الوسم: الكرك

مرحبا بنات

و أخيرا عرفنا سر جاي الكرك …
تدرون كل ما نسوي جاي كرك بالبيت الكل يقول مو حلو و لا الكلا يقول ماله طعم ..

لكن ذاك اليوم و أحنا بالسوق شرينا جاي كرك و ما قصر الريال راوانا الجاي ألي يستخدم للكرك ( جاي الكبوس ) و شرينا منا و علمنا شلون نسوي… و قلت لزم اعلم بنات المنتدى و حبايبي …

و يوم شرينا و رحنا البيت و لمن قلبت العلبه مكتوب عليه من اليمن … حتى قال لنا الريال أنه هذا أحسن و ألذ جاي بالعالم و صح كلامه ألذ جاي… يقند الراس عدل…

مالنا بالطويله وايد قرقت على راسكم … اعطيكم المقادير:

5 اكواب ماي
6 ملاعق صغيره جاي الكبوس
مقدار 2 ( فنجان قهوه ) شكر
2 علبة حليب ابو قوس

الطريقه:

تحطين مقدار الماي في الجدر مع الجاي و تخلينه يفور لمدة 15 دقيقه و عقب تصبين فيه الحليب و هم تخلينه يفور لمدة عشر دقايق و آخر شي تحطين الشكر … و أذا حبيتو تضيفون أي نكهه مثلا هيل او زنجبيل طازج اوزعفران على حسب الرغبه..

و تالي تشخلين الجاي و تصبينه في الترمس… و خليه بعد يخدر حول 15 دقيقه… و تعالي شربي كوب و را كوب…
و يا سلام بهل الجو و مع الكستنا المشويه…

و قلت لزم اعلم البنات بهل الجاي ( جاي الكبوس ) راح تتركون ريد ليبل و غيره … الكبوس و بس …

و جربو و أدعولي….

اختكم
أم فارس

وين نحصله

فديتج وين نحصله جاي الكبوس ^___________^

تقصديين هااه اوك ويين ممكن انلااقيييه ….مدمنه كرك .لوول…

ومشكوورة ومااقصرتي..

احيين بسالج الماي كيف مقدار القلاص..
والشاي وعرفناه.
والسكر عرفناه .
والحليب من الكبير ولا الصغيير..

المشكلة لما ابغي اسوي بس جلااس وااحد اممم ظني بعلااقة ..

الغاليات بتحصلنه فالقريه اليمنيه انا خذته السنه منها وبالفعل وااااااااااااايد روعهه اتحسي انه صدق احسن شاي

ويين القرية اليمنية..

ويين ممكن نحصلها فبوظبي بعد.

بنااااااااااااااااااات

اللي تعرف طريقة الكرك تقولي

للرفع

اختي اهم شي تثورين الشاي زين قد لتر مع الماي لمدة ربع ساعه وخلاف كم حبة هيل وقوطيتين حليب ريمبو حطيهن عقب ماثورين الشاي ربع ساعه ردي ثوري الحليب مع الشاي 10 دقايق وبس احلى كرك بين ايديج

الشاي اللي تستخدمينه اسمه ريد لايف رووووووووووووعه لون الكرتون احمر

ماقصرن البنات

السلام عليكم ورحمة الله وبركاته

قريت الموضوع هذا في إحدى المنتديات و وااايد عيبني…

المهم يقولكم…

شـــااي الكركـ

هو أكثر من مجرد شاي بالحليب على الطريقة الهندية

ليست لذته في طعمه فقط بل باجتماع الكثير من مواطني الدولة على

حب التـمـتـع بطـعـمه

شاي "الكرك" الهندي عرفه القطريون والخليجيون بشكل عام منذ ما قبل

النفط حين كانت العلاقات بين الهند ودول الخليج في أوجها

وكان التجار الخليجيون يرحلون للهند ليأتوا بالبضائع والمفردات

وأنواع الطعام المختلفة

ومن هناك بدأ "الكــرك" رحلته إلى دول الخليج التي أحب شبابها

تحديداً طعم "الكــرك" وعلى عكس المفروض صاروا أغلب زبائن

مطاعم "الكــرك"

و "الـكـــرك" كلمة تعني الجامد أو المضاعف كناية عن الشاي الثقيل

وهو لفظ بلغة الأوردو … وهو شاي مخلوط من عدة أنواع من الشاي

ويختلف طعمه من مكان لآخر

وتكلفة شاي "الـكــرك" تبدأ من درهم واحد هو ثمن "كـوب الشـاي"

الذي كان بنصف درهم وارتفع مع ارتفاع الأسعار

ومثلما لشربه تكلفة فإن صنعه أيضاً يحتاج لإتقان .. لأن هذا النوع

من الشاي يحتاج لصبر حتى يجهـز ..

وعادة صنع "الـكــرك" إلى:

إبـريـق شــاي صـغـيـر

يـمـلأ نـصـفـه بـالـمـاء

ويـضـاف إلـيـه 3 مـلاعـق مـن الـشـاي الـخـشـن

ومـقـدار مـن الـسـكـر الـمـطـلـوب

وخـمـس حـبــات مـن الـهـيـل

وبـعـض الـزعـفـران

وعـلـبـه كـامـلـة مـن الـحـلـيـب الـسـائـل الـمخـصـص للـشـاي

ويـغـلـق الإبـريـق ثـم يـتـرك على نـار هـادئـه جـداً حـتى يـغـلـي

بـعـد 20 دقـيـقـة تـقـريـبـاً

بـعدهـا يـقـلـب الـخـلـيـط عـدة مـرات ويـتـرك لـيـغـلـي 10

دقـائـق أخـرى حـتـى يـجـهـز

ومن أهم طقوس صنع "الـكــرك" طريقة صب الشاي في الكـأس لأن "الشـاي

الـكــرك" يـمـتـزج عندما يصـب في الكوب لذا يجب صبه من على مسافة

بعيدة نوعاً ما مع الحذر عند سكب الشاي الساخن في الأكواب,,,

وبناء على انتشار هذه الظاهرة في "قطــــر" فــ للـكــرك ذواقــون

يـبحثـون عنه من الرجال ومن العنصر النسائي الذي صار من ذواقة الكرك أيضاً

ليس من المستبعد أن يبحث عشاق الكرك عن أفضل أمـاكـن تجهيز

الشاي بل وينتقل من منطقه إلى أخرى للبحث عن أفـضل "الـكــرك"

وتـشتهر بعض المطاعم التي تقدم "الـكــرك" على مستوى المدينة

أو الدولة إذا كان ما تقدمه شاياً نظيفاً "يستاهل التـعـب"

أمــا أشـهـر أماكن صنع "االـكــرك" في العالم فهي (( محطة القطارات ))

في "بومباي" في الـهـنــد ومن طـقـوسه أن يشرب "شاي الـكــرك"

في كأس من فـخـار ( حيث يعطي كـأس الفخار طعماً مميزاً لشاي الكرك )

ومن بعد الانتهاء من الشرب يقوم بكسر الكأس على الجدار…

وهذا الشكل الشكل لتحضير الكرك في الهند في محطة القطار قي مومبي

إن شاء الله عيبكم الموضوع …

منقوووول

حلات الشاي الكرك

ان ابصراحه عندي ادمان خاص ما ادري احس في لذه خاص دايمااا اصبح الساعه 8:30 تشوفوني عند مطعم فاضل اشرب شاي كرك تورا شكر خخخخخ

تسلمين أختي شمسه المهيري على الطله الحلوه….

ههههههه … ضحكتيني فطامي

أنا بعد مدمنه جاي كرك ..

يسلموووو على الموضوع انا مساافره ومفتقده شااي الكرك يمي دووورت حليب الريمبووو ولاحصلته حصلت حليب معلب اييب المرض

مشكورة عالطريقة

هع هع هع

هيه والله ان شاي الكرك ادماااااااااااااااااااااان عندي انا

بسير اسوي لي….,………….غــــــــايتـــــــــــــه

الطيوح …
تسلمين أختي على مرورج … والله يعينج أنا قبل ما أسافر لازم آخذ وياي حليب…

fatoomi.. تسلمين أختي .. العفو .. بس أحس الشاي في العند غيييييير … أنا جربت طعمه غييييييير.. عجيب

أختي مودي تسلمين على المرور … أحس مرض هالجاي … ما نستغنى عنه… يفج الرأس

السلام عليكم ورحمة الله ..

هذا أول موضوع لي في المنتدى ..

وبغيت فزعتكن يالنشميات ..

أنا بصرااحة أحب الـ [ كرك ] الإماراتي ..

وحبيت استفسر عن طريقته .. !

أتمنى ما تخيبون ظني يالغاليات

المقادير:

3 أكواب ماء
9 ملاعق حليب مجفف
فنجانين سكر
3 أكياس شاي ليبتون- طبعا ً تفتحون الأكياس عشان تطلعون الورق
1 حليب أبوقوس – أنا استعمل اللي فيه هيل عشان النكهة
ذرة هيل مطحون – بعد عشان النكهة – ممكن تحطون زنجبيل اذا كنتو تفضلونه بدال الهيل (اختياري)
ماء ورد قياس غطاة أو غطاتين – بعد حق النكهة و الريحة (اختياري)
—————————————————————————-

الطريقة:

– حطي القدر على النار
– صبي الماء
– ضيفي الحليب المجفف
– اخلطيه شوي حتى ما تصير كتل في الماء
– ضيفي باقي المقادير واحد ورا الثاني مع مع التحريك المستمر حتى يختلط كل شي بطريقة ممتازة و تضمنين عدم التصاق الحليب في قاع القدر…
– لا توقفين عن التحريك حتى يبدأ الخليط بالغليان
– صفي الخليط و صبيه في الدلة..

بالهنا و الشفا..

قدر ماء ولبتن واغليه شوي يستوي احمر غامج بعدين حطي بوقوس يفور شوي عقب تحطين ع نار خفيف عسب يستوي طعمه ونكهه حلوه عقب ترفعين ع نار تحطين ف دله
انااااااااا ي طريقتي كلهم يحبون جاي مالي

انا ما اعرف اسويه بس تصحيح المعلومه الكرك مب اماراتي هندي بس هو دارج عندنا وماتخلو طلع سياره بدونه يعدل المزاج

هههههههههههههههههههههههههههه

لا والله .! احين الكرك يسووي هالبلاوي هههههههههه

ثانكس ع الموضوع

وانا وااايد احب الكرك

اخييييييييييييييييج الحمدالله ما اشربه

ومن صجج ان سبب رايسي لكل هذي الامراض

ترى ريلي مدمن عليه

ههههههههه

هههههههههههه ضحكتني الملاحظه …>>ليش زقاير وانا مادري !!

هههههههههههههههههههههههه الحمد الله ما أشرب الأشياء الساخنه …

بس بالعافية على اللي يحبه <<< الصراحة شكله أبداااااااااااااااااااااااااا ما يشجع

تسلمون ع المرور
عاد لا تصدقون ،ماله أضرار

خواتي الغاليات….هي اول مشاركة لي في هذا القسم واتمنى اني افيدكم باذن الله…………صراحة انا من محبي شرب الكرك اتعلمت الطريقة من صديقتي عندهم طباخ هندي فنان فالكرك. خذت الطريقة.واصبحت صراحة مدمنة على شرب الكرك كل عصر …….. وهذي الطريقة…

فنجان سكر للحرق
علبة حليب رمبو ضروري بالهيل الحجم العادي
ماء ساخن مقدار دلة الشاي
2ملعقة طعام شاء لبتون او رد ليبل بودرة تقدرين اتزيدين على حسب الرغبة
سكر حسب الرغبة للطعم اقل عن الفنجان في النهاية

الطريقة……. حمري السكر ثم اضيفي عليه الماء الساخن اتركيه يغلي شوي ثم اضيفي الشاي واتركيه يغلي اشوي ثم اضيفي الحليب بالهيل واتركيه يغلي ثم اضيفي السكر حسب الرغبة فالنهاية اشخلي الكرك في نفس الدلة..

وبالعافية ان شاء الله …….ودعواتكم الطيبة

تسلمين في خاطريه من زمان اعرف سر شاي الكرك

يسلموووووووووو .. بجربه اليوم

مشكورة ع الطريقة الفنانة

خواتي الغاليات …….. ميدالية ……..uae woman……استغفر الله……اشكركم عالمرووور.واتمنى لكم الصحة والعافية..

مشكورة

يجربه إن شاءالله وبشوف النتيجة
يزاج الله خير

السلام عليكم بنيات..
هاذي اول مشاركه لي هني
بخبركم.. اكتشفت انه الكرك يسد النفس..
كنت ع الصبح اسويلي دله واتم اغر منها.. كوب ورا كوب واكون مثلا ملتهيه اشوف التلفزيون او داشه النت يعني جي
بتحسون انكم خلاص شبعانين.. ومالكم خاطر تاكلون من عقبها
بس من سلبيات هالرجيم انه بتحتاجون تسيرون الحمام وايد عزكم الله .. وبعد بتحتاجو تشربون ماي اخر اليوم.. يعني غرشه صغيره قبل النوم..
انا الصراحه حسيت انه حلو لاني احب الكرك ف اللي ما يعجبها طعمه ما بتستفيد
هيه ونسيت اخبركم يعني بتستفيدون من الفايتمينات اللي في الحليب .. فأنصحكم انكم تحطون حليب في قاع الدله من غير الحليب اللي منطبخ ع الضو.. بهالطريقه ما بتفقدون الحليب فيتاميناته…

انشالله تكونون مستفيدين م الموضوع

صراحة اكتشاف فظيييع يعطيج العافية خيتووووو

يعطيج العافيه خيتووو … بنجربه وبنشوف

بس انتي تسوين فيه سكر ولا لاء؟؟

اللهم اجعل القران ربيع قلبي ونور صدري وجلاء حزني وذهاب همي

يعني اختي تقصدين انه الوحدة طول اليوم أتم تشرب كرك ؟

whaatttt , 6ooool el yoom ??? loool

اخوااااااااتي ابي اعرف طريقة شاي الكرك بليز

طريقة الشاي الكرك وايد سهلة …
حبيبتي ابي غوري….وحطي فيه الماي وحطيت على النااااااار الين يغلى الماي…بعدين حطي شاااااااااي….على حسب رغبتج …والتشاي طبعا ..بودرة موش الي في الاكياس….وخليه الين ما يطبخ …بعدين حطي عليه هيل …..وشوي زعفران ..وشوي ماء ورد …وقوطي حليب بوقوس..وخليه الين يطبخ زين ما زين ….وعقب حطي المشخلة في الدلة ..وصفي الشاي..والعافية على قلبج