كيف تديرين بيتج بوجود الخدامه ؟ احس شي صعب مرات .

السلام عليكم ورحمة الله وبركاته

خواتى انا كتبت الموضوع هنيه بحكم انه معظمكم ربات بيوت وامهات وعندكم خدامات
بالرغم انه بعد وايد بنات تحملوا مسؤولية بيوت بسبب موت امهاتهم ( الله يرحمهم ويرحمنا برحمته
الواسعه يارب) واحس هذيل تحملوا بعد مسؤوليه مبكره وودى اياهم يشاركوا وياكم ياربات
البيوت .

الاشياء الى فى بالى :

كيف تديرين بيتج بوجود خدامه

من كل النواحى يعنى عن طريق
هل كيفيه تنظيف البيت ؟
تنظيف الملابس ؟
الاكل ؟
هل تراقبينها دايما ؟
هل انتى قاسيه عليها ؟
هل تحسينها اقل مستوى منج ؟

مرات تضلمينها كيف تصلحين الخطا الى صدر منج ؟
مرات ما تحسين انها متحكمه فى البيت ؟
مرات اذا كنتى راقده وقمتى وشفتيها مثلا مسويه الاكل وخلصه ما تحسين بالخجل منها ؟

ما تحسين مرات انها تعرف فى البيت اكثر منج ؟
كيف تعاملج مع الخدامه هل هو رسمى ؟ جاد ؟ سوالف وضحك ؟وايد اشياء.

يعنى باختصار هل فى نظام معين تتبعينه وياهم

صراحه بعض الاحيان احتار ما اعرف كيف اتصرف ويا الخدامه معنى عادى املك زمام الامور بس مرات احس بالعجر امام امور خاصه لو ما تسوى لج سالفه ؟ او مرات لو تطلبين منها شي معين وما تسويه وتبين تعيدينه عليها بس مو عارفه كيف تقولين لها خاصه انج مكرره الامر الف مرة قبل ؟

ومن كثر ما سمع اقسى عليهم بس انا طبعى ما احب اظلم فئه خاص الخدم لانه الله
ما اغنانا علشان نذل غيرنا وعلشان هم مستواهم اقل منا وايد هذه الفكرة تي فى بالى
واحاول قدر ما اقدر انى ما اقسي بس مرات احس الشده تيب نتيجه بس يوم اذكر
الرسول وخادمه انس واقارن احس تعاملنا وياهم قاسي ومرات اشوف ربات بيوت
ماشاء الله عليهم سوالف وضحك بس خدمهم يسمعون كلامهم وما يعصوهم وانا
خاطرى اسوي جى لان ما بيهم يطلعون من بيتنا الا وهم شالين كل خير عنا . بس احس
انه هذا الشي يقويهم علينا ما درى مرات احس هذا الاحساس لانه اختى رسميه وايد ويا
الشغالات واحسهم يخافون منها اما انا يسون لى اعتبار صراحه بس مرات احس بتطنيش
ما اعرف صراحه شو افسره هل هو تطنيش ولا تعب منهم ولا شو بالضبط .

ممكن تفيدونا ويا خبراتكم واكيد كل وحده لازم يطلع عندها شي حلو نستفيد منها

بعد كل هذا ما تحسين تعب من كل الامور ؟

واخيرا وليس اخرا
اللهم صلى وسلم على محمد وعلى اله وصحبه وسلم

عادي طبعا اول ما وصلت خدامتي عطيتها يومين رااحة لنها تبهذلت فالمطارات

24 ساعة ترانزيت و بهدلة …

و على طووووول خذيتها اشتريت لها اغراض و ثياب و تجي عشان تفرح و تحس بالرااااحة

بعدين اللي هو رابع يووو.م

كانت عندي بنت وحدة و كنت حااامل فالثاامن و هي كانت اول خادمة اييبها

كنت كل يوم اشتغل قدامها و اشرح لها تقريبا فترة 3 ايام و هو طبعا نفس الشغل و فس طريقة التنظيف

كيف تمسح …اكسسوارات البيت و طبعا واااايد كسرت منهن ههههه

و كيف ترتب تخم و تمسح الارضية و كل شي

الطباااح انا طبعا اطبخ …لنها ما كنت تعرف تقطع حتى بطاطا ههههه

المهم يوم تعلمت التنظيف طبعا يا و على كنت اركز على الزوايا اللي فالبيت …و الطاولات اذا مسحتها

او لا ؟؟؟؟ وكنت اسالها سويتي هالشي تقولي مرات هيه مرات لا ؟؟

اذا قالت لا …اقولها لازم تسوينه طبعا …اذا قالت هيه اطلب منها تشرح لي الطريقة و بعدين اركز على الخطأ وين.!!

ماشاء الله تعلمت تنظف و تكوري و تهتم بكل شي …ما كانت تعرف تلبس البامبرز حق الصغيرة علمتها

يبت البيبي و ربيت الحمد لله بالسلامة

و كنت مشغووولة ببناتي طبعا و هي شلت تنظيف البيت و كل شي

أكيد هالفترة استوت مواقف لا احسد عليها وتخلي الواحد يفقد اعصابه لكن تمشينها

الحمد لله هي احينه زينة و تعرف شغلها بدون توجيه لكن اذا في اضافة اطلبها منها مع الشرح

علاقتي فيها عادية يعني سوااالف و ضحك و مزح و اذا شي ما عيبني اصارخ و اعصب عليها

و هي تعتذر لأني الحمد لله عمري ما ظلمتها ولا شي ….

تحب بناتي وااااايد و ما اخاف عليهن لو تركتها معاهن أبدا …تسمع الكلااااام ما تعاند و لا شي

إذا مرضت تقعد عند راسي احسها تحبني فديتها …!!!

لنها مرة مرضت وااايد حرارتها كانت مرتفعة و شليتها فوق ظهري وديتها المستشفى و كانت نايمة على ريلي

بالمستشفة و كل الناااس يطالعوني باستغرااااب …خخخخخ

كانت هالفترة ما تتحرك من السرير و طبعا انا كنت اسبحها فالحمام و اسحي شعرها و كل شي ..

فيمكن هالموقف هو خلاااااها تخترمني و تحبني الله واعلم …لكن هي بطبعها حبوبة و طيوبة ربي يحفظها

امينة جدا ..لو مليون ما تهتم و لا يضعف قلبها …هي مو متزوجة ..واايد تخاف على نفسها اي شي يصير تخبرنيه

على طووووول …

احاول ابعدها عن ربيعاتها اللي أشوفهن مو باوكي …وبــــــــس

انا أقول الخادمة تحترمينها تحترمج ..و تبادلج بنفس الشعووووور

وأقول لو شو ما ابدلها إذا هي طبعا مرتاحة عندي احينه تبغي تسافر لكن يااالسة تترياني أربي عسب تروح

الحمد لله التوفيق من الله …سبحانه

قولن ماشاء الله بنات

انا عن نفسي لين الحين ماجربت التعامل مع خدامه خاصه فيني ان شاء الله قريبا جدا بتيي وبرد على موضوعج ..

ما شاء الله تبارك الرحمن انا صج احس انهم وايد يفرحون بالهدايه بس بعد طريقتج حلوه فى النطام وغيره الله يحفضج يالله صراحه تعلمت شي منج وان شاء الله يكون خير وصراحه معاملتج لها يوم مريضه انا صراحه استغربت منها بس سبحان الله الرحمه فى كل قلب غير الله يبارك لج فى بيتج وعيالج يارب العالمين .

نترياج لاتبطين علينا

وحياج الغاليه فى موضوعى

انا من عرست ما سويت خدامه .. كنت في بيت قووم عمي … كملت خمس سنوات عندهم يعني ما علييه الا قسمي انظفه .. واغسل ثيابي ..وثياب عيالي ..

وعقبها طلعت بيت اروحي .. وبعد تمييت 5 سنوات ثانيات ما سوييت خدامه..

الا من حملت .. استصعبت شغل البيت وانا حامل .. وبعدني تمييت لين اشهر اسابع ..يبت خدامه .. والله لا راوااج..
ما تعرف شي ..حتى اسياره ما عرفت تفتح باب اسياره تركب ..

قلت يالله بمشيها محتاجتلهآ .. زالغاز ما تعرف تشغل .. والله مغسل الماي ما عرفت تشغل الفوز كنت اقول في خاطري كيف عايشه هااي ..

وتمييت وياها اول اسبوعيين اراويها كل الشغل .. وعقبها تمييت اقولها سوي جيه وسوي جييه ..

وبصرااحه لعوزتني لين تعلمت .. والحين بتكمل 6 شهور عندي.. وهااه بعدها ادبش ..غير اقول في خاطري محتايلتلهآ ..

غير سدت تنظيف .. وغسيل الملابس .. والكواي ..اما الطيب اطبخ انا يوم هنييه ريلي .. يوم محد اقولهآآ طبخي .. واشوي تعلمت ..

وانا اني خذت فتره ما عندي خداامه .. ما يعجبني شغلهاا .. كل ما تسوي شي اقولها جيه وجيه ..

حتى ريلي قالي اول يوم كنتي تشتغليين في البيت غير .. والحين شغل الخدامه غير .. قتله شو اسوي محتايله لهاآآ ..

والله الخدم يبيلهم مراقبه اكيد انا خدامتين عندي اندنوسيات بس يبتهم يعرفون عربي لان اهما ما بقعدون الا سنتين يعني سنه تضيع بس اعلمهم عربي المهم اول ما يبتهم الا ولى بس حق ولدي علشان تعبان ما اخليها اتجيس شي الا ولدي وترتب داره عدل عشان ما عنده مناعه اما الثانيه اول ما يبتها شسويت؟ طبعا مو نفس اليوم بعد يومين نزلت اغراض اللي بالمطبخ ونظفته جدامها وغيرت شوي بمكان الاغراض كاني توني ساكنه خليها تعرف شلون ابي المطبخ نظيف وين احط الاغراض ثاني يوم غسلت عزكم الله الحمام جدامها حتى الطوفات لان انا وسواسيه اهم شي الحمام يكون نظيف عرفت طريقتي بالتنظيف الحمام وبعده شلون تنظف الصاله والاغراض فهمت من البدايه اني وحده وسواسيه احب الشي يلمع بس داري احب انا انظفها الا الشغلات السطحيه وساعات لما اكون بالدار اقولها تعالي نظفي هذا مثلا اذا كانت بنتي ما ذيتني والحمدالله انا وايد زينه مع الخدم والله ما اقدر اكل شي الا احسب احسابهم وما اقصر معاهم مع اني كنت متخوفه من هالجنسيه بس خليتهم يحبوني والله وانا احبهم حرام يكسرون خاطري ما احب اقسى عليهم