احباااااااااااط من الخياطه بعد الولاده

مرحبا بنااات حريم كروشات امهات كل شي
انا صار لي اسبووع مربيه والدكتوره سوت لي خياطه من داخل وبرع
بس اليوم رحت اجوف الخياطه بالمنظره الله لا يراويكم دمار تحطيييم
المكاااان وااسع واايد مسويه لي يمكن ثلاث غرز هذا اللي شفته من برع داخل ماعرف
بس بنات واايد واسع المهبل السموحه ع الرمسه بس صدق متحطمه . هاي اول ولاده لي
هل يرد المكان بعدين ولا شو السالفه حتى اوقات احس بهوا يطلع
شو اسوي ؟؟
دخيلكم ردو

مامااااا لااا تقولين
أنا باجي لي اقل من شهر وما اعرف هالسوالف
يااريت حد يفيدناا

ولله مابعرف شو بدي الك من ناحية المنظر سيم سيم ولهلا بقول الله يكسر ايد الدكتورة يلي خيطتني ومن ناحية توسع بظن يضيق مع الايام
والله اعلم

اللي اعرفه ان المنطقه ترد مثل قبل الولادة بعد ٦ اسابيع

^_^ مرحبا
بنات انا جي بعد ولادتي الاوله وتم واسع بصراحه بس عقب ولادتي الثانيه سويت خياطه تجميله وتضويق في مستشفي خاص

أولا حبيبتي اذكري الله .. ومافيه مشكلة بدون حل ونحن في دولة متطورة وكل شي متوفر عندنا ولله الحمد ..
في مثل حالتج الغالية , عادي
سيري وشيكي عند احسن دكتورة وخليها تسويلج خياطة عادية لانه وراج عيال مو خياطة قوية لا تحملي ..
وعقب توكلي على الله , ولاتكبرين الموضوع , صح هالشيء جدا مهم عند الرياييل وللزوجة بعد , بس مستحيل يرجع الرحم مثل ماانتي عروس الا اذا سويتي خياطة قوية وعملية تجميل قوية للرحم عشان يرجع شرات لاول .
استهدي بالله وسيري اسالي عن احسن دكتورة نسائية وراجعيها

لا تنصدمي حبيبتي
التوسع ما راح يظل مثل ما هو راح يضيق انتي عليكي بتمارين التضيق بس طبعا بعد الاربعين
والمنظر للأسف ما راح يرد مثل قبل