ذاك اليوم كنت حاضره عرس وشفت بنت صغيره ما يتجاوز عمرها ال 4 سنوات وتربط الله يعزكن جوتيها بروحها
و وحده ثانيه اتلف شعرها بروحها، وانا عندي 2 عيايز لين الحين ما يدخلن الحمام بروحهن، دوم اقولهن انتن في المدرسه شو تسون، يقولن ماما بروحنا انروح الحمام ، يعني اتعرفن تفتحن البنطلون وتردن اتسكرنه ليش فالبيت عيازات، دوم اواجعهن ومافي فايده خاصه السبوح اصلاً ما يدخلن يتسبحن الا بهده واضطر اخلي الخدامه اتسبحهن، واللبس والجرابات والتمشيط اعتماد كلي، وانا مليت في خاطري بروحهن يتصرفن على الاقل ما أضطر أسفر البشكاره معايه كل مره..
أكيد أكثركن مرات بهذا الشي، كيف كل وحده حلت هالمشكله؟؟
عوديهن انتي يعني سبحيهن انتي اول مرة و علميهن و قولي
لهن ان البنية عيب تشوفها او تسبحها وحدة غريبة عنها يعني
ما يصير الخدامة تطالعهن لان هالشئ عيب
يعني سبحيهن السوم و بالباجر خليهن روحهن يتسبحن
و الي عقبه انتي سبحيهن عسب تتاكدين انهن اتسبحن عدل و خلاص نظااااف
بنتي تحب تروح الحمام بروحها و تحب تسبح بروحها بس انا ما اخليها
لان عمرها ٥ سنوات يعني يا انا أسبحها او الخادمة
مايصير ياقلبي … عيييب .. اذا انتي امهم المفروض يستحون منج في هالعمر .. كيف عاد الشغالة
المفروض من هم صغار تعوديهم .. وتعلميهم انه عيب حد يشوفهم
المشكلة مو انهم عيايز .. المشكلة منج انتي حبوبة .. انتي امهم ومسؤولة عنهم .. هم صغار بيسووا الشي اللي اتعودوا عليه
حاولي معهم يالغلا .. علميهم الطريقة … وممنوع بعدها حد يشوفوهم أو يدخل معهم الحمام
والله يهديهم .. ويحفظهم لك.
.
.
حاولي اختي معاهم خطوة خطوة الين مايتعودوا وان شاء الله كل هذا اجر تؤجري عليه
المشاركة الأصلية كتبت بواسطة جنان** 
مايصير ياقلبي … عيييب .. اذا انتي امهم المفروض يستحون منج في هالعمر .. كيف عاد الشغالة
المفروض من هم صغار تعوديهم .. وتعلميهم انه عيب حد يشوفهم
المشكلة مو انهم عيايز .. المشكلة منج انتي حبوبة .. انتي امهم ومسؤولة عنهم .. هم صغار بيسووا الشي اللي اتعودوا عليه
حاولي معهم يالغلا .. علميهم الطريقة … وممنوع بعدها حد يشوفوهم أو يدخل معهم الحمام
والله يهديهم .. ويحفظهم لك.
.
.
فديتج ابدي علميهن يعتمدن على نفسهن جربي المكافاه مثلا يوم وحده منهن تسبح بروحها
والله يحفظهن لج
