الوسم: look

are you ready

يالله

go

أدري انها حركه سخيفه ………. بس تعجبني خخخخخخخخخخخخخخ .

مسويه تحمسكم الاخت .

ملاحظه :

حقوق الموضوع كامله بما فيها من صور ومعلومات محفوظه لـ Makeup_Artest ولا يحق لاي شخص الاتجار بها او نقلها او جزء منها بأي شكل من الاشكال من دون ذكر المصدر ، لذلك اقتضي التنويه.

احب اوضحلكم شغلات قبل . أغلب اللمعات اللي تشوفونها بالتلفزيون هذي مو wet look

بالغالب هي بسبب الاضاءه القويه في الاستديو تبين البشره لميعه ، وبعض الصور تكون لعب بالفوتوشوب . لو تشوفين المذيعين اللي يرفضون يصلحون ماكياج ، تحسين وجهه فيه لمبة من اللمعه لان بشرته ماتمتص الضوء وتعكسه . لوووووووووول.

وأغلب اللمعات اللي تشوفونها بالفنانات بالذات العرب هذي ذرات لميعه( عاكسات إضاءه ) ، يعني بودره لميعه شغلات من هالنوع .

بقولكم الطريقه السهله المتبعه عند الجميع واللي تناسب جميع انواع البشره:

طبعا ماتضبط وتصير بشرتك لميعه ، الا إذا انت مهتمه ببشرتك ، ولازم بشرتك تلمع من غير ماكياج ولا ماراح تضبط . وممكن يبان مدبق . او تبان لمعة ذرات فقط .

ماراح اشرحها كثير لأني اعتقد الكل يعرفها .

1ـ استخدمي بيس مضيئ .

2ـ مدي كريم الاساس من اي نوع تفضلينه انا احب استخدم الليكويد فاونديشن ( الاساس السائل ) . مديه بخفه لان بشرتك نقيه وماتحتاج تغطيه .

3 ـ استخدمي بودره سائبه بخفه ( لاتكثرين ) والافضل لو تحتوي على ذرات لميعه خفيفه . مثل بودرة شواميرا اللي سبق وعرضتها بأحد مواضيعي .

4ـ استخدمي بلاشر مضغوط لميع عالخدود .

[IMG]https://www.**********.com/up/get-zu671ojg.jpg[/IMG]

5ـ ومكن تحطين بودرة لمعتها قويه ، مثل الستار باودر من فو ايفر كرتوش أخيره . على العظام البارزه في الوجه.

[IMG]https://www.**********.com/up/get-5cc8k0i3.jpg[/IMG]

وممكن تفبركين شوي وتخترعين ، مثلأ تستخدمين بلاشر كريمي بعد الأساس عالخدود ومن ثم تحطين البودره السائبه .

وإذا حابه تعرفين اكثر عن الذرات اللميعه ادخلي هالموضوع .

الدرس الاحترافي الثاني ( أسرار وخبايا اللمعه وكيفية صنعها )

………………. يتبــــــــع ……………

والبعض يسميه glossy look.

سهل وبسيط ، مشكلته !!!

غير مناسب لاجواء الخليج والأجواء العربيه بشكل عام بسبب الحر و الجفاف وبعض المناطق تمتاز برطوبه عاليه ، يعني إذا ماضبط معكم بسبب الجو . لانه ممكن يدبق معك او يكون دهني كثير . ويطلع شكلك كانك موسخه مو مبلله .

ايضا غير مناسب للبشره الغير صحيه ، و اللي بشرتها فيها مشاكل ماراح يطلع شكلها نظيف ومرتب وندي ، بالعكس بيبين كأن ماكياجها معفوس .والافضل تكون بشرتها ممتازه ونديه وتلمع بطبيعتها ، لان 75%من نجاح الماكياج يعود لصحة البشره ومثاليتها .

والسر هو

بعد ماتخلصين ماكياجك حطي فازلين وبلي وجهك <== تستهبل .

ههههههههههههه امزح مو تصدقون

الويت لوك يبيله أكثر من خطوه . على فكره هو موضه قديمه من اربع سنوات ، كان دارج بالشكل الجلوسي واشتهرت فيه جاي لو ( جينيفر لوبيز ) ، الحين مو دارج كثير والمتبع هي الطريقه اللي ذكرتها أول الموضوع . وبشكل عام هو لوك صيفي مناسب مع البرونزاج .

الطريقه :

القاعده الأساسيه بالمظهر الجلوسي ( لا للبودره ) يعني ممنوع تستخدمين اي شي فيه باودر .

1ـ اول خطوه طبعا هو تنظيف البشره ، وترطيبها حسب نوع بشرتك ، تبين تستخدمين مرطب عادي او بيس راجع لرغبتك .

2ـ تستخدمين فاونديشن ، بس مو أي فاونديشن … لازم يكون فاونديشن ينفع للاستخدام من غير بودره ، يعني الفاونديشن السائل ماينفع ، والستيك ماينفع . لانه يحتوي على سوائل ونسبة الترطيب فيه عالي بالاضافه الى انه يتأكسد مع التعرض للهواء ويتحول للرمادي . او يزلق بعد فتره .

أفضل نوع هو الكومباكت كريم فاونديشن ( لازم ) او تستخدمين اي نوعيه مخصصه للاستخدام من غير باودر . يعني اساس تغطيه واحده .

[IMG]https://www.**********.com/up/get-4vgm1hr8.jpg[/IMG]

وبالرغم ان المنتج كريمي لكن نسبة تغطيته عاليه جدا . واقل دهون من الستيك فاونديشن .

عيوبه انه مايناسب البشره الدهنيه ، وايضا البشره اللي فيه تجاعيد تعبيريه يبينها زياده .

ايضا من عيوبه يبين القشور للبشره شديدة الجفاف .

لكن شركات التجميل تطورت ، وصار فيه كومباكت كريم فاونديشن خاص بالبشره الناضجه ( مثل اسيما جيرلان ) .

وايضا صار فيه انوع من الكومباكت . نسبة الدهون فيها تكاد لاتذكر والبعض خاليه من الدهون مجرد دهنها تتحول لبودره . يعني تنشف .

قواعد ذهبيه لاختيار الاساس الانسب للويت لوك :

1ـ من المهم يكون مطابق للون بشرتك او أغمق منها ، لانه لو صار فاتح راح يبان مزيف هذي نقطه ، النقطه الثانيه بيبن وجهك مبقع .

2ـ الافضل لو يكون لونه مصفر . عشان يبين طبيعي البيج دائما مائل للطبيعي بعكس البنك .

3ـ اهم شي ان الأساس ( glow ) يعني فيه ذرات لميعه هو الافضل وهو اللي يعطيك اللوك النقي والناصع .

افضل اساس جربته هو كريم اساس كريولاين الكومباكت كريم فاونديشن خذي النوع اللي مكتوب عليه (shine) هي افضل نوعيه لهاللوك . ، وتشوفون أساس ماك ايضا مو الافضل بس لونه مطابق لبشرتي تماما لاأفتح ولا أغمق . أساس كريولاين كلون اغمق من بشرتي شوي مع انه مبين بالصوره انه افتح من اساس ماك .

ومن الضروري انك تمدين الأساس بنعومه يعني مو كثير ، لان الويت لوك مفروض مايبين انك مكثره ماكياج لازم تبينين انك مبلوله ونظيفه .

3ـ افضل طريقه لمد الأساس الكومباكت :

مافضل استخدم الاسفنجه اللي تجي مع البودره ، استخدم اصبعي في نشر اللون ، وبعدين استخدم الفرشه بالمد .

[IMG]https://www.**********.com/up/get-hqc486ic.jpg[/IMG]

لاتغفلون أهمية الفرشه ضروريه جدا ، لإبراز اللمعه . وايضا ميزة هالنوع من الأساس يتكتل ويدخل في الشقوق ويبين التجاعيد ، الفرشه تخليه يغطي كل النتوء ويصقل البشره . ويوحي ان ماكياجك أقل . وناعم .

لازم الفرشه تكون من نوعية النايلون وسبق ووتكلمت باسهاب عن الفرش . وممكن تشترينها من اي ماركة تجميل واحيانا تحمل اسم ( ويت لوك برش ) .

4ـ كريم الإضاءه اختياري ، ممكن تستخدمينه قبل او بعد مد الاساس ، وممكن تستخدمينه بلمسات بسيطه عالعظام البارزه . ونفس الكريم ادهني فيه جسمك عشان يطلع اللوك كامل ، افضل نوع جربته من كريولاين بالاساساس هو فاونديشن شير شاين قوي كلمعه وايضا ماله أثر دهني . واحرصي عند استخدامه لانه ممكن يكون over إذا كثرتي منه .

وهالأساس دلني عليه خبير التجميل فادي قطايا . اذكر وقتها كان طالع كليب كارول سماحه ( غالي علي ) وكانت لمعتها قويه وسألته وش استخدمت بماكياج كارول ، دلني عليه is the best .

[IMG]https://www.**********.com/up/get-90t2mgse.jpg[/IMG]

………يتبــــــــع……… ………

[IMG]https://www.**********.com/up/get-pkhp39wa.jpg[/IMG]

بالصوره تشوفين نارس بالعبوات المربعه ، صراحه حبيته لانه من غير أثر دهني .

ماك بالعبوه الدائريه لونه فضيع وخيالي ويناسب البشره الفاتحه لان لونه مثلج . بس عيبه جلوسي أكثر من نارس .

أفضل نوع جربته هو من اوربان ديكاي . ستيك بلاشر ، لمعته قويه ، وناشفه مالها أثر دهني بالمره . وله اكثر من انعكاس ، للاسف مو مبين بالصوره طالع لونه بيج ، هو بالعكس لونه بنك على ذرات موف مثلجه ولا يبين شكلك اوفر يناسب بالذات مع السموكي والماكياج اللي يحتاج بلاش ناعم.

[IMG]https://www.**********.com/up/get-6aa6vqfi.jpg[/IMG]

ايضا ممكن تستخدمين العصار ، بدون أثر دهني وينشف على طول ، وطبيعي أكثر . من ماك أيضا .

[IMG]https://www.**********.com/up/get-nb00ru5u.jpg[/IMG]

5ـ مثبت الماكياج .

نقطه مهمه عشان مايفسد الماكياج ، بالذات انه مافي بودره تحافظ عليه فتره أطول .

استخدمي اي نوع تفضلينه .

الاقوى كلمعه هو كريولاين . اللي تشوفونه بالصوره .

وهو بحد ذاته كفيل بأعطائك اللوك المبلول , حتى لو أستخدمتي طريقتك العاديه بوضع الماكياج حطي مثبت كريولاين بتطلع بشرتك فيها نداوه ورونق .

[IMG]https://www.**********.com/up/get-fsibjxt7.jpg[/IMG]

لكن مشكلته انه ناشف شوي يعني ممكن يكون قوي عالبشره ، لان نسبة الكحول فيه عاليه .

فيه نوع ثاني بكريولاين لونه أبيض وأزرق للاسف مو متوفر دائماالقاه مخلص ، نسبة الكحول فيه أخف من الديرما كلر هي نفسها كريولاين بس اكثر ترطيبا وبعض منتجاتهم علاجيه .

واللي تبي توفر الكثير . البيل بسيط وسهل بس نفسيا ماقدر استخدمه .

مثبت الشعر ، يعطي نفس النتيجه .

[IMG]https://www.**********.com/up/get-94fzxkum.jpg[/IMG]

ولا تنسون عشان يكتمل اللوك .. أستخدمي جلوس لميع ..

[IMG]https://www.**********.com/up/get-xsa24qox.jpg[/IMG]

ملاحظه :

ممكن تستخدمين جلوس متعدد الاستخدامات لإضاءه الوجه ، شخصيا مافضله ابد والطريقه المسبقه كافيه وزياده . وتغنيك عن اي منتج إضافي .

[IMG]https://www.**********.com/up/get-ufthlfid.jpg[/IMG]

عيب هالمنتج من ماك غير عملي بالاضافه الى انه شديد اللزوجه ، طبعا فيه منتجات بماك مختلفة الشكل بس تعطي نفس النتيجه ، وأذكر زمان كان عندهم منتج نفس الشكل بس ملون فيه درجات المشمشي والبنك . واعتقد الحين مطلعين عبوه سوداء .

والبلاش الجلوسي يغنيك . بس ممكن تقولين هذا اكثر حرفنه لانك ممكن تخلطينه وتظهرين اللون اللي تبينه .

واستمتعي بأحلى ويت لوك .