الوسم: الرضاعة

اهلين بنات

وش المانع المضمون في حالة الرضاعه ؟

لان اغلب الموانع العاديه تجفف الصدر ..

ابي تجاربكم ( المرضعات ) في استخدام موانع الحمل

واللي تستخدم حبوب ما تأثر على الرضاعة تخبرنا باسمه ….. لأن الحبوب اللي كتبته لي الدكتورة مو موجود من الشركة ………. واسمه (سيرازيت)

والسموحة

للرفع……………ان شاء الله البنات يفيدونج

مشكوووورة على مرورج

دامج ترضعين مابتحملين انشالله

للرفع

يقولون حبوب ياسمين زينه .. بس ما جربتها بنت عمي مجربتنها وتقول انهن زينات

الي تقول دامج ترضعين ما بتحملين…هالمعلومه غلط مب كل وحده ترضع معناته ها يمنع الحمل عندها انا حملت مرتين وانا ارضع…حاليا استخدمت ابرة الرضاعه ديبو بروفيرا بعد ثالث ولاده والحمدلله مرتاحه منها بس هاي ما تتاخذ قبل ولادتين لانها شوي تاخر عودة الخصوبه فاي دكتوره ما توصفها اذا الوحده عندها طفل واحد وان شاء الله اكون افدتج

للرفع

الغالية خليها تتاكد من دكتورتها…. بس اذا هي خايفة من موضوع الادوية …

خليها اتجرب حليب دافي مع لوز مطحون ….والله يريحها ياااااااااااااااارب

استغفر الله واتوب اليه

اما فيما يخص الشاى الاخضر والرضاعة :
فلانه يحتوى على الكافيين… فالكافايين يستطيع المرور بسهولة في حليب الثدي. إبتلاع كافايين من قبل الأطفال يسبب لهم إلى إضطرابات النوم / أرق.

والأطفال الذين يرضعون من امهاتهم يستهلكون أعظم من 500 من ملليغرامات الكافايين يوميا أخبر طبيا وبالتجربة باصابتهم بحالات شذوذ نسق دقّات القلب.كما انه يوجد مكوّنات موجودة في حليب الثدي قد يحوّل قدرة الأطفال إلى ان يؤيّض مادة الكافيين مما يؤدّي إلى أعلى من مستويات الدمّ المتوقّعة. إستهلاك شاي من قبل الأطفال ربط بفقر دم، تخفيضات في الأيض الحديدية .

لذلك اختى يمكنك اخذ حبوب الشاى الاخضر ويفضل ان تكون خالية من الكافيين لانك ستاخذيها واكيد ستتناولى خلال اليوم شاى او قهوة او كولا او صودا وكما وضحت ان النسبة الصحية لتناول الكافيين هى 300 milligram فى اليوم وهذة النسبة تعادل 3 mugs نسكافية , 4 فنجان قهوة , 5 اكواب شاى , 5 cans كولا و ايضا الشيكولاته تحتوى على الكافيين لذلك فيجب الحرص الا تزيدى من 300 ملجرام باى حال من الاحوال لذلك الافضل شراء الحبوب التى تحتوى على صفر كافيين او تشربى الشاى الاخضر بمعدل 3 او 4 اكواب يوميا دون شرب الشاى الاسود او تناول القهوة او تناول شيكولاته او اى شىء اخر حتى لا تزيدى من هذة النسبة …

منقول
بس اللي فهمتها انك تشربين شاي اخضر بس لا تكثرين مو زين كثره
ادعيلي بالزوج الصالح عاجلا

احس عادي مافيه شي لانه مفيد .. بس احتياطا لا تكثرين وايد عشان مقال الاخت اللي قبلي (الكافيين)

لا اله الا الله

ما اعتقد انه يضر لانه طبيعي بس اسالي الطبيبه افضل

مشكورات يالغاليات

ان شاء الله حد يفيدج حبوبة
للرفع

مرحبا

انا طفلي عمره اقل من اسبوع
يرضع شوي و يرجع ينام مدة طويلة دون رضاعة قد تصل الى 6 ساعات
احاول ارضعه بس ما يرضع
هل هذا شي طبيعي ؟؟ وشو اسوي عشان يرضع؟؟
ابا حل لان صدري يعورني

شي طبيعي حبيبتي لا تحاتين لانه هالوقت هم ف الاربيعين وايد ينامون و عقبها بيتغير نظام رقادهم واذا الحليب يتيمع ف صدرج شفطي…و الله يحفظلج البيبي…

ولدي كان جي كله يرقد ويرضع شوي..احس شي طبيعي عقب ما يكمل الاربعين بيعتدل رقاده وبيرضع ان شاء الله..
بس حاولي تشفطين الحليب عشان ما ينشف صدرج….

][ اللهم اجعلنـآ نمشي فـي روضكـ وندرج على حبكـ ونحيـآ على ذكرك ونستقيم على قرآآنك . . جمعـ’ة مبـآركـ’ة ][

الغالية حاولي كل ماتمر ساعتين تبدلين له بامبرز وبيصحصح ورضعيه بعدين

والله يعينج يارب

كلهم جي ..
بس مثل ما قالت الاخت اللي قبلي

بدلي البامبرز .. ومسحي ويهه بماي علشان يصحح

والعياييز يقولن قرصيه ع الخفيف فالاذن بينتبه وبيرضع

لان الياهل من البدايه لازم يتوعد انه ينام واهو يشبعان

بس في هالعمر طبيعي يرقدون وايد..وفالليل يصيحون

الله يسهل عليج تربيته وربي يحفظه لج

حبيبتي هذا شي عادي بس انتي لاتخلي البيبي على كيفه ضايقيه اضغطي على ريوله حركي اصابعج يعني خليه يصحصح عشان مايلعوزج في الليل

صراحه بنتي الكبيرة كانت ترضع شوي وتنام الدكتورة قالت لي لاتخليها تنام افركي اذونها اصابع ريولها لاتعطينها الجو الهادي
لكن ولدي الثالث ماشالله عليه بعد الولادة مباشرة رضع وااايد استغربت ماينام واااايد الله يعينج
وبخصوص الحليب اشفطيه بس بيدج احسن وحطيه في رضاعه زجاجيه وحطيه في الثلاجه ترى ينفع

مرحبا خواتي

بدش في الموضوع بسرعه انا مربية من شهر وزاد وزني 11كيلو يعني قبل الحمل كان65 والحين الصاعقة الكبرى واصل 76 والله اني طفرانة من جسمي

خواتي بقيت صاحبات الخبرة يساعدني برجيم ماينقص الحليب عشان الرضاعة والله الي بتساعدني بدعيلها من خاطري لاني خلاص تعقدت من جسمي

عند الاستيقاظ:
بيضة مسلوقة جيدا.
قطعة جبن قريش.
قطعة توست ريجيم.

بين الإفطار والغداء:
2 ثمرة فاكهة.

الغداء:
طبق شوربة دجاج منزوعة الجلد أو لحم منزوع الدسم.
طبق سلطة خضراء.
طبق خضار كبير باللحم المفروم.
نصف دجاجة مشوية أو مسلوقة.

بين الغداء والعشاء:
كوب حليب منزوع الدسم بالحلبة.

قبل النوم:
ثمرة فاكهة.

هذا ريجيم يعتمد على البروتين خالي من الدهون
يعني يكبر العضلات ويتم يجسمج يحرق من الدهون اللي فيه

عيل انا شو اقول زدت 20 كيلو

والله انا تعبت ابي انقص وزني بس نو وي ساعدوووونا

الحمدلله .. انا تجربتي بسيطة ولكن جابت نتيجة ولله الحمد بس مب من مرة وحدة حبة حبة زز

اول شي مافي شي اسمه ريجيم قاسي .. يعني انتي عارفة ان الحليب راح يقل وحرام وانتي ترضعين .,اصلاً الرضاعة تحرق لج يومياً 500 سعر حراري .. حطي هالشي في بالج وهاي نعمةمن الله

ثاني شي .. لو سويتي ريجيم قاسي وحرمان ، الجسم بيتهيأ انه بتصيبه مجاعة ، فيضطر انه يخزن الاكل على هيئة دهون للتعويض عن التجويع الي تمرين فيه ، واضافة الى انج اصلاً راح تلتهمين الاكل لما تجوعين عمرج مرة وحدة .. فهمتي قصدي

يعني بالمختصر المفيد كلي الاكل الصحي ولا تكثرين ..
وحاولي تعرفين السعرات الحرارية المناسبة لج .. وكم تبين تحرقين ولا تنسين تمشين اقل شي ساعة باليوم على جهاز الرياضة بتحرقين فيه ما يقارب 200 سعرة حرارية .. ولا اكثر لو جري

مثلاً اانا على وجبة الافطار .. اخذ لي صمون عادي وبيض او جبن .. المهم انه يكون شي خفيف على الصبح ابعدي عن المعجنات والكرواسان مترووسة دهون وانتي مب ناقصة ..

اتناولي كورن فليكس الرشاقة .. الي بالسكر الاسمر وما يحتاج الا تضيفين له حليب ويفضل مب البودرة الحليب الطارج .. لان البودرة دسسسسسسم للغاية

اول خذي لج قطعة خيار مع لبنة قليلة الدسم .. مع خبز بس لا تكثرين

على الغدا .. غرفي حفنة رز ( يااادوب ست ولا سبع ملاعق عادية من الرز ) + معاها قطعة لحم او دياي كم ما تبين بس لا تكثرين . وكثري من السلطات بالذااااااات الخيار والخس .. وقللي من الطماطم .

طبعاً الدياي او اللحم يفضل يا مسلوق او مشوي .. لا تاكلين مقالي كثير .. ولا تكثرين بطاط ونشويات .. [ خلي هدفج وااضح ] . .

شغل البيت والكرف كله اخليه من عقب الغداء عسب احرق جزء من الي اكلته [ خلي تفكيرج منظم مثلي ] .. وسيري اشتغلي وغسلي ونظفي والخ .. بتحسين بعمرج تحركتي وحرقتي من الاكل

بتجوعين !!! مب مشكلة اكلي حلو بس لا تكثرين شربي عصاير وسوااااااااااااااااااااااااااااايل كثري منها كل ساعة اشربي غرشة عصير ولا ماي [وهنيه السر السوايل تعوض لج الكثير بس لا تعتمدين عليها ]

طيب للعشا ،، اكلي خفيف لا تكثرين بعد . بس شي يشبع بس لا تترسين لمعدة .. ومن عقبها حاولي تسوين شي بسيط يعني تتحركين بس لا تتعبين عمرج .. ممممممم انا احب اتعشى كورن فليكس او مرات شوربة شوفان بالحليب .. والشوفان غني عن التعريف يدر الحليب

ومرات اكل لي اكل عادي بين الوجبات شي بسيط .. بس ما اكثر

وحطي ببالج انج كل ما اكلتي اكل صحي وتحركتي راح ينحرق وبتلاحظين ان الوزن شوي شوي ينقص وهاي تجربتي ونصيحتي .. اما التجويع الحمية القاسية . خرييييييييييييط بينقص اول اسبوع وعقب بيثبت هذا اذا مازاد .. لانج لما تاكلين شوي شوي تخلين المعدة تشتغل وتهضم وتتعود على حرق الاكل .. اما التجويع لفترات طويلة يحرمج من الراحة ومن الرضاعة لانه الحليب بيقل ..

وبس

رايي من راي ملكة الاحاسيس اكلي من اكل البيت بس خففي اكلج وخليه صحي … ولو ينقص وزنج في الشهر 3 كيلو خير ونعمه

ماقصرن البنات

والله انا عندي نفس المشكله … بس احسه مب من الرضاعه اكثر شي … ترهل عندي لني متنت يوم كنت حامل و لما كنت ارضع ما حسيت به …بس من فطمت ولديه و راح الحليب فش الصدر و حسيت بالترهل …. يعني ما اعرف هوه من الرضاعه ولا لني متنت

ان شاء الله الي عندها حل تفيدنا و تفيد باقي البنات

للررررررررررررررررررررفع

للرفع

الكل يعاني من هالمشكله

انا احسه من المتن والضعف

رفعععععععععععععععععععععععععععععععع

وجاااااااري البحث عن الجوااااااااب

نفس المشكلة ….

السلام عليكم ورحمة الله وبراكه

خواتي بغيت اعرف عن الاخوان بالرضاعة وهالسؤال يدور في بالي واتمني انكم تساعدوني …………………….كيف يه هالسؤال في بالي بخبركم في وحدة من قرايبنا ربت ومافيها حليب وهذي ثاني مرة ما يكون فيها حليب يعني عيالها الاثنينة ما رضعوا منها السؤال الحينة اذا هي رضعت حد مش من عيالها بيكون ولدها بالرضاعة يعني عيالهااللي مارضعتهم يكونون اخوان اللي رضعتة؟؟؟؟؟؟؟؟؟؟؟؟؟؟؟؟عيالها مارضعوا يعني
يكون اللي رضعته اخوهم بالرضاعة……………..اتمنى انكم فهمت سؤالي

والسموحة منكم

السموحه منج شؤالج مب مفهوووم ؟؟؟؟

الغالية اقصد اذا حرمة رضعت كل عيالها بس خالد ولدها ما رضع لانه ما كان فيها حليب يوم يابته………………..اذا هذي الحرمة نفسها رضعت واحد مش ولدها( ناصر) نقدر نقول انه ناصر اخو خالد بالرضاعة؟؟؟؟؟؟؟؟؟؟؟اتمنى يكون سؤالي واضح فديتج

للرفع

خمس رضعآت مشبعآت …

مشكورات خواتي..
يعطيكم العافية..

هل تريد راحة البال"وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }

هل تريد راحة البال"وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }

السلام عليكم يا أخوات ….

عندي ولد عمره سنة و4 شهور … وأرضعه طبيعي … وحابة ارضعه لمدة سنتين … يعني بفطمه على شهر 3 إن شاء الله … وفي نفس الوقت ناوية أأدي فريضة الحج هالسنة بإذن الله …

سؤالي هو : إذا رحت الحج لمدة أسبوعين تقريباً راح أبتعد عن رضاعة ولدي وبالتالي بيتجمع الحليب في الصدر .. وراح يسبب لي ألم وحمى … والخ …

كيف ممكن أأدي فريضة الحج بدون أي متاعب أو مرض .. وفي نفس الوقت لما أرجع أكمل الرضاعة مع الولد …؟؟

ساعدوني الله يخليكم …