بالنسبه للمعجنات
الفرن اخليه ع اي درجة حراره يعني 160 او 180 او درجه غير
و جم اخلي المعجنات فالفرن يعني 30 دقيقه او اقل او اكثر
و اخليهم فاخر رف يعني مباشرة فوق النار او ثاني رف او ثالث رف
لان فطايري تكون مب هشه فما تعيبنيه
و مشكورااااااااااااااااااااااااااااااات ما تقصرن
انا احطهن فالنص احمرهن من تحت قبل وعقب فوق
فوق ما اطول وايد ع السريع لان الفطاير ما يبالها الا تحمير بسيط من فوق
وبالنسبه لدرجة الحرارة من 150 _ 170 …. على حسب
واذا كانت العيب عندج انها ما تكون هشة .. اعتقد انج ما تخلينها وقت كافي تخمر او نوع الخميره مب شي … او المقادير يبالج تضبطينها عدل
ها اللي اقدر افيدج فيه
موفقه اختي
*
عجينة العشر دقايق فهي مذهله ..
بالنسبه للفرن حطيه بالرف الثاني مب على النار مباشره عشان تاخذ وقتها بالخبز على راحتها وافتحي الفرن بعد 10
دقايق وشوفي لو احمرت من تحت خلاص بندي وحمريها من فوق وبندي الفرن درجة الحراره 175 .
مب اكثر موفقه يارب..
فطاير خفيفة سهلة التحضييير ,,,
المقادير :
3 كاسات طحين
2ملعقة اكل خميره
3 ملاعق اكل حليب بودره
1 ملعقة اكل سكر
1ملعقة شاي ملح
1كاس ماء (دافىء)
ربع كاس زيت
الطريقه :
نخلط النواشف اولا (طحين _سكر _خميره_ملح _حليب)
بعدين نضيف السوائل (ماء _زيت)
ونتركهم نصف ساعه او اكثر بقليل
ونجي الا العجينه تخمرت
ونسوي بها بيتزا +فطاير جبن +فطاير زعتر
واذا جينا نرقها نخلي سمكها ضعيف شوي لانها بتنتفخ اذا دخلنا ها الفرن
واذا حطيناها في الفرن بسرعه تستوي يعني يمكن حول العشر دقايق او اقل
جربوها
المشاركة الأصلية كتبت بواسطة نظر عينه 
انا احطهن فالنص احمرهن من تحت قبل وعقب فوق
فوق ما اطول وايد ع السريع لان الفطاير ما يبالها الا تحمير بسيط من فوق
وبالنسبه لدرجة الحرارة من 150 _ 170 …. على حسب
واذا كانت العيب عندج انها ما تكون هشة .. اعتقد انج ما تخلينها وقت كافي تخمر او نوع الخميره مب شي … او المقادير يبالج تضبطينها عدل
ها اللي اقدر افيدج فيه
موفقه اختي
*
مشكوره الغاليه ما قصرتي يعلني فداج