مرحبا
أنا صارلي من أسبوع أحس بأوجاع نفس ألام الدورة و أنا حامل فالتاسع فشو يعني؟
الله يسهل عليج يارب
ويرزقج بالذرية الصالحة
الغاليه من تدخل الحامل التاسع يستويلها مغص…والم في الظهر والخواصر……بس اذا شفتي اي دم او ماي ينزل لازم اتراجعين الدكتوره….لانه ممكن تكون ولاده….لان ممكن اتربين من اول يوم تخلين التاسع…مب كل الحريم واحد…حد يكمل وحد لأ…..وان شاء الله الله ييسر ولادج…بس لا تجهدين نفسج وقت الولاده…..وتمي ادعي ربك ان ييسر ولادج…
ختيه هذا امر طبيعي فديتج …. من الاسبوع 37 اي لحظه ممكن تربين يالغاليه
انا بعد شراتج ف الاسبوع الثالث من الشهر التاسع واول بيبي وخايفه موت
وكل ما احس بألم استانس اقول بربي …. وارد اتحطم بعد مايسير الله يسهل
علينا ويسر علينا وعلى حريم المسلمين الولاده ويقر عينا بشوفه
الذريه الصالحه يارب
ايسمونه منان بس مثل ماقالت الاخت ممكن تربين في اي وقت وخصوصا انج دشيتي التاسع اذا لاحظتي دم او ماي مثل اللولب على قولة الدكتوره