انا في الشهر التاسع ودمي 9

شحالكم خواتي الحوامل الله يسهل علينا الحمل والولاده ويرزق اللي ماحملت بالذريه الصالحه

الله يسلمكم كان عندي موعد يوم الاحد الماضي

والدكتوره شافت تحليل الدم وقالت دمج 9 وهذا خطر عليج وانت في التاسع

صراحه خفت منها وهي تحتشر وتقولي كلي عدل

شو اكل وانا صايره درام

المهم عطتني حبوب الحديد

بس انا ماتحملهم اتيني لوعه منهم شو اسوي

فاللي عندها حل تقولي غير الحبوب بليز

وما بقى شي علولاده

الله يستر

ماعندي فكرة ؟؟؟؟

بس حبيت ادعيلج
ان شالله تقومين بالسلامة ^^

كلي تمر وايد زين للي عندهم نقص

وما تشوفين شر

حبيبتي انا اوصل التاسع يصير دمي 8 و مرات يوصل 6 وما يرفعه الاكل لازم اخذ حبوب الفوليك اسيد …. جربت السبانخ والكيوي بس ما يابوا نتيجه لازم الحبوب …. اغصبي نفسج عليها …. و عن التمر انا طول فترة حملي اكل تمر بس سبحان الله عندي مشكلة مع الحديد ….. ما يرتفع الا بالادوية …. و لاقدر الله ترى انخفاض نسبة الحديد في الدم ممكن اتسوي نزيف في حزة الولادة ….. انا صار لي ان الدكتورة حتى ما قدرت اتخيط لي المنطقة و بعد ما خيطتها حطت لي ثلج وقالت لي احتمال هالخياطة ما تنفع وممكن اندخلج غرفة العمليان نفتح الخياطة ونعيد من اول ويديد وانا ما اصدق ان الدكتورة خلصت خياطة خفت وايد بس الحمد لله ربج ستر ….. احسن لج خذي الحبوب واستحملي اللوعة ولا اطنشين ….

خذي الحبوب فبل لا تنامين افضل واهتمي بنظام غذائج دوري لج الاكل ألي يكون فيه نسبة الحديد اكثر
وربي يسهل عليج ان شاء الله,,

أحس عادي
انا دمي يوصل 8

حبيبتي دامج دخلتي التاسع ف ان شاء الله بتربين وما عليج خطر عليج بالاشياء اللي ترفع الدم في فتره قصيره وهي كالتالي :

الدبس يرفع الدم من 9 الى 11 في اسبوووووووووع
عصير الشمندر يرفع الدم وممكن تطلبينه من الكافتيريا صح يرفع الدم بس يباله اشوي فتره ..
الرمااااااان يرفع الدم
الفراولة ترفع الدم
بس اذا تبين تاخذين الدبس افضل يحمي الطلق وايسرع الولاده ويرفع الدم في اسبووووووووع …