شو رايكم كل يوم اتقول كل وحده شو الاكل الي بتعطيه لولدها الريوق والغدا والعشاء والسناك اذا فيه
ووهذا بس للعيال من اربع اشهر لين سنه فقط
عشان اذا وحده ناسيه او مب عارفه شو تعطي ولدها تتذكر وغير جي نتعرف على اكلات يديده من الامهات القدامى
بس ياليت الاكل يكون صحي مب يكون فيه سكر وملح واكل جاهز في مواد حافظه …
.
.
ببدا انا
ولدي عمره 7 شهور يرضع طبيعي ويربت له صناعي مده اسبوعين لاني كنت ممنوعه من الرضاعه بس ما تحملت ورديت ارضعه
الريوق نص حبه افوكادو
الغدا كوسا وجزر وبازلا وبطاطا
العشاء كوسا وجزر
اعطيه بس بسكوت في الحليب ويوم اعطيه شي يتهاووع يبا يرجع فأوقف ما اكمل
ديما اي شي تبين تعطينه للبيبي اول شي لازم تبدين ملعقتين او ثلاثه بالكثير واذا زاع او اتحسس او في صدره صوت ازيز وقفي لا تعطيه بس يربي عقب اسبوعين ثلاث وشوفي ذا نفس الشي خلاص حطي اكس على الصنف وخلاص لاتعطيه منه
اختي ديما ابدي بالخضار الكوسا الجزر البطاطا العاديه البطاطا الحلوه قرع عقب شهر الفواكه بس لو اعطيتي فواكه من السادس او قبل لا تنتهي جميع اصناف الخضار بيتعبج بيستوي يحب الفواكه ويكره الخضار
انا بالعاده ابدى من السادس بس خليت الموضوع من اربع شهور لان في حريم يبدن من 4 شهور
اللحوم ادخلها على الشهر الثامن على حسب الجدول الي اعطانيا الدكتور
والبرتقال قالت لي النيرس بعد السنه ادخله بس بعدني برد اسالها لانه التفاح والمووز والاجاز يسور وانا اطعميه لو حطيت ملعقه برتقال ما بيسود
البسكويت اوكي حتى الدكتور كتبه في البرنامج ويتعطى من الخامس بس ولدي العود بس يجوف الكرتون يطيح فيه لين يخلصج-ح