ما بغيت مباشرتا ادش معاها بالموضوع و اخوفها ..
قلت لها حبيبتي خبريني عندكم بويات في المدرسة ؟؟؟
قالت هيه خالوو ( تزقرني خالو ) شقا ما عندنا !
قلت شو يسوون ؟؟ يعني محد يعارضهم ؟؟
محد من الادارة تقول لهم شئ او يعطونهم دورات و ما شابه ؟؟
قالت لا بس مرات معلمة التربية الاسلامية تنصحهم ..
الا تقوووول خالووو ما تتخيلين شو يسوون
شكلها بس كانت تتريا تطلع اللي بخاطرها …
دوم في الباص يلعوزوني و يتيمعون عليه ما اعطيهم ويه
بس يتمون يضحكون بصوت عالي و مرات ييرون شيلتي او يعقون رمسة عسب
اعصب و
اتفاعل ..و حتى مشرفة الباص تخاف منهم ..
و مرات في المدرسة يوم ما في حد يراقب يلعوزوننا و البنات
المهم قمت اخذ و اعطي معاها واااااااااااايد لين ما قالت عندي صورة بطرشلج
خالو
هاي لبنت اقصد بوية الله يهديها في المدرسة و متواعدة مع وحده
يا بنااات يا حبايبي لما شفت الصورة و هي مب وصخه كشكل و لكن وصخه
كمحتوى ..
البوية الله يهديها لابسة كانها ولد ولد من الشعر الى القميص و كل شئ
تبوس البنت
لا حول و لا قوة الا بالله ..و
البنت هذي والله والله لو اقول حلوة
مقصرة بل كانت ملكة جماااااااااااااااال تبارك الرحمن و اكبر من البوية في
العمر ..
جميلة جميلة الف واحد
الف ريال يتمنى حرمته تكون بهالشكل و لكن انجرت وراء المعصية ..
انجرت وراء شئ يغضب الله
قلت لها اعطيني بن كوداتهم ابغي اتعرف عليهن ..قالت ما عندي و انا اعرف
عندها بس خافت
تعطيني
على بالي بنازعهن …
قلت لها مستحيل انازعهن بل ابغي ارمسهن هذيلة ما عندهم حد
ينصحهم بطرق هادئة بل الكل يضاربهم و يسبهم و هالشئ يخليهم يعاندون و
يتمادون ..
ما طاعت تعطيني و قالت بتمشكل و بيبهدلوني …
عقب طرشت لها برودكاست منضمنه البويات ما تتقبل منهم صلاتهم ..
هي في البداية
قالت لو اطرش لهن بيعصبون و بيتمون يسبوني
قلت اول شئ يا حبيبتي من الافضل تحذفينهم كلهم ان ما تبغين
تنبهينهم .. ان ما تبغين تساعدينهم عيل ليش موجودين بلستتج ؟؟
دام انتي تعرفين هم غلط و تخافين تنصحينهم عيل شو فايدة وجودهم
معاج في الليستة غير الدمار ؟؟؟
قالت امسات و معلمة التربية الاسلامية كلمت البنات و وحده منهن قامت صاحت صياااح من
الخوووف
عقب الحصة البويات الثانيات طاحوا فيها يا خوافة انتي وووووووو لين ما سارت و سبت
المعلمة
اللي اقصده حتى لو وحده تبغي تتوب الفئة المنتهية تمنع هالشئ و لكن انا
من رايي
حتى الفئة المنحرفه الله يهديهن ممكن يردون صالحات ..
احدي الاسباب هم الاهل اللي يخلون عيالهم على راحتهم ..
يعني ما يشوفون اشكاهم او لبسهم ؟؟؟ او الاهل مشغولين
بحياتهم و الأم اهتمامها الأب فقط ؟؟ و العكس صحيح ؟؟
هافئة ممكن يردن صالحات و لكن محتاجين لمساعدة ..
اللي نشوف هالايام من هالجنس ذكور و اناث عافنا الله …الله يحفظ عيالنا و
يهديهم شئ يعور القلب ..
اللي نشوفه هالايام موضة بعيدة عن الشرع و الانسانية لا غير …
هالفئة المنتشرة في المدارس اناث كاملات مكملات و
بامكانهن يتزوجن و ينجبن اطفال .. هن بكامل رقة و انوثة ..
لكن الموضة و الفراغ اللي مخلنهن يجرن وراء
هالسوالف ..اللي تييب امراض جسدية و نفسية بمدى البعيد ..
يعتقدن ان ما اتبعوا الموضة بينكتون عليهن
او انهن يعتقدن ان يتشبهن بالرجال لهن شخصية قوية ..
و لكن ينسن او يتناسن :
قول الرسول صل الله و عليه و سلم :
( لعن الله ..المتشبهين من الرجال بالنساء ، والمتشبهات من النساء بالرجال )
{ أربعة لعنوا في الدنيا ، والآخرة وأمنت الملائكة : رجل جعله الله ذكرا فأنث نفسه وتشبه بالنساء ،
وامرأة جعلها الله أنثى فتذكرت
وتشبهت بالرجال ، والذي يضل الأعمى ، ورجل حصور ، ولن يجعل الله حصورا إلا يحيى ابن زكريا }
هل لذة عابرة ..لذة قذرة ..لذة تغضب رب العالمين لدرجه قال الله تعالى :
لعن الله !
يعني هل هالبنات البويات عادي عندهن يكونن من اللعانات ؟؟
شو يعني اللعن ؟؟
يعني الخروج من رحمة الله .. يعني طرد من رحمة الله
يعني ما يشمن ريحه الجنة ان استمروا على هالمعصية ..
يعني (عذاب في الدنيا _ نظرة الناس ) و عذاب الآخرة
منو مستعد يكون من اللعانين …؟؟؟
منو بيبيع آخرته عسب لذة دنيوية …
هل هالموضة تستاهل وحده تفكر تكون بوية او عشيقة لهالبوية ؟؟؟
معقولة ما نعرف الزنا حرام ؟؟ و العلاقة بين بويات و عشيقاتهن … زنا …
ما بزيد لانني اعتقد وصلت الفكرة ..
و الان
خلونا نشوف كيف ممكن نحمي انفسنا ( طبعا انتوا الحلوات ) منهن …
اكيد وايدات منكن شايفات او صاير معاكن مواقف صح ؟؟؟
شو رايكم تخبرونا عن المواقف او اللي تسمعون في المدارس عسب نيلس مع
بعض
و نشوف شو الحل ؟؟؟
اقصد .. كيف تحمون نفسكم من هالنوعيات من البنات ؟؟
و كيف تدافعون عن نفسكم …
ان وحده ( بوية ) تتقرب و تحاول تصادقج كيف تصدينها ؟؟
طبعا عقب ما نسمع بعض المواقف بخبركم كيف ممكن تحمون انفسكم
و اعرف الاخوات ما بيقصرن معاكم يعنيا لموضوع مفتوح للكل ..
الله يحفظكن و يحفظ شبابنا و يهدي الفئة هذي
من البنات و الشباب اللهم آمييين
اعتبروني اختكم الكبيرة او ماماتكم ما عندي مشكلة
بس مب يدوتكم هههههههه