خواتي العزيزات حبيت اكتب لكم تقريري عن رحلتي للنمسا مرفقة بالصور بإن رب العالمين بس ما يقهرني غير تصغير الصور .
تكاليف الرحله :
حجزنا باكيج من عند سيتي للسفريات براس الخيمه والله اسعارهم حلوه واشوفه احسن عن جمال للسفريات خذينا الباكيج لشخصين 16600 درهم شامله التذاكر والفنادق والتوصيل من المطار للفندق والعكس وصرفنا هناك تقريباً 15000 ثمانية ايام بالنمسا والسبعة ايام بسويسرا وانا بهذا التقرير بتكلم عن النمسا وبعدين بتقرير منفصل عن سويسرا
لوازم الرحله الضروريه :
البوصله لتحديد القبله – سيادة الصلاة – البنادول – ضمادات الجروح – مناديل وبخاخ ديتول عشان حماماتهم العامه اكرمكم الله – الجواتي الرياضيه للراحه بالمشي .
واي سؤال انا حاضره
واذا عندج صور عن المناظر لاتبخلين علينا فديتج
يعطيج العافيه
فالحمد لله استانسنا وايد وهذا كله بفضل رب العالمين
اخواتي العزيزات لقد كان وصولنا لفيينا في الساعه الواحة ظهراً بتوقيت النمسا
والحمد لله كانت اجراءات المطار كانت عال العال واول ما طلعنا من المطار حصلنا السواق يتريانا ورافعه لافته باسم ريلي وهو مصري الجنسيه وكان وايد طيب وصلنا للفندق بالسلامه وصلينا الظهر والعصر قصر وجمع وبعدها طلعنا نتمشى في ساحة ستيفنز المشهوره ودخلنا الكاتدرائيه من اشهر الكنائس في اوروبا والله عجب تشوفون داخل الحمد لله على نعمة الإسلام وإليكم صورها:
وهذي من الداخل :
وهذي كنايس توجد في الشارع اللي قبل الساحه ويا كثر الكنايس في هذا الشارع
وقعدنا في هذا الشارع ناكل الآيس كريم مالهم وايد حلو يم يم اوه نسيت اصوره لكم خيرها بغيرها
[
وبعد ما خلصنا من الباص سرنا لنهر الدانوب ركبنا الاندر قراوند وصلنا للنهر وهذي الصور من فوق جسر نهر الدانوب بعد ما نزلنا من القطار
وبعد ذلك اتجهنا للمطعم دوار تكسرت ريولنا لين ما وصلنا له بعد ما قطعنا المنتزه الكبير بس للأسف ما تغذينا فيها لان الساعه كانت الساعه خمس مسكر خلاص يجهزون للعشا فطلب لنا آيس كريم وهذي صورته :
وهذا المسجد صورناه من فوق البرج يوم كنا قاعدين بالمطعم
واسمحولي ما اقدر احط صور وايد فانتظروني في زيلامسي
ناطرين تكملين لنا تقريرج فلا تتأخرين علينا حبيبتي
أحلى شي نهر الدانوب لما يرقصوا السفينة على أنغام فالس يوهان شتراوس
ذكرتيني بأيام حلوة
مشكورة حبيبتي وايد والصور حلوة
بانتظار المزيد
المشاركة الأصلية كتبت بواسطة !!قلب طفل!! 
