الوسم: الخدامة

الله أعلم بس مثل ماتعرفين ان القرآن لايمسه إلا المطهرون حتى نحن ما يجوز نمسكه ونحن مب طاهرين يعني اذا كنا على غير وضوء فما بالج بالخادمة لا طاهرة ولاشيء

حطي القرآن بالأدراج .. ونبهي عليها انها ما تمسكك ..

الله يآجر اختي الغاليه سوالج فمحله اتمنى الخوات يفيدونا اكثر

للرفـــــــــــع

مرحبا خواتي

منو عندها خدامة اندونسية ابيها اترجملي ضروري

دخلى فى الجوجل وفيه مكتوب على اليمين ترجمه كتبى من الاندونيسيه الى العربيه والامور طيبه

بس المشكلة الاندونيسيات يكتبون مختصر ما يكتبون الكلمه كامله

جربت ترجمة قوقل ماطلعلي شكلها مختصره الكلمات من جيه

ڷآ آڷهُ آڷآ آڷڷهُ وحڍهُ ڷآ شُريڲ ڷهُ ڷهُ آڷمًڷڲ وڷهُ آڷحمًڍ وهُو عڷۓ ڲڷ شُي قڍير

ربي يوفقج اختي

السلام عليكن خواتي..

حبيت استشيركن في موضوع..!!

انا امس راجعه من السفر.. وكنت ماخذه وياي بنتي عمرها سنتين ونص..
يوم شافتها الخدامة حضنتها وباستها على خدها مرتين!!! علما بأني ابدااا ما اعتمد عليهن في العناية ببنتي ولا اتركها عندهم.. بس طبعا هم يحبونها ويلاعبونها مرات.. بس فكرة التقبيل حتى لو على الخد انا ما اتقبها ابدا.. ويوم خبرني زوجي بالموقف عصبت.. وقلت بخبرها وبطلب منها انها ما تبوس بنتي ابداا.. بس زوجي قال مالج حق!! لا تحسسين الخدم بأن فيهن شي.. وقال لو شفتي وحدة باستها على شفايفها لا سمح الله لج حق.. لكن ما فيها شي لو باسوها على خدها..!!! انا اخاف الله في الخدم وما اقصر وياهن في شي.. بس شي يخص بنتي انا ما اتقبله..!! افيدوني بارك الله فيكن وحفظ الله عيالنا جميعا من كل شر..

انا بعد مثلج ماحب البشاكير يمسكون بنتي بس البشكارة الي عندنا ماتبوسها الا على ريولها وهي لابسة اوفرول مادري ليش هههههههه عشان جي ماقوللها شي اما اذا مكان ثاني هني بقول ستووووووووووب

أنا أقول إذا شفتيها وهي تبوسها قوليلها لا تبوسها على خدها لأنها حساسة وبيطلع لها حبوب من غير عصبية و أو إحراج

مب عااادي عندي

لا غناتي هب عادي ولا تعوديهن انهن يبوسن العيال ما تضمنين الجراثيم والفيروسات والامراض الصغارية ما عندهم مناعة مثل الكبار
ربي يحفظهم لج

ليش مسوينها سالفة اذ باستها الخدامة على خدها ليش الخدامة مش انسانة ؟؟ حالها من حالنا بس لانها خدامة ممنوع؟؟
معاكم اذ باستها مكان ثاني اهني استوب وممنوع ويكون لج موقف مع الخدامة بس بوسة الخد تبين طيبة الخدامة وحبها لعيالج
هذا راي …………….

راااييي زي راي بنت الحياة……و اعذريني حطي مكانج مكان ا لخدامة و المدام قالتلج لاتبوسين بينتي انتي شو بتحسين؟
فبييي كووول عزيزتي

السلام عليكم
بغيت أسألكم اذا بودي وياي الخدامه وأنا مسافره أوروبا شو الشروط اللي لازم تتوافر فيها علشان يسوولها فيزا
وشكرا لتعاونكم مقدما

لا هاي ما أظني تشرد حتى ما تعرف تفج الخط يتيمة الأب والأم ومحد درسها في مدارس

اظني عادي تسويلها فيزا مثل المواطنين بس على ما اعتقد تطول لين تطلع و يمكن تطلع و يمكن لا ..

[QUOTE=الغدير العذب;14401108]الغاليه لاتأمنين … كم قلنا عنهن فقيرات ومالهن خص … ويطلعن مكارات وتحت روسهن بلاوي …
الحذر واجب عزيزتي علشان ماتندمين … ياما سمعنا عن مشاكل الخدم عقب مايطلعون خارج الدوله ….
وبالتوفيييييييييييق الغلا …[/Q

تراهن حتى في البلاد يشردن ويسون بلاوي ونيب غيرهن بس أنا بغيت أعرف اذا يشترطون تكون مكمله مده معينه في البلاد علشان الفيزا والا لا لأنها يديده يايه من شهرين

السلام عليكم بنات وحريم

بغيت اتخبركن كم راتب الخدامة الاندونيسية؟

شكرا

وعليج السلام ورحمة الله وبركاته

على حسب المكتب الي تتعاملين وياهم ..

بنسبه لبشكارتنا مشتغله قبل راتبها 700 درهم …

بس الوالده تعطيها 800 لان ماشالله عليها شغوله فمانبا نخسرها ^_*

ممم يعني على حسب المكتب

مشكورة اختي

راتبهها 700
بس إحنا بعد نعطيها 800
لانها شغولة

فلبينية 750

راتبها 800

خدامتي من اسبوعين او ثلاث واصله
وهاي التسعيره اليديده للمعاشات

مشكورات خواتي وما قصرتوا

جنه الموضوغ مثل ما قالت ورودة دبي لانه في ناس يقولون 700 وناس 800 ما شاء الله حتى الخدامات زيدو رواتبهم وانا للحين ما رقوني

مرحبا خواتي من اسبوعين رحت المكتب اشوفلي خدامة فلبينية واخترت وحدة المهم قالولي بتيج بعد اسبوع المهم سويت كل الاجراءات مالت الفيزا وطاف الاسبوع وما يات الخدامة اتصلت بالمكتب وقالولي ان في واايد مشاكل وقوانين يديدة في السفارة الفلبينية اصبري كم يوم وقبل يومين اتصلوا فيني السفارة الفلبينية وسالوني انت كم راح تعطين الخدامة معاش قلتلهم 700 درهم تغيرت لهجته في الكلام وقال لا مايصير لازم تعطينها 1500 درهم انت موافقة قلت لا طبعا وسكر التلفون على ويهي وعلى اتصلت بالمكتب وقالو مب انت الوحيدة اللي اتصلوبج الكل اتصلوبه ولي تقول لا يكنسلونها
بنات في احد صارلها هاالشي او تعرف اي شي عن هالموضوع ياريت تخبرنا 00

ربيعتي نفس الشي صارلها …

بس المكتب خبرها قبل ما يتصلون فيها وقالها اذا اتصلوا فيج السفارة قةليلهم ان معاشها 1000 وشوي .. بس بالدولار طبعا وقالت للي اتصل فيها … \بس في النهاية يكون العقد غير ويا المكتب .. هذا كله بس عسان يسكتون السفاؤة

ياربي،،
نعطيهم 700 و800 ومايستاهلونها،،
الحين يبون 1500؟؟
اقول اشتغلي فالبيت وخلي 700 لج

يعني الغلط من المكتب هو ما خبرنا باي شي

صدقج والله 00000 بس شو نقول غير الله يعين

سمعيني قوليلهم بدفع 1500 درهم راتب بس بشرط تدفع لي اجار غرفة وتاكل وتشرب من فلوسها والله انا لو اتصلولي بقولهم ها الكلام وبرقع التلفون في شيفتهم من زينهم اصلا الفلبينيات مب مال شغل مال دلع

السلام عليكم ورحمة الله

عندي بنوتة وحدة وعمرها سنتين و4 شهور وانا مطلقة من تقريبا سنة ونص والبنوتة الصبح اخليها مع الخدامة والظهر يوم ارد اكون انا معاها بس هي وايد متعلقة بالخدامة وانا انقهر منها يوم ماتي صوبي والخدامة تقهرني وايد تستانس يوم تشوف بنتي ماتي عندي احس انها تتشمت فيني شو اسوي معاها قبل كانت الخدامة تساعدني في سبوح بنتي الحين ماخليها ابدا وبديت اسحب بنتي منها شوي شوي ودايما مجابلة بنتي 24 ساعة يوم تلعب ويوم تتطالع رسوم متحركة ونبهت عليها وقلت لها لاتلصقين فيها وايد حتى هي كانت ترقدها بالليل الحين ماخليها احط الالعاب في حجرتي واخليها بالسرير بعيد عن الخدامة ياربي شو اسوي ويا هالخدامة انفدها واسفرها ولا اخليها لانها هي تعرف حق بنتي وهي زينة بس مشكلتها جي وايد تلصق في بنتي وانا انقهر منها .

وانا ساكنة بشقة وبنتي تمل وايد وكله طفرانة وعنيدة وراسها يابس وكله تصرخ وماتروح عند حد وماتخلينا نلبسها وتفرفر كل شي طبعا انا شاورت ابوها في الموضوع لانه هو مايشوفها الا بالاسبوع مرة وكم من ساعة بس وماخليها تبات عنده لانه متزوج وحدة ثانية وماباها تتعلق فيهم وايد وطبعا ابوها اقترح علي انه يشلها في الاسبوع ثلاث مرات ووافقت على اساس يرفه عن نفسيتها ويشل المسؤولية معاي وهو يحبها وايد ومايصدق انه ايي صوبنا .

والحين يوم بديت اشاوره في موضوع بنتي يطنشني كله يتحسب اني لاحقتنه ( طبعا كله مسجات مافي رمسة وياه ) وهاي روحها مشكلة ثانية وانا يوم اشوفه جي خلاص ماطرش مسجات مرة ثانية ماحب اكون ثقل عليه .
والحين لجأت لكم انتو خواتي اباكم تشوفون لي حل مع هاي البنية انا اباها تحبني انا وتتعلق فيني انا مب في الخدامة ومع اني والله ماقصر عليها بشي ابدا كل شي متوفر لها ومرات ابخل على نفسي واعطيها مابا احسسها انها بدون ابو ومابا هالشي ياثر على نفسيتها .

فديتج وديها الالعاب من غير الخدامه وديها الاماكن اللي تحبها لكن من غير الخدامه رقديها عدالج وقوليلها قصص والعبي معاها وسويلها اصوات يعني كذا بتشتاقلج وبتحب تكون معاج

اكثر شي يضايقني لما اشوف الام والابو فالسوق والبشكاره تدز عربانه البيبي .. او تلعب اليهال فالالعاب
هذي اللحظات اللي تبين لي دور الام والابو في حياة عيالهم

البشكاره الحين لازم يتحجم دورها بمعنى انها ما تتدخل في تربيه البنت
انا ماعرف وضعج الحالي لكن اذا في احتمال انج تخلينها عند امج او اختج او خالتج او اي وحده فالعايله بيكون اوكي وايد

وعندي اقتراح وايد حلو .. وديها الحضانه خليها تتعلم وتتعامل ويا الصغاريه .. منها تفتكين من البشكاره ومنها تعودينها على الروضه مستقبلا

الياهل الواحد يروم يشتري حبه بسهوله

لانه بهاكي السن الصغير ما عنده الولاء .. و الحكم الصائب للأمور
الي يلعبه و يطلعه و يشتري له .. بيكون المفضل عنده .. لو مب امه و ابوه

فا انتي سوي جدول لبنتج .. كل يوم سوا شىء .. مره بالبيت و مره خارجه
بس لا تدخلين الشغاله وياكم و لا تشلينها .. بس لا توضحين هل الشغله للبنت
لانه عادي توقف على الباب و تيس تصارخ و تصيح تبا الشغاله .. فكله يوم تطلعون .. خلي الشغاله تكون بعيده

بس لا تكرهين الشغاله او تسفرينها .. زين لقيتي شغاله تتعامل زين مع بنتج .. الواحد يدورهن هل الايام
و بعدين فكري فيها اختي .. لو بنتج حبت الشغاله؟ مردها الشغاله بتسير .. و يمكن تصيح اول فترة بس بعدين بتنسى
وايد صارت لناس نعرفهم .. و تم الياهل يصيح بعدين نسى ..

فا انتي خلج طبيعيه .. و اكسبي بنتج شوي شوي .. حتى ابوها لا تدخلينه بالسالفه .. بالنهاية الموضوع يصير ببيتج مب عنده

انا رايي من راي البنات حاولي قد ماتقدرين انج اطلعينها من البيت وتبعدينها عن الخدامه روحي معاها الالعاب لعبيها قربي علاقتج بها حني عليها رقديها عندج واحكيلها قصص ترى الاصغاار واايد يحبون قصص النوم , ويوم تكون فترة الصبح وديها الحضانه خليها تكون لها صداقات او وديها عند حد من اهلج ….
الله يعينج الغاليه

صح كلام الخوات طوول الوقت خلج معاهااا انتي لعبيها انتي سبحيها

انتي اكليها انتي سويلها كلل شي طلعيها وديها اماكن تحبها

ولا تنسين انتي امها وما تصبر عنج يعني بسهوله بتتعلق فيج

رايي من راي الشاعريه يعني استغرب وايد يوم اشوف الشغالات ويا اليهال يلعبونهم او يدزون عربانه الياهل
يعني الياهل يتاثر دايمن بمن حوله وبهالسن بالذات الياهل يحتاج امه معاه
رايي لو تيلسينن ويال البنوته وايد وتكلمينها وتحكيلها قصص وتطلعين وياها من دون البشكاره
وتسوين وياها كل شي تحبه من دونها
الله يوفقج اختي

هلا ساعدوني منوجربت الخدامة النيبالية اوسمعت عنها

هل هي زينة ولا ومثقفات يعني يعرفن يتكلمن انجليزي ولا

لا اله الا الله

والله ماعرف ..

انا بعد ابي اكفل نيباليه الكل يمدحلي فيهم

بس مادري

الغاليه انا سمعت عمتي تقول انهن شغيلات

انا بعد كنت خلاص امدخلة معاملة النبالية بس للاسف يتني فلبينية مؤقتة

سوت نفسها زينة للبيت والياهال و كل شي بتتعلمه و لكن من كنسلت النبيالية و سويت لها اقامة انجلبت 180 درجة و الحينهة ما كملت سنة و كاتبة لي رسالة من صفحتين

كله طلبات

ابا اجازة
ابا راتب 400 دولار
ابا موبيل
ما اقدر اطبخ يايبيلج شغالة ثانية للطبخ ……………… و لا بيتي ملاحق هاهاها

ما ادري شو اسوي فيها اكيد المكتب ما بيعوضني عن المبلغ دافعين 5000 درهم لها و راتبها 800 درهم و شغل مثل ويها
كملت 6 شهور والاكل كل يوم من بيت امي

ما ادري شو اسوي اوديها المكتب و افك عمري خاصة اني في اجازة الحينه و اقدر ادبر نفسى و الياهال

بليز شوروا علي

اانتظركم و اذا ع الخاص بعد يكون احسن عشان الحق اقراه

و السموحة

للرفع

السلام عليكم سيدات

كل عام وانتوا بخير اعرف اتس تووو ليت انشغلنا

زين اباكم تمخون وياي وتخبروني كيف اعرف ان الريال متى يخون زوجته لني وايد اسمع عن خيانات الزوج مع الخدامة

اسمع من خدامتنا ان الخدامة الفلانية لها علاقة مع مخدومها او الريال (الفلاني ) مايخلي اي خدامة بحالها لينما يشردهم

وايد قمت اسمع جي من سمعت من خدامتنا جي ونا مب كلي على بعضي من الصبح ماكلني التفكير

فهالعايلة ياربي اخاف ريلي يطلع جي لاسمح الله كيف اتأكد ان ريلي مب مال علاقات داخل او خارج البيت
؟؟؟؟؟؟

حبيبتي اتركي عنج هتفكير
انتي ارضي ربج ومن ثم ارضي ريلج ومول لاتتركينه يعني لو حتى انتي زعلانه منه اعطيه حقه الشرعي وهذا ما اوصى به دينا الحنيف حتى لايروح الريال بلحرام والله يسخرلج ريلج ويسعدج وياه

الأفكار تييبني وتوديني شو اسوي ابا حد يطمنني

اخيه هالريال طفس وصل للخدامه … استغفر الله واتوب اليه ..
خبيبتي ليش تفكرين بريلج جي …
احتكاكه كيف مع ااخدم … هو يسولف وياهم .. يروح صوب حجرهم كيف الموضوع …
اذا هو مافي من هالامور ..لا تصدعين راسج و انا انصحج التفكير بهالامور بتعقدج وبتعقد حياتج

فديت روحج خلي عنج هالخرابيط تراج يالسه تضرين روحج وانتي ماتدرين
انا ريلي حتى موبايله ما افتحه
عشان ما انصدم وتضيع حياتي وياه
مافيني اشوف بلاوي احسن لي غافله

بطلي هالسوالف عنج عيوني
واصلا يبان ، شوفي حركاته هل لما اتيي تنظف او شي يخز جسمها
او فليل وانتي نايمه يقوم نص الليل ؟
الخدامه شلون؟
شوفيها لما تيي تييب الاكل او تنظف تيلس تتميلح وتتغنج له

وفالاخير نصيحه لج لبسيها ثياب وسيعه ومتبهذله
عشان مول مايبين منها شي

انا هالايام الشغاله تلبس تنورة مدري شو
ولمن تركب السياره ترفعها ثلاث ارباع ريولها برع حسبي الله عليها يعل ريلها الكسر
المشكلة ماقدر اكلمها لانها شغالة اهل ريلي

في رياييل عندهم نظرة ان الخدم من شرق اسيا عندهم خبرة بهالشي ويحبون يجربون
وفي منهم يفكر بالحلال ويتزوج من هناك وهالسبب في انتشار هالنوع من الزواج
وفي منهم ما يخاف ربه ويطالع الخدامة

صح ان هالشي منفر وممكن تشمئزين منه ..
بس اول شي ما تعطين الخدامة مجال تقولج اشيا تعيشج في وسواس
ثاني شي اكيد تعرفين تحركات ريلج في البيت واحس هالشي واضح مستحيل يكون بالخش والدس
يختفي لفترة ..
ولا نص الليل يطلع من الغرفة ويغيب لوقت ..

التوعية الدينية بالحلال والحرام وعدم التقصير في حق الزوج ان شاء الله بتساعدج تتطمنين
ولا تحكمين ع الريال من طبيعة هله..
كل انسان وشخصيته ووازعه الديني

ليش تفتحين عليج ابواب ما تتمناها أي وحده؟!

السلام عليكم و رحمة الله و بركاته

يا حريم بخبركم سالفة أربيعتي

اليوم يايتني اتصيح و عيونها بتنفجر من الصياح اتقولي عندها خدامة فلبينية اتقول فليل و انا طالعة من غرفتي بعد ما نامو اليهال سمعت صوت فغرفة الكمبيوتر اتقول اتقربت و لا اسمع الفلبينية مع ريلي فالغرفه و انتو ادرى بلي يصير بين الريال و الحرمة

و اتقول احس بخوف خاصتا ان ريلها مريض نفسيا و ان هي عندها امر من المحكمة اذا في اي شي بيطلقها و بيتنازل عن البيت و اليهال بس هي ما تبي هالشي يصير رغم وصاخة ريلها بعدها تباها مب عشان سواد عيونه لا عشان العيال

فبشو تنصحونها لا تقولون طلاق

معلومة ريلها دايما يتحسبها خوافه

ما ادري خليها تصلي صلاة الاستخارة …تشوف تطلق ولا لا.؟؟
تستشير حد …وتسفر الخدامه
المشكلة مب في الخدمات بس المشكلة من ريلها …
وتشوف وجوده نافعنها هي وعيالها …ولا لاء؟
اذا كانت سلبياته اكثر من ايجابياته …تخليه

كيف بتكمل حياتها مع واحد ……
والله ما اعرف شو اقولج!! صدق ضايقني سالفتها!!!
الله يستر !
والله يساعدها

اول شي تسويه الخدامه لازم تتسفر في اسرع وقت .. وبعدين تيلس تتفتهم ويا ريلها .. وان شاء الله الله يهديه ويحس بغلطه وما يعيدها …

بس الصراحه الصراحه الصراحه اذا استوالي هالموقف … بسير بيت اهلي وبطلب الطلاق حتى لو عندي عيال … لاني مو مستعده اعيش مع واحد يربي عيالي وهو اصلا مب متربي … الا اذا حسيت ان هو صدق ندمااااااان و وعدني ان بيتيغير يمكن اردله ….

الله يعينها …

الله يعينها و يصبرها
دامنه مريض نفسي قوليلها لا يتقرب منها ولا من عيالها
لانه وحده من اهلنا هشكل ريلها
وحاول مرتين يقتلها
بس ما طلبت الطلاق عشان عيالها ما يتربوا بعيد بدون اب
وهي صابره من 18 سنة
والله عوضها في عيالها خير

أرف يأرفه

اعوذ بالله كيف بتعيش ويا واحد يخونها ويا وحده خايسه ؟؟
ما تخاف ينقل لها الامراض
احسن حل
خليها تسوي حق اخوانها يوم ريلها ويا البشكاره و خلهم يحدرون عليه يظربونه و يظربونها وياه ملعونة الصير

حسبي الله ونعم الوكيل
و اذا هو مريض نفسيا ماتخاف على عيالها منه ؟؟

لا حوول ولا قوة الا بالله