لبشرة خالية من شعر الجسم في المستقبل

اشحالكن؟
لوسمحتو بغيت اسال عن طريقة ممكن استخدمها و يا البيبي من وهو صغير عشان اتجنب انه يطلع له شعر بجسمه بالمستقبل.

انا سمعت انه في امهات اول يومين يدهنون جسم الياهل من حليب الصدر لتجنب ظهور الشعر، بس انا اعتقد يومين ما يسد لازم اكثر عشان تكون النتيجه مضمونه اكثر

(هل المعلومه صحيحة أم خاطئة).
بعد سمعت انه في امهات تدهن جسم الياهل بالتمر الهندي خلال الاربعين عشان تمنع ظهور الشعر بس كيف ما اعرف؟يعني شو هي الطريقة المتبعه لذلك؟

أتمنى ما تهملون موضوعي لأن كلن عندنا عيال و ال ما عندها انشاء الله بيرزقها واكيد ما نبا عيالنا يتبهدون بالشعر شراتنا و يقعدون يدورون على وسائل يزيلون فيها الشعر او يتعذبون بالحلاوه و الواكس و الكريمات و الليزر و السوفت لايت ووو……….

السموحه منكن

معقوله محد يعرف

امي دوووم تنصح بنا ندهن بزيت جونسون الاطفال عسب ف المستقبل مايطلع وااايد ((يعني بالمعقول ))

انا بعد سمعت

انا سمعت أنه في ناس تدهن جسم البيبي بدم الوطواط
يحضروا وطواط و يوم تولد الأم يذبحوا الوطواط و يدهنوا به البيبي

و سامعه من أكثر من وحده انه جدتها و امها مافيهم شعر لأن اهلهم داهنينهم بدم الوطواط

لكن عن نفسي اخاف أعملها لبنتي لا ينتقل لها مرض من الوطواط

لله اعلم والله ما عندي فكره بس انا في بنتي البكر كنت طول مالثلاث الشهور الاولى كنت امسح ويها وجسمها بحليبي بس فديتها طلعلها شعر وهي الحين ام ثلاث سنين