انا عندي عزيمة وما اعرف شو اسوي ممكن تساعدوني بأفكار حلوة…
العزيمة راح تبتدي من العصر (فوالة) + العشا….
العدد تقريبا 25 شخص…
وشكرا….
العصر:
مشروبات ساخنه: سحلب- زعتر- كاسترد- شاي احمر واخضر وحليب
سلطه فواكهه
فطاير مشكله
العشا:
شوربات: نوعين عدس ودجاج بالكريمه
سلطات: فتوش- سيزر سلد- فته باذنجان
مقبلات: روب بالخيار – صوص الطماط مع الفلفل- بطاطس مقليه- كبه مقليه- حمص-متبل
الاطباق الريسيه: مشاوي- مكرونه – عيش ايراني الاخضر-صالونه هنديه- عيش ابيض
الحلويات: ام علي- السنافر – شوفي في المنتدا وصفات ثانيه
المشروبات: عصاير فرش من الكفتريا- مشروبات غازيه- ماي- مشروبات مهضمه( زنجبيل مع نعناع- شاي اخضر- زعتر)
هذا مينيو مبسط شوفي اللي يناسبج وسويه..
الافضل انج تسوينه ع شكل بوفيه لان ما شا الله العدد ۲٥ .*
هذي مجموعة أفكار ممكن تسوينها..
العصر>>الاستقبال+الفوالة=
عصاير فرش ((برتقال+فواكهة مشكلة+همبا+فراولة…الخ))
الفوالة:ممكن تكون بتي فور+بسكويت مثلا
في قسم الحلويات بتلاقين مجموعة مواضيع..
العشا:
أولا الطبق الرئيسي: مشاوي أو محاشي مثلا: (ورق عنب +ورق ملفوف+كوسا….الخ)أو أي افكار أخرى..
ثانيا المقبلات:مثلا حمص وهالسوالف أما السلطات مثلا تبولة وهذا موضوع لأحد الخوات عن التبولة:
https://forum.uaewomen.net/showthread.php?t=846638
وهذي سلطتي أنا سلطة المعكرونة بطبقات:
https://forum.uaewomen.net/showthread.php?t=846683
أما المشرووبات: عالعشا أفضل المشرووبات الغازية..
والتحلية مجموعة سويتات ماشاء الله قسم الحلويات عاامر بالأفكار..
ساعدتوني وايد….. الحين اقدر ارتب افكاري….
واكيد باخذ الوصفات من المنتدى….
ثانيا : السلطات : سلطة روب بالخيار والنعناع او فتوش او تبوله
شوربات شوربة عدس وتظيفين لها كيس شوربه الشعيريه الجاهزه بتطلع فنتك
الرئيسئ :الحين في موسم البرد الناس اتحب الاكل الحار مثل محشي ورق عنب او ملفوف او كوسا وفلفل رومي
حبيبتي : الوالده اتسوي محشي ملفوف وكوسا وفلفل رومي اذا تحبين +عندج بعد كوشري
أنا كنت مسويه أمس عزيمه بس للأسف الصور ما كانت واضحه ،، سويت البرزه فالحوش .. حطيت حصير وزوليه ووزعت كراسي الحديقة ومخدااات كبيره على الزوليه اللي تبا تيلس تحت ..
ووزعت شموع " ألحين الناس طايحه فيه للبر ،عرفتي شو أقصده، شرات العصا طويله تتثبت فالرمله أو الحشيش ،، تتولع شرات الشمعه .. وااايد عاطي اليلسه روووعه ..
وحطيت طاولة فيها صحون وخواشيق وسلطات ومتبل وسلطة روب وبااارد "مشروبات غازيه " ممكن تضيفين معكرونه إن حبيتي ، بس أنا أكتفيت بالمشاوي ،، وبصراحه واايد إستانسو .
وطاوله صغيره عليه الكوار للشوي : كنت ما خذه مشاوي جاهزه من الجمعيه ،، يعني كان الأجوااء واايد حلوه سوالف وشوي ع الفحم ..والجو بارد .
وعقب ما خلصنا عشا ،، جهزنا خبز الخمير ^^ ودلة كرك .
هذا بالنسبة للعشا /،//
أما للعصر :
حلاوة سويتات شاي وقهوة ،،،
وشوفي راااي البنات بعد ^^
الفواله عصاير و دلة جاي وقهوه وسوويت بسيط [ كيك ـ تراميسو بس اتكونين امسوتنهم ف ملال صغار ، بسكوت واي نوع من الحلويات ، سلطة فواكه ] وبما انه العدد كبير ماشالله ف اخذي من فواله ولا من باتشي سلة حلويات
العشا محاشي [ ههه الطبق الرئيسي اكيد ] ، فطاير ، مشاوي ، مأكولات بحريه ، شوارما ، معكرونه بالكريمه ، دياي فالفرن ويا شوية خضار ، بتر جكن وطبعا يناكل ويا الخبز او ويا العيش ، دياي سبايسي وبعد ينأكل ويا الخبز 
، كشري اذا حبيتي ، سليس فيه دياي بالمايونيز ، مرقوقه ، شوربة الفطر والدجاج بالكريمه – شوربة خضار – شوربة عدس ، سلطات – تبوله – فتوش – سيزر سلاد – سلطه المعكرونه – فته ، متبل ، حمص ، كبه " وبس هاللي يحضرني حاليا
وللتحليه سوييت خفيف [ كرات البسكوت بالصوص – سويت النوتيلا – كب كيك – كريم كراميل – مهلبيه ] وطبعا الي يبا مشروبات غازيه او كرك او حليب بالكاسترد