الحبه الحمرا مع ام عذاري

السلام عليــــ//ـــكمـ والرحمــــّــهـ

شحالكمـ ..؟؟ شخباأأركمـ حبآآآآيبي ..؟؟

اليومـ يبتلكمـ صور من تصويير بنتي وطبعا انا اللي طابخه ^^

سويتلكم اليوم الحبه الحمرا ودام انه هذا اول موضوع لي انشاءالله اينال اعجابكم

والحين ماراح اطول عليكمـ وبراويكم الصور

المطلوب :
1-سمن ( ع حسب الرغبه )
2-كميه من الحبه الحمرا ( ع حسب الرغبه )
3-طحين ( 3 ملاعق )
4-بزار عربي (1ملعقه طعام )
5-ماي ( ع حسب الرغبه ) >> من دون تكثير ولا تقليل ^^

الطريقه الاولى :
1- تنظيف الحبه الحمرا وغسلها بالماء مثل مااتشوفون اهنه فالصووره ^^

الطريقه الثانيه:
2- وضع كميه من الماء مره اخرى واضافه ملعقة طعام من السكر

الطريقه الثالثه:
3- نمزجها عدل وثم انحطها فالثلاجه لفتره لين ماانخلص من تحمير الطحين

الطريقه الرابعه:
4-استخدام طحين ايكون لجميع الاستعمالات وتحمير الطحين حتى يصبح لونه مائل الى البني و( ننخله/ نشخله )

الطريقه الخامسه :
5-نضع كميه من السمن ( ع حسب الرغبه ) مع اضافة الطحين الي حمرناه من شوي وبعد ذلك نقوم بتحريكهم جيدا ثم اظافة الحبه الحمرا اللي وضعناها فالثلاجه

الطريقه السادسه :
6-وضع بزار عربي (ع حسب الرغبه ) وثم نحرك الخليط ونظيف اليه القليل من الماء والسكر

وبس هذي الطريقه وبالهنا والعافيه ^^

أم عذاري >> لا تنسون الردود الكشخه

يعطيج الله الف عافيه على الرشوفه ( حبة الحمرا ) الغاويه

واااااااااااااااااو
تسلم ايدج الغالية
اتعيبني وايد ودوم اطلب من عموه اتسويلي.

تسلمين حياتي ع الرد

منوره ^^

دمتي بود

ام عذاري

تسلمين حياتي ع الرد

منوره ^^

دمتي بود

ام عذاري

واااااااااااااااو

روعة

بس ملعقة طعام سكر.. شو تقصدين فيه… الملعقة اللي ناكل فيها؟؟

يعني لو بنحسب بالفنجان.. كم بيطلع كمية السكر؟؟

هيه اقصد اللي ناكل فيها

ولو تبين بالفنجااان اتحطين فنجانييين وانتي اتحطييين كل شي مع بعض ^^

تسلمين حياتي والله مرورج الروعه ^^

دمتي بود

أم عذاري