الوسم: الشغل

اتنازل عن الشغل للزواج؟

السلام عليكم ورحمة الله وبركاته

حبيت اخذ ارائكن في موضوع ….. انا اتكلم بشكل عام مب عن حد ولا عني ….. الموضوع هو لو وحدة تشتغل وشغلها زين وراتبها عالي وكل شي وتقدملها واحد اوكي وامكانياته الماديه بعد اوكي بس اشترط عليها تترك الشغل؟ في بنات يرفضن هالشي علشان يستمرن في شغلهن …. انزين هل شغل البنت اهم من الزواج؟ يعني هل يستحق الشغل انها تتنازل عن هذا الزوج ؟

والله حسب الريال اذا يستاهل .. ممكن تداوم واهي متزوجة لين ربي يرزقها عيال وتخلي الشغل اذا حست ما بتقدر تكمل..
وفي ريايل يشترطون وبعدين يغيرون رايهم يوم اتم هي ظايجة من يلسة البيت
وفي حد ولا يستاهل تخلي شغلها اللي تعبت لين حصلته وتميزت فيه ويكون سندها يوم يغدربها هالريل ويطلقها..
واولا وأخيرا هاذي توافيج من الله

انزين تراني اقول لو كان الريال صالح وزين واي بنت تتمناه ……… ترا الزواج هو تنازلات ….. ولو البنت تمت ترفض لمصالحها الشخصيه وليس لعيب في المتقدم في حياتها ماراح تعرس

أكيـــد هي اختي الغالية

الزواج سنة الحياة

ومب شغل الحرمــة ^^

صح ان الشغل يوفر امكانيات أكثر

بس دام الريال مقتدر ليـــش لأ خليجية

وأهم شي الوحدة تستخير قبل اي خطوة وربي بيقدم لها الي فيه الخير خليجية

والوحدة شو بتقدم لها الوظيفـــة اذا لا سامح الله لا عرست ولا يابت عيال ولا أسست اسرة خليجية !

البيزات تروحح وتيي وتبقــى الاشياء الي قدمناها في حياتنا ^^

up up up

بيلي جيرل وانا بعد رايي من رايج … والزواج لازم كلاالطرفين يقدمون فيها تنازلات …. مشكوره على المرور

الله يوفق الجميع

عطوني حل لتأخير الشغل مالي نفس والأوراق تتراكم في المكتب!

ماعرف شو صاير فيني كارهة الشغل مالي نفس، بتقولولي خذي إجازة خذت ومليت وردعت أداوم، مب عارفة ليش مب قادرة أفتح شي أركز فيه، شغلي يتطلب إيميلات لمديري أتابعها، ورسايل وتقارير للعملاء، وجزء كبير من شغلي موارد بشرية ، أوراق لازم تتطرش للأقسام الثانية مع الرد على المكالمات وإجابات للناس والموظفين سواء على التيلفون ولا جدامي ، يعني شغلي تقريبا كل شي مفرور على راسي، الموظفة اللي تساعدني استقالت لظروف عائلية ، ألحين المشكلة فيني لقيت نفسي مب قادرة أشتغل في شي ، ويالسة أأخر الأوراق وأراكمها حتى لو اشتغلت مابقدر أخلص كارهة الأوراق والملفات ويالسة على النت أقرا مواقع وأخبار ومنتديات بدل مب يالسة أشتغل، اعرف هالشي غلط وحرام ويالسة أقول مب زين لازم أحلل معاشي، بس والله مادري شو صاير فيني ماااااالي نفس نهائيا لفتح الأوراق أو قرايتها ، البريد يتراكم، أنا وظيفتي مساعد إداري يعني كل شي يرجع لي، بغيت حد يعطيني حلول كيف أرجع أقدر أشتغل، موضوع الإجازات منتهي ماب يعطوني توني ياية من إجازة ومافي موظف بديل، شو الحل ليش هالطبع استوا فيني…

فديتج انا وياج بهالشي وصراحه انا سكرتيره وكل شغل الفرع ع راسي لو غلطه بسيطه اطيح فيني
كل شي اتابع وللعلم للحين ماخذت اجازه لانهم مابيعطوني طيله ايام اسبوع اداوم

لكن شو اسوي كل مااحس اني مضايجه ومكروفه مااحصل وقت لي دام دوامي طويل

اشغل سوره البقره فالمكتب ومافتح ع النت ولا المنتدى الا الايميل فقط

واشوووف شو اللي علي وابدا اقول بسم الله
وابدا وبين شوي وشوي اروح الف شوي بالمكتب ولا اسويلي شي اشربه وجي اكون مخلصه

بس اهم شي تبين راحه لاتاخري صلاتج
انا ماعرف اشتغل الين مااصلي عقب سبحان الله استوي نشيطه واركز

حبيبتي هذا إحباط وكسل وحاسة بالوحده… من استقالت زميلتج انتي مالج نفس بشغل
لانه تشوفينه وااايد شغل وهب عارفة من وين تبدي كل تفكيرج سلبي
تقولين ليش انا اسوي كل هااا شوه الكالف وتسوين كمن ورقة وعقب تحسين مالج نفس تكملين..
تقدرين تسوين كنترول حق نفسج وتنظمين وقتج أول الصباح حطي قائمة حق كل الشغل ألي موجود عندج
شوفي المواضيع وأفرزيها ع حسب المهم ألي لازم تخلصيه وتابعي البريد الكتروني وردي ع اتصالات العملاء والموظفين واستمتعي بوقتج
واشتغلي بنفس مرتاحة ولا تتضايقين من كثرة وزحمة وتكدس الاوراق بالعكس استانسي وانتي يالسة تشتغلين فيهم
لانج ما بتحسين بالوقت ايمر بسرعة …ووطلعي بين فترة وفترة غيري جو مع الموظفين بدال ما يالسة ع النت .

استغفري و اذكري ربج ها كله من عمل الشيطان اعوذ بالله منه
و اعتبري الشغل تسلية تقضين فيه وقتج احسن من الانترنت و بتشوفين الوقت بيمر ابسرعة حببتي

يعني تشتغلين بدال اثنين انزين لو ضيعتي وقتج في النت تعتقدين جي بتحلين المشكلة ؟؟
دوروا على موظفة يديدة علشان تقسمون الشغل بينكم ، سوي جزئية وخلي جزئية سويها بعدين ..
تعلمي مهارات التنظيم علشان يتسهل شغلج وان شاء الله تردين مثل قبل واحسن
اقري اذكار الصباح والمساء ونفسيتج بتتحسن

اطلبي منهم ييبون موظفه غيرها تساعدج
ودامج خذتي اجازه وبعده ما تغير شي
ف قدمي استقالتج وان بغيتي الشغل مره
ثانيه قدمي وعاد تريي عقب ولا انج تسمعين
كلمتين من المدير وتحز بخاطرج . .

ما احبطج اكثر بس انتي عارفه وضعج
وشو اللي يالسه تسوينه . .

الله يعينج
ذكرتيني باختي الشغل كله معقوق عليها وكااارهه دوامها

مشكلتي بالشغل لحقووووني بلييييييز


السلام عليكم ورحمة الله وبركاته ..

اخواني اخواتي .. زملائي زميلاتي ..

المهم بدخل بالموضوع على طول .. انا شغلي يرتب علي اني اتعامل ويا بنات مراهقات

وتقريبا انا اتعامل وياهم بصورة مباشرة لاني مشرفة عليهم ..

في شلة وااااااااااااااااااايد متعباتني .. جربت كل الطرق والوسائل اني اتعامل فيها وياهن بس ماشي فايدة

يعني هالبنات وااايد مطيحات الميانة وياي بسبة اني ربيعة خواتهن من ايام الدراسة للحين ..

يعني ازور خواتهن ويزورني وغير الاتصالات .. حاولت اني اتفاهم وياهن واشرحلهن ان الشغل شي

ومعرفتي فيهن شي ثاني .. مشن عدل وياي لاني زعلت عليهن ومارمستهن بس بعد فترة ردن لعادتهن الجديمة

المهم هذيل البنات فيهن نشاط بزيادة مشاغبات وحركيات وكل يوم مسويات سالفة يديده

انا مابا اوصل الموضوع للمديرة لاني ماباهن ينطردن لانهن واااااايد طيوبات واحس اني اقدر اطلع منهن شي حلوو

ويالسة اتحمل كلام المديرة والباجيين لاني مثل ماقلتلكم اتوقع اني اقدر اطلع شي منهن ..

الحين المديرة اعطتني فرصة للاحد اني اعدلهن .. بس مب عارفة شو اللي اسويه ..

شو الشغلة او البرنامج الصيفي اللي اقدر اني اخليهن يتعبن فيه ويشتغلن واريح المركز من ازعاجهن واستفيد منهن

انقذووووووووووووووووووووووووووووووووووني بلييييييييييييييييييييييييييييييييييييييييييييز

ابااا حل ابا نشاط حلوو قبل يوم الاحد اقدر اعرضه على المديرة الاحد وابدا وياهن

الله يعينج

خليجية المشاركة الأصلية كتبت بواسطة sho0osho0o خليجية
امممممممم

على حسب المركز اللي انتواا فيه

اعطييهن مشروووع يسونه واجتمعي فيهن وحسسيهم انج وااايد واثقه انهن بيبدعن في هالشي

مااعرف بالظبط اي نشاط اقولج اياه لانج ماحددتي اي مركز انتوا

والله يعينج عليهن

حاليا نحن في مركز صيفي للطالبات .. ياخذون فيه دورات كمبيوتر انجليزي .. ودورات مهنية

بس هالبنات مافيهن حيلةعلى اي نشاط انا واثقة فيهن وكنت في سنتين ماسكة وحده من الدورات

وكانن وياي وبالعكس شغلهن كان اووكيك وياي بس الحين المدرسات مايعاملونهن اووكيك

وبنات في هالعمر يبون حد يداريهن يحاول يتفاهم وياهن مب يصارخ ويطرد هالشي وااايد يضيجبي

اووكيك انا وياج ابا نشاط او مشروع يبدعون فيه تحت اشرافي بس شوو هوو ماعرف ؟؟؟

اشكرج يالقمر

خليجية المشاركة الأصلية كتبت بواسطة Bent AlGharib خليجية
الله يعينج

ويعين الجمييييع

تسلمين يالغلا

خليجية المشاركة الأصلية كتبت بواسطة maithooh_2017 خليجية
عطيهن بروجكت ايسونه ويكون شي كبير وممتع في نفس الوقت وقولي لهن انه بينعرض جدام المدرسه كلها من بنات ومدرسات وبتدعون ناس من الوزاره
واذا كان الشغل ممتاز بيكرمونكن برحله وين ما تبن وبشهادات تقدير… البنات يعيبهن هالسوالف….
هذي فكرتي لج…

ميثوووووووووه والله احبج

فكرة وااااااااااااايد حلوووة .. بمسكهن اعداد حفلة يوم الاربعاء الياي ..

بس ياارب اطيع المديرة …

الله يعطيج اللي ببالج ياارب ويهنيج طول عمرج

يالله يابنات شدو حيكلم ابا افكار ثانية

ان شاء الله البنات يساعدونج..

خليجية المشاركة الأصلية كتبت بواسطة أم سوافي وشهد خليجية
ان شاء الله البنات يساعدونج..

يااااااااارب

تسلمين على مرورج الرائع

كيف تضيفوا لمستكم على مكتبكم في الشغل ؟ يلا افكااار

طبعا كل وحدة فينا احنا البنات تحب تتميز بأي شي يخصها ! *_*
حتى في الشغل هههه

يلا نتشارك الافكار *_*
كيف مكتبك مميز عن باقي المكاتب في الشركة ؟
شو مسوية فيه ؟

حياكم *_*

بي اس: بدي أحط سمايليز بس مافي عالتلفون هالأوبشن ههه فا اعتبروا إنه الموضوع كله ملياااان سمايليز وحركات *سمايلي بيضحك*

امممم انا عني حاطة زراعة صغير عدال الدريشة بصراحه

تعطي جو فريش و منظر حلو ..

انا ما احب يكون الالوان اوفير فالمكتب بما انه

يمرون عليج مدرا و موظفين و عشان تكون صورتج لائقة

حاطه الثم لمكتبي لون البنفسجي و البني قصدي لون الكوشن

واغراض المكتب بهاللونين وعندج بعض الصور و الملصقات

البسيطه عشان نفسيتج ..

ملاحظة انا حاطة شعار نادي العين صغير هع بما اني عيناوية حتى النخاع ..

بشكل عام حلو يكون لج بصمة بمكتبج بس ما يتعدى المعقول ..

حلو حبيت فكرة الزرعة !
ومعك حق مو حلو يكون اوفر هذا مكتبك مش غرفتك هههه

مشكورة
بانتظار باقي الردووود

عني انا الصراحة

خليجية

خخخخخخخخخخخخخخخخخخخ هالسمايل مسكين والله خليجية

خخخخخخخخخخخ

المهم ..
مكاننا مايساعد خليجية خخخخخخخخخخ >> خوش تشجيع

المهم صدق مكانا مايساعد
كله كراتين واوراق ..

والحمدالله ^^

بس حاطة سلة حلوة ماخذتنها من دايسو .. عسب احط فيها الدبابيس والدباسة والصمغ و ربعه هايله ..

وجي يعني .. يوم اطلع انظف طاولتي وارتبها و انتهت السالفة ^^

خليجيةموضوع فنتك بس ما عندي مكاتب خخخخخ بالتوفيق

فيه اطقم مكاتب تخلى شكل المكتب

مرتب اكثر

تحية طيبة وبعد ,,

انا الصراحة احب اللون الفوشي ويعني بشكل عام احب الالوان السبعة هههههه .. يعني مكتبي تقريبا وردي نوعا ما .. بما انه مايوني مراجعين ولا شي احب يكون مكتبي شرح ويفتح النفس .. ماحبه خالي ولا شي حتى قلامتي ملونة .. اهم شي نفسيتي طبعا هع هع هع وكريم حق الايد طبعا ولا العدة المكتبية .. بس مرتب وورد صناعي لنه الورد الطبيعي يباله عناية ونا بكون نص اليوم في الدوام ولازم ينحط صوب الدريشة ونا الدريشة مش صوبي فحاطة ورد صناعي خفيف خذته من ايكيا وعدة القلامة من ايكيا وطبعا صحن حلاوة صغير .. والحمدلله الكل يدش يقولي مكتبج حلو وناعم واهم شي انا راضية على مكتبي ^_^

مقابلات الشغل عقدتي !!

بصراحه ماعرفت وين اطررح هالموضوووع وقلت هالمكان اشوووفه افضل
والسمووحه لو كان هالموضوع ماينحط اهنيه

بس انا بغيت اسالكم يا جماعه انا ابى اقدم لوظيفه في مؤسسه ……
اللي ابى اعرفه لازم يسووون مقابله؟؟؟لاني اخاف من المقابلات ويلس قدامي وااحد ويقعد يسال ماعرف شقووول اصلا بوقتها
والله هاي سالفه المقابله مسوويه لي عقده …
….فابى اعرف يعني لازم مقابله عشان يقبلوني او لا..ولان انا ادرس حاليا بس ابى اشتغل وادرس جذيه يعني بقدم بشهادتي الثانووويه وشهاده الايلس وشهاااده ICDL لاني ماخذه دوره فيه وخلصته الحمدالله ……

وهم سؤال ثاني
اللي تعرف كيف اقدر اخوز خوووفي من المقابلات تقولي …
وهل المقابلات اهي بالعربي ولا انجليزي ؟؟

واللي تعرف تقوولي …وحابه اعرف هل المقابله كل الشركات تسوووويها ولا بس بعض الشركات؟؟؟
………
وانتظر اجوووبتكن ..بس اتمنى اشووف ردودكن ^_^

الغالية كل الدوامات تقريبا تسوي مقابلـة إلا العمال مال البناء وجي ..

ربي يعينج ويوفقج للي فيه الخير حقج خليجية

خلي ذكر الله ع لسانج

وتذكري ان ربي معاج في كل لحظة

واذا لج نصيب في اي وظيفة فربي بيسهل وبيسر لج المقابلة

اهم شي في المقابلة

الثقة بالنفس

وقة الشخصية

يعني لا تتوتورين بيبين من طريقة كلامج وحركات ايدج وتعابير ويهج

وهالشي مب في صالحج

هم يبون وحدة قوية يقدرون يعتمدون عليها في الشغل

مب وحدة خوافة ومتوترة

خليجية المشاركة الأصلية كتبت بواسطة bellegirl خليجية

الغالية كل الدوامات تقريبا تسوي مقابلـة إلا العمال مال البناء وجي ..

ربي يعينج ويوفقج للي فيه الخير حقج خليجية

صح كلامـها ’,’ فديــتج لااااازم تـبينين لـهم أنـج وااثـقة بـنفسج هذا أهم شي ,, و انتي سايره المقابلة

رددي هالدعـاء:

" ربِّ اشرح لي صـدري و يسـرلي أمـري و احـلل عـقدةً من لـساني يـفقـهوا قـولي "

اموفقــه يااارب

عااااااادي بس يسالونج اساله و اتجاوبين و عقب تظهرين و بس…كوني واثقه من نفسج و بس.,,

هلا فديتج

اتدربي عالمقابلات فالبيت او مع خواتج …

شوفي فيديوهات في يوتيوب وايد بتفيدج ، عن الاسئله المتوقعه و كيف تردين عليها فالمقابلات

موفقه حبوبه ^_^

التوتر والخوف شي طبيعي ومرة ع مرة رح يكون الامر عادي
ربنا يفقك ويوفقنا يارب

ماحكم الشغل عن طريق الواسطه

السلام عليكم ورحمة الله وبركاته

حياج الله اختي الغالية اما بالنسبة لحكم العمل عن طريق الواسطة فلا بأس به في حالات معينة فالسعي في قضاء حوائج الناس جهد مشكور ومأجور صاحبه إن شاء الله، أما إذا كان هذا السعي سيكون سببا في ضياع حقوق الآخرين، أو ظلمهم أو مساعدة ظالم أو تفضيل بعض الناس على بعض بغير حق فهذا لا يجوز بحال.
فإن كانت هذه الواسطة ستكون سببا في الحصول على وظيفة لشخص هو أهلا لها من كل الجوانب دون أن تضيع فرصة على شخص آخر أفضل وأحق منه فهي شفاعة مقبولة إن شاء الله ، وأما غير ذلك فلا يجوز
والله تعالى أعلم

الغالية قصدت ان هل مؤهلاتج تأهلج انج تكونين بهالوظيفة ولالا ؟ اذا هيه فما شئ مشكلة ان شاء الله اما اذا كان العكس يعني ان مؤهلاتج اقل وفي ناس احسن عنج فهني حرام وما يجوز تاخذين هالمكان وبتتحاسبين انتي ومن توسط لج ع هالشئ يوم القيامة يوم لا ينفع مال ولا بنون الا من اتى الله بقلب سليم ففكري في الامر في جميع النواحي ولاتنسين ان تضعي الله امام عينيك

فشو؟؟؟

والله يوفقنا واياج لما يحبه ويرضاه

الله يوفقج بوظيفتج .. واعتقد حتى لو كنت موظفة بالواسطة مش مشكلة اذا كنتي قد هالوظيفة … والله اعلم

ال سمعته من كثير من المشايخ
ان اذا كانت مؤهلاتك تسمح لك بهذه الوظيف وانها من حقك ولكن لاتعرفين اخذ او الاشتغال بهذه الوظيف الا اذا
احد سوي وساطه فلا بأس بها
والله اعلم

الله يوفقج اختي بس انا ماحب الواسطة لان وايدين ما عندهم واسطة وتضيع حقوقهم لكن انتي مالج ذنب والواحد مايصدق تكون عنده واسطة عشان يمشي امورة,,,,,,,,,,,,,,,بالتوفيق

الصراحة في أماكن وايد شاغره سواء في الوزارات أو الدوائر الحكوميه. بس أحس أن الأولويه في التوظيف للي عندهم واسطات يعني لو يتقدم مواطن عادي للوظيفة بيقولوله ما في وظايف. والناس تعودت على جذيه يعني تبا وظيفة روح دور على واسطه قبل.

والسموحة

اظن الخوات ما قصرو … ما عندي اي زيادة …

ولدي والشغل

السلام عليكم حبيباتي
انا ولدي عمره شهر فديته وبعد شهر بداوم ابا استمر ارضعه طبيعي ماريد اعطيه رضعات صناعيه طول مٌـْ•???•??ـْآ انا مداومه دوامي بيكون من سبع ونص لين 2 ونص طبعا ساعتين بريك رضاعه خبروني شو اسوي ؟! بديت اشفط له. كم رضعه بيحتاي. لحد مارجع من الدوام ؟!! المشكلة مافيني وايد حليب والنونو كل ساعتين يبا يرضع محتارة شورن علي ياللي عندكن خبرة ؟!

الله يحفظ لج النونو يارب ،،،

شوفي حبيبتي أنا كنت شراتج مافيني حليب بس كنت اشفط له اول ٣ شهور تقريبا ومن عقبها دخلت الصناعي لان ماخليت شي ماسويته لزيادة الحليب بس للأسف ما زاد وكان قليل جداً حتى مايوصل ٥٠ مل

انشالله الخوات بيفيدونااااا

ممكن تشفطين له و حاولي تكثرين من شرب الماي. اليهال في اول شهور يرضعون كل ساعتين و بعدين يتغير الوضع. و اهم شي عسب حليبج ما يخف هي الراحه النفسيه و كل ما خذتي الامور ببساطه و من غير توتر ان شاء الله بيكون كل شي سهل ….

الدراسه والشغل

السلام عليكم ورحمه الله وبركاته
خليجيةخليجية

بما انه ما بقى ع الثانوية خليجيةخليجيةشي وبعد فترة قصيرة بندخل مجال دراسي اكبر خليجية
متطلب نوعا ما وهذا الامر يثقل ع الاهل خليجية
مثلا البنت اول ما تدخل الكليه فهي لها احتياجاتها خليجيةخليجية
اكيد الاحتياجات هذي تكون موجوده قبل
بس تظهر بشكل اكبر سواء اكانت اساسيه او كماليهخليجيةخليجية

يعني من الاخر انا حابه ادرس واشتغل مع بعض
فحابه اعرف هل ينفع من اول السنه اجمع بين الاثنين

اقصد يعني فالفاونديشن ينفع ادرس واشتغل ولا بعد ما اتخصص
وكيف اقدر اني اوازن ما بين الشغل والدراسه

وهل في مكان معين تنصحوني به؟؟؟

محتاره بين الدراسه وبين الشغل ساعدوووووووني :(

السلام عليكم ورحمة الله وبركاته ^_^
اشحاااااااالكم يا عرب الله .. عسااااكم بخييييييير خليجية.. عندي مشكله صغنونه و عيزت وانا افكر فيها خليجية الله يسلمكم انا كنت مقدمه في وحده من الجامعات عشان اكمل دراستي "ماجستير" .. وحصلت رد من الجامعه بالقبول الحمد الله .. بس المشكله كانت في السكنخليجية .. كان فوووول ومافيه مكان وانا حجزت متأخر .. وماقدر الصراحه أدق درب رايحه راده وغير جيه ماعندي حد يوصلني .. كلمت اداره السكن وقالولي قدمي الحينه وبتحصلين ان شاء الله بدايه الكورس الصيفي في شهر 5 .. انزين الحينه انا صار لي فتره طويله يالسه في البيت وماشتغلت لانه مريت بظروف وانشغلت وايد .. والحينه وااااااااااااااااايد متملله والله لايعه جبدي و بيلس في البيت لين شهر 5 مااااااااااقدر اتحمل والله خليجيةخليجية.. فكرت اقدم اوراقي واشتغل بس مب معقوله بشتغل 3 شهور و عقب استقيل عشان اكمل دراستيخليجية .. وحتى لو فكرت اخذ تدريب بدال الشغل .. انا ماريد اخبر الناس اني بكمل دراستي .. كل مره يعرفون فيها مادري كيف تتلخبط اموري و امرض ولا اهلي يتعبون ولا أمر بضروف صعبه المهم انه السالفه تتفركش و ماقدر ساعتها اكمل دراستي ..صدق انه العين حق أعوذ بالله مب مخلين حد بحاله خليجية.. فالاحسن هالمره اني ماخبر حد من ربيعاتي او الناس اللي انعرفهم لين ما ان شاء الله اكون سجلت و اخلصت كل اموري .. الحينه شو اتشورون علي ؟ اقدم اوراقي للشغل " للعلم فقط انا متأكده انهم بيقبلوني لانهم كلموني من قبل .. يعني مابتريا وايد لين ماوقع العقد " ولا ايلس في البيت 3 شهور لين مايبدا الكورس و أسجل ؟ سااااعدوني احس اني طفررررررررررت من كثر مافكر في السالفه .. اهلي قالولي طبي الجامعه وقدمي اوراقج للشغل خليجية.. بس ماقدر والله ماقدر ابا اظمن مستقبلي بشهاده خليجية .. اتريه مشاركاتكم اخواتي

اخواتي المشرفات ,, الصراحه ماعرفت المكان المناسب للموضوع و حطيته في هالقسم ..

وعليكم السلام ورحمة الله وبركاته

اختي .. عليج بالاستخارة والله بيسر لج أمرج
واكتبي سلبيات الشغل بهذي الفترة وإيجابياته وبعدين وازني الأمر .. واختاري اللي ترتاحين له بعد الاستخارة

هذا بشكل عام

ومن وجهة نظري.. أتوقع إنّ الشغل لمدة 3 شهور ما منها فايدة صح بتقضين وقت فراغج وبتحصلين شوية خبرة

بس بعد أنت بتشتغلين وحاطة فبالج الاستقالة.. ويمكن ترجعين عقب الماجستير إنْ شاء الله تقدين في نفس المكان.. فأحسن ما تقدمين الحين
وأحسن شيء من رايي اتسوينه الحين.. أنج تشغلين نفسج في هذي الفترة بالاستعداد للدراسة

بأنْ تقرين حول التخصص الدقيق اللي بتدرسينه وتستغلين هذي الفترة في حفظ القرآن الكريم.. لأنج بتنشغلين عقب وهذا وقت مناسب جداً لج.. ومن يدري يمكن عقب إذا انت مب معرسة تعرسين وتنشغلين بحياتج…

وما بتحصلين مثل هذا الوقت اللي أسمية ((العمر الذهبي)) وصدقيني ما بتندمين أبداً أبداً..
وبتحسين أنّ حياتج بتتغير إلى الأحسن والأصلح .. وبترتاحين .. والله سبحانه وتعالى بيحفظج من كل شرّ

إنْ شاء الله تعيبج الفكرة.. وإذا بغيتي أي مساعدة .. تراني حاضره..
والسموحة .. طولت عليج

خليجية المشاركة الأصلية كتبت بواسطة أم أسما خليجية
وعليكم السلام ورحمة الله وبركاته

اختي .. عليج بالاستخارة والله بيسر لج أمرج
واكتبي سلبيات الشغل بهذي الفترة وإيجابياته وبعدين وازني الأمر .. واختاري اللي ترتاحين له بعد الاستخارة

هذا بشكل عام

ومن وجهة نظري.. أتوقع إنّ الشغل لمدة 3 شهور ما منها فايدة صح بتقضين وقت فراغج وبتحصلين شوية خبرة

بس بعد أنت بتشتغلين وحاطة فبالج الاستقالة.. ويمكن ترجعين عقب الماجستير إنْ شاء الله تقدين في نفس المكان.. فأحسن ما تقدمين الحين
وأحسن شيء من رايي اتسوينه الحين.. أنج تشغلين نفسج في هذي الفترة بالاستعداد للدراسة

بأنْ تقرين حول التخصص الدقيق اللي بتدرسينه وتستغلين هذي الفترة في حفظ القرآن الكريم.. لأنج بتنشغلين عقب وهذا وقت مناسب جداً لج.. ومن يدري يمكن عقب إذا انت مب معرسة تعرسين وتنشغلين بحياتج…

وما بتحصلين مثل هذا الوقت اللي أسمية ((العمر الذهبي)) وصدقيني ما بتندمين أبداً أبداً..
وبتحسين أنّ حياتج بتتغير إلى الأحسن والأصلح .. وبترتاحين .. والله سبحانه وتعالى بيحفظج من كل شرّ

إنْ شاء الله تعيبج الفكرة.. وإذا بغيتي أي مساعدة .. تراني حاضره..
والسموحة .. طولت عليج


تسلمييييييين اختي ام أسما ^_^ بس لو عندج خطه معينه مثلا عشان اقضي وقتي خلال هال 3 شهور لا تبخلين علي خليجية خليجية ابا استفيد من وقتي

الله يسلمج أختي ((الباربية)) 8_8

تدرين عندي فكرة بعد إذا انت حابة وقادرة اطبقينها ..
ممكن مثلاً تتطوعين في مدرسة من المدارس..

أنا جربت في فترة من الفترات إني أداوم في مدرسة .. واااايد الجو عيبني .. يبعدج عن الملل..
ما أقصد أنج تدرسين لا .. لكن ممكن اتسويين وااايد أشياء ثانية .. حسب إمكاناتج
منه تقضين وقت فراغج.. ومنه تكسبين خبرات وعلاقات اجتماعية
وبيني وبينج أنا مفكرة إني الحين استغل وقتي في هذا الشي خاصة انّ عندي أجازة.. ألحين

بالإضافة لحفظ القرآن وتنمية الجانب الديني اللي نحن واايد مقصرين فيه مع أنّ الله سبحانه وتعالى قال: (( وما خلقت الإنس والجن إلا ليعبدون))

شو رايج..؟؟

خليجية المشاركة الأصلية كتبت بواسطة أم أسما خليجية
الله يسلمج أختي ((الباربية)) 8_8

تدرين عندي فكرة بعد إذا انت حابة وقادرة اطبقينها ..
ممكن مثلاً تتطوعين في مدرسة من المدارس..

أنا جربت في فترة من الفترات إني أداوم في مدرسة .. واااايد الجو عيبني .. يبعدج عن الملل..
ما أقصد أنج تدرسين لا .. لكن ممكن اتسويين وااايد أشياء ثانية .. حسب إمكاناتج
منه تقضين وقت فراغج.. ومنه تكسبين خبرات وعلاقات اجتماعية
وبيني وبينج أنا مفكرة إني الحين استغل وقتي في هذا الشي خاصة انّ عندي أجازة.. ألحين

بالإضافة لحفظ القرآن وتنمية الجانب الديني اللي نحن واايد مقصرين فيه مع أنّ الله سبحانه وتعالى قال: (( وما خلقت الإنس والجن إلا ليعبدون))

شو رايج..؟؟

خاطري .. بس ساعتها بيقولون ليش ماتشتغلين ؟ شو اقووووول لهم ؟ماريد اخبر حد عن سالفت الدراسه لين ماظمن لي مكان في الجامعه عشان ماتتفركش الامور ههههه

خذي دورات تفيدج خليجية

خليجية المشاركة الأصلية كتبت بواسطة !! غرور !! خليجية
خذي دورات تفيدج خليجية

تسلمين فديتج ^_^

شو رايكم بسكن بنات ف الشقة عشان الشغل

مرحبا ..شخباركم يا حلوووووووووون

حبيت أستفسر عن آرائكم في فكرة بنات يسكنون ف الشقة عشان الشغل لانه بعيد عن بيت أهلهم؟ و كيف الوحده تختار بنات معاها في شقة و تتأكد من انهم ثقة؟؟

هممممم ,,,, انااا اشـــــــــــــــوفه عادي اذا البنات ثقه اي نعم بيكون فيه تلااطيــــــــــش فالكلاام بس هل انتي مستعده تتحملينهــــا,,,, يعني جيسي النبض العائلي أول ومن تلقين الجرين لاايت وهم ما راح يعطونج اياااه عالفاضي لانهم اصلااا واثقيــــن فيج ويبولج الخير ,,, بس ممكن يترددون من ناحية البنات اللي بيكونن معااج يمكن مش اكيد ….. انتي شوفي ,,,

انا اشوف انه شي مب حلووو في حق البنت

فبوظبي عندنا صارت مشاكل كبيره بسبب سكن البنات فالشقق

من تهجمات الشباب و سرقات ومغازل الهنود

والشباب اول مايسمعون عن شقه فيها بنات يبدأ التحرش

ف انا من اللي عرفته ما اأيد هالشي وبعضهن بيبينن لج انهن زينات عسب يسكنن

وعقب تكتشفينهن وصارت لوحده من هلي اجرت ملحق فبيتها لبنات ملتزمات وعقب من الجيران اكتشفت

انهن يدخلن
شباب فالليل و هي مطلقه وعندها بنات وتشوهت
سمعتها وسمعت بناتها
غلط هالشي

اااارحموا البناات ترا فيهن الخير ولولا ظروفهن ماكانن سكنن في شقة………

ااالحمد لله البلاد مصانه بنعمة الامن ومافي حد يعتدي او يتجرا علي حد………

واللي ملتزمة ومحترمة مايحد يتجرا عليها………

ترا في بنات مجبرات علي هالوضع…….

افضل تسكن مع بنات من اهلها او صديقات بينهن عشرة قوية وقديمة……………

فكرة بنات يعيشن بروحهن فكرة غريبة ع مجتمعنا ..
المطلقة وهي مطلقة تحصل اعتراضات من سكنها بروحها لو كانت من نفس الامارة .. فما بالك ببنات في عمر الزهور ..؟
بس سؤال : هل هناك من تؤيد انها تخطب لاخوها بنت ساكنة بروحها في امارة ثانية !
عن نفسي ………………………. لا

واختلاف الراي لا يفسد للقضية حوارا … خليجية والله يعين الجميع على الظروف

مادري الغلا ,, انا رايي من راي سارة السويدي .. صدق الدنيا ماصار فيها امان,,
و اذا فات الفووت هاك الوقت ماينفع الصووووت,,