الامساك . زواع . و الغازات تعبوني و انا بحملي الاول شو اسوي ؟؟؟؟

السلام عليكم ورحمة الله وبركاته

شخباركن بنات …. انا حامل بحملي الاول … تحصلي اشياء ما اعرف شو اسوي

بس البركه في الاهل و فيكن مب مقصرات

الله يسلمكن انا الحين كملت 12 اسبوع

و بطني يعورني شوي من فوق … و الغازات لاعبتبي لعبه … و الزواع مطفرني

مب قصدي اشتكي لكن والله هالشي متعبني مب قادره اكل شي و لا ارقد زين

شو اسوي بنات الامساك و الغازات صدق تعبوني …

دخيلكن شورن عليه … ما اريد ادويه و خرابيط ابا شي طبيعي

مستعده اتحمل اي شي عشان اشوف البيبي فديته الي بيشرف باذن الله في نفس الشهر الي بيمر فيه سنه على زواجنا و بعد بيكون عيد ميلادي هالشي مفرحني وايد …

ادعولي بنات ربي يثبت حملي و يرزقني بطفل صحيح سالم معافى …

و بانتظار نصايحكن

و ربي يرزق كل وحده اللي تتمناه و يسهل عليكن يا رب

ربي يثبت حملك و يرزقك بطفل صحيح سالم معافى
وأنصحج أختى بمراجعه الطبيبة أحسن
وربي يهون عليج

ربي يثبت حملج .. عادي هاي تعاني منها كل حامل ..

الزواع تقدرين تسيرين عند الدكتوره وبتعطيج حبوب بتخووز عنج اللوعه ولاتخافين مب مضره لانها

مخصووص للحامل ..

ااالامساك حاولي تاكلين البقدوونس ( الكزبره ) .. يعني الخضروات كثري منها ودوري فواكه تلين البطن ..

عشان الامساك من الدواااء .. والحمل .. كثرري من السلطات ..

الغازات شربي النعناااع .. البابوونج بتريح بطنج ..

ربي يثبت حملك و يرزقك بطفل صحيح سالم معافى

السلام عليكم مبروك حبيبتي والله يسهل عليج اشربي زعتر كل يوم المغرب او في الليل كوب كبير اول ما تنشين الصبح كوبين ماي دافي بعد نصف ساعه او اقل تريقي يساعدج انشاء الله تتخلصين من الامساك دومي علي هذا الروتين الى شهرج الاخير حتى بعد الولاده كثري من الماي

الله يسهل عليج الغاليه و مثل ما قالولج البنات هذا شي طبيعي و إن شاءالله يخوز مع الوقت

الله يثبت حملج ان شاء الله ويسهل عليج ..

عشان الزواع روحي عند الدكتوره بتعطيج حبوب ع اللوعه .. وبعد لا تخلين بطنج فاضي .. كلي ع كل ساعتين .. وكلي بسكوت مالح تخوز اللوعه ..

والامساك شربي لبن اكتفاء الاخضر ,, ولا تشربين مشروبات غازيه تسوي غازات ..