بنات هل تنصحوني بتخصص الإعلام
للعلم أنا بدرس في كلية التقنيه العليا
بس هل له شواغر عقب ومطلوب علما بأني ما أبغي أشتغل في التلفزون
لكن مثلا ويا شركات وجيه
فهموني وهل له مستقبل ولا لا
الملتيميديا وايد مطلووووب و مب شرط الملتيميديا يعني تكونين مذيعه أو في التلفزيون لا بالعكس في عندج شركات و دوائر حكوميه و وزارات تطلب خريجين ملتيميديا
يعني تشتغلين في برامج الكمبيوتر في تصميم مواقع مثلا أو أي شي يخص التصميم و الإنيميشن و الفوتوشوب و الرسم و الديزاين و الفيديو و الصور يعني أنا دارسته و الحمدلله ارتحت و حسيت براحه نفسيه لأني ما أحس إنه دراسه أحس إنها هوايه أمارسها و أستمتع فيها و في التعلم و الحين في وقت التخرج أحس إني اكتسبت خبره كبيره في استخدام برامج بروفشنال و عندي معرفه … الملتيميديا مستقبله حلو و في عندج شركات خاصه بالملتميديا و تفضل خريجين من هالتخصص مثل :
شركة تو فور فيفتي فور .. مؤسسة أبوظبي للإعلام .. مؤسسة دبي للإعلام .. مجلة 999..و غيرهم الكثييييير
أنا مشكلتي بتخرج دبلوم ملتيميديا و أبغي أعرف إذا في بكالوريوس ملتيميديا في الكلية يعني أكمل بكالوريوس …
و هل هو صباحي أو مسائي لأني يمكن أشتغل و أدرس العصر .. يزاكم الله خير
ويزاج الله كل خير حبيبتي ع مساعدتج
و إن شالله تحصلين جواب لسؤالج : )
.