مبارك عليكم الشهر وباقي الشهر
خواتي بغيت أستشيركن في موضوع
ناس من أهلنا الخلاف في بيتهم ما يخلص
الموضوع وما فيه
بنتهم هي بمثابة اختي وأكثر
هالبنت من النوع اللي يضحي وتخترع أي شي يفرح هالعايله
يعني في المناسبات تسوي ربشه وتجمع بين اخوانها
بس المشكله ان مرت ابوها وأبوها وشي من اخوانها ما يحبونها
هالأب دووووم مكشّر في ويهها ومرت ابوها نفس الشي واخوانها وخواتها
صبرت وصبرت وصبرت على هالوضع
لدرجة انهم يسوون حركات يغايضونها بها
هي قررت انها تلزم حجرتها وما تظهر ولا تسلم على حد ولا ترمسهم لأنه ما شي فايده
هي متأمله ان أخوها (الوحيد اللي حاس فيها) انه ربنا يسهل عليه ويتزوج وتظهر من البيت تسكن عنده
وبعد متأمله بالله سبحانه انها تلقى وظيفه وما تحتاج حد
دلوني خواتي
شوو رايكن؟؟
هل تصرفها صح؟؟
هي من النوع المتسامح واللي أبد ما تشيل في خاطرها
وأي كلمه ترضيها وتفرح
بس اللي حولها يكرهونها
ليش؟؟ ما تدري
أتريا تفاعلكن وردودكن
وأكيييييييييد ما راح تخيبن ظني وظنها
وادعوا لها بالصبر والثبات
هي سوت ألي تقدر عليه
بس خلها تفكر في ابوها مهما صار هذا ابوها
على الاقل تكلمه وتيلس معاه يعني تبره عشان ما تندم عقب عمر طويل ان شاء الله
اما الباقين فالله يهديهم
والله يكون في عونها ان شاء الله وينولها ألي تباه
المشاركة الأصلية كتبت بواسطة نور_العيون 
هي سوت ألي تقدر عليه
بس خلها تفكر في ابوها مهما صار هذا ابوها
على الاقل تكلمه وتيلس معاه يعني تبره عشان ما تندم عقب عمر طويل ان شاء الله
اما الباقين فالله يهديهم
والله يكون في عونها ان شاء الله وينولها ألي تباه
تسلمين الغاليه ع النصيحه
بس إذا كان أبوها هو سبب مشكلتها
هي تحبه وتبره
مشكلتها ما تنافق في الوقت اللي الكل ينافقونه ويرمسون من وراه وجدامه أونهم يحبونه
وهي ما تحب هالأجواء وقررت تبعد عنهم
بس للأسف أبوها ما يحبها
وما يتفاهم أبد
حاولت ترمسه وتيلس وياه بس هوو مو مال تفاهم وما يشجع الواحد يقترب منه
تسلمين حبيبتي
و الله يصبرها ان شاء الله..
المشاركة الأصلية كتبت بواسطة كلي جروح و الله يصبرها ان شاء الله..
مااااااااااااااااا تقدر غناتي
لازم ينغزون ويلمحون ويعقون عليها رمسه أو نظرة احتقار
أما مرت اخوها بالعكس جداً طيوبه ومرحبه
وفي كل الحالات هي حاسبه لهالشي
على أساس انها تشتغل وتساهم
المشاركة الأصلية كتبت بواسطة شووواقي الجميع ان شاء الله