اريد حل ممكن المساعدة

السلام عليكم ورحمة الله وبركاتة
اشحالكم بنات وامهات :
انا عندي عقدة والله لحد الحين ما اعرف شو الحل وشو سبب العقدة :؟
انا بالمرة مب اجتماعية يوم كنت في المدرسة اكلم زميلاتي بس حزت المدرسة وكنت مجبورة غصبن عني اكمل دراستي دخلت الجامعة وبعدها ازوجت كملت كورسين وطلعت ما قدرت اكمل مب مجبورة الحمدالله يبت اعيال وعندي بيت وكل شي متوفرلي بس شي وااااااااحد الملل .
عندي سؤال هل سؤالي صحيح انا ما اعرف هل كل انسان لازم اكون عنده صديق صدوق وعزيز على قلبة ؟
المهم انا ما عندي يمكن لاني مب اجتماعية بس وااااااااايد افتقد هذا الشي ليش انا ما عندي اربيعات اطلع وياهن ايوني في البيت ليش والله ما اعرف يمكن من اسلوب كتابتي اتقدروني وتخبروني الحل بالمشكلة على فكرة انا واايد طيبة وحلوة وما احب المشاكل .

ودمتم سالمين الله يحفظكم وتحصلوا الي انتم اتريدونه في خواطركم

الغآليه رآفجي بنآت هلج .. مب شرط اتنقين وحدهـ غريبه ..

وعندج هـ المنتدى الجمييييييل =) ومآ ترآبعين ..
تتشكين من الرفجه ..

أفآ عليج .. نحن كلنآ خوآتج وربآعتج ..
=)

صح

أنا بعد مكتفية في بيتي و عيالي و زوجي الله يخليهم .. و طبعا اختي اعتبرها ربيعتي بس هي بعد مشغولة في حياتها .. مب شرط حبيبتي يكون عندج صديقة مقربة لج .. هذا مب معناته انج انسانة انطوائية او شخص غير اجتماعي بالعكس جيه أحسن لان كثرة الصداقات قد تسبب بمشاكل مالج حاجة لها .. اشغلي وقتج بأشياء مفيدة مثل القراءة و الطبخ و اللعب مع الاطفال بتكسبين متعة و فايدة في نفس الوقت

الله يسر امورج

اختي انا شراتج بالضبط مررررررررررررره و حاولت اني اصادق ريلي ما خلاني قالي انا مرتاح جي ما اباج تتعرفين و يخربون مخج وانا فكرت طبعا انا عاقله بس فيني فراغ شو اسوي خاصه ريلي دوامه اسبوع باسبوع دشيت عالم التجاره و شغلت عمري عن كل الناس ..واحين اتاجر بين اهلي و فالنت و مرتاحه الحمد لله.. مب شرط اتكونين صداقه انا ما عندي ربياعت موول الا مال ايام اول و المدارس و الكليه الي ما كملتها بس بين فتره و فتره و مب دوووم و احس احسن لي جي..

-_-

اغلبنا جيه مسوين لنا عالم بروحنا ههه

ظروف