حابة أعرف آرائكن وتجاربكن مع عيالكن للي عيالها في خاصه أو حكومية وكل وحده شو تفضل وشو الأسباب
وشو من ناحية المناهج الدراسية، فيه حد يشتكي من الخاص وحد من الحكومي وخصوصا الحكومي بعد تغيير سياسة التدريس واستقدام الاجانب وأنه ليس هناك سياسه صحيحة ومتبعة في التعليم، المعلمين مايعرفون شو يدرسون الطلاب ولا يعرفون يفهمونهم لأنه ضافوا لهم أشياء يديده من دون تدريبهم على التغييرات اللي حطوها في المناهج الدراسيه، وأيضا الشكاوي على الأجانب المستقدمين بأنهم مايعرفون يدرسون ومن بيئة غير صالحة لإخراج جيل متعلم ومتربي.
أما بخصوص المدارس الخاصة عدم التركيز على المواد العربية والتربية الاسلامية وكثرة الواجبات الدراسية والتلاعب بالدرجات والرشاوي و و و الخ
انا ماعندي خبره بس هذا اللي سمعته وان شا الله بدخل ولديه السنة اليايه المدرسه ف عشان جيه حابه تفيدوني بخصوص هالموضوع
وبكون شاكره لكل من يضع إضافة في موضوعي
تحياتي لكم
عشقي حبيبي
انا اشوف الخاص تقديمهم للتعليم بصورة متطورة وافضل من الحكومي …
البيت هو اللي يحدد شو الأحسن بين المدارس الحكومية والخاصة
إن كنتي مهتمه بمستوى عيالج لازم تبدين في تأسيسهم من البداية
وعلى فكره المدارس الحكومية قوية ما شاء الله فيها نشاطات ومسابقات اثرائية أكثر من الخاصة
وكله يعتمد على المعلمات وتواصلج وياهم وشوفي أغلب اللي يحطون عيالهم في الخاصة ياخذون منهج الوزارة
أو اهتمامهم باللغة الانجليزيه على حساب المواد الأخرى
وجهة نظر
وأنا عيالي في مدارس حكومية وما شاء الله متفوقين