عشان افيدكن اكثر .. عن فحوصات في تايلند … ان شاء الله هذا التقرير يفيدكن يارب ..
المستشفى اللي سوينا فية فحوصات هو .. [COLOR=blue]
Bangkok Heart Hospital
Bangkok International Hospital,
Wattanosoth Hosptial
وكل هاي الاسامي يشيرون الى مستشفى واحد ..
نظام المستشفى للفحوصات :
دشي ع هذا موقع ..
يبين لج كل شيء مع الاسعار .. وملاحظة مهمة ..
الرجاء الصوم عن الطعام والشراب لمدة 8 ساعات على الاقل قبل موعد الفحوصات ..
العملة التايلندية هي البات :
هذا الموقع عن كيفية معرفة االتحويل من الدرهم الى البات والعكس ..
نصيحة لا تصرفون فلوسكم داخل المستفى لانه الدرهم ارخص .. اصرفوا فلوسكم خارج المستشفى
CENTER]نرجع ثاني مرة عن المستشفى : [/CENTER]
اول ماتوصلين المستشفى .. لازم يكون عندج جواز سفر عشان يسوون لج بطاقة خاصة للمستشفى
ترومين نفس اليوم تسوين فحوصاتج .. والنتايج تكون بنفس اليوم …
وللحرمة بتعرف نتاجيها نفس اليوم بس نتايج حق العياده النسائية بعد ثلاثة ايام ..
نصيحة للحرمة :
اذا انتي سايرة عشان اتسوين فحوصات نسائية .. سوي فحوصات شاملة ومن ضمن الفحوصات هو فحص العنق الرحم .. والدكتورة بتقول لج تعالي بعد 3 ايام عشان تعرفين نتايج الفحص .. في نفس اليوم حولي الا دكاترة مختصة في قسم العيادات النسائية وبيشلون منج دم عشان معرفة الهرمونات سليمة او لا . المهم :: بعد ساعتين بتظهر نتايج دم الخاصة بالهرمونات بتقولج النرس تبين تدخلين على الدكتور قولي هي ودشي وهو بيشرح لج كل شي لانه من ضمن الفحوصات الشاملة ع كمبيوترة بتظهر صور الاشعة الخاصة فيج وتمي اسئلية وجي .. واذا تبين تسوين فحص عنده عادي لانه هو مايشوف شي .. في الغرفة الخاصة بالدكتور تنقسم لغرفتبين وحده للنرس وحده للدكتور والدكتور في غرفتة يشوف ع كمبيوتر بس بالاشعة طبعا ..
لازم نتي وريلج تسووون فحوصات….
الاسعار :
بنسبة للاسعار .. غير طبعا عن الفحوصات الشاملة .. لانه اي عياده تطلبينها يكون السعر خاص فيها .. بنسبة لنا انا دخلت الى كذا عياده .. وحسيت انه الاسعار متقاربة والادوية هي اللي تكلف ,.. مابين 500- 1500 درهم تقريبا ..
بعد 3 ايام من النتايج الشاملة .. بيقولون لج تعالي عشان تستلمين ملف فيها الفحوصات الشاملة + سي دي فية الاشعة ..
نسيت اخبركن :: في مترجمين باللغة العربية داخل المستشفى .. يعني لا تحاتون من هالناحية..
الفندق ::
[CENTER]في المستشفى نفسة تتوافر غرف سكنية ..
بنسبة لنا ماحصلنا غرفه سكنية عندهم عشان جي سكنا في فندق دار زايد ..
ملاحظة لا يبعد عن المستشفى الى 2 كيلو او يمكن اقل ..
اذا مثلا تبون تحجون عندهم بس اتصلو ع الارقام واعطيهم بيانتكم الخاصة وانكم مثلا بتيون اليوم الفلاني وجي من باب الاطمئنان للحجز
خدمات الفندق ::
نظيف + يديد + يتكلمون اللغة العربية + انترنت مجانا ^.^ + مطعم فية مأكولات عربية بفلوس+ سوبر ماركت + صالة سباحة + تنظيف الغرف مجانا + خدمة توصيل من والى المستشفى بالسيارة او بتك توك مجانا + في الغرف تحلصين سيادة وكتاب قران ورقة لمواعيد الصلاة
الاسعار الغرف .. اضن الغرف الكبيرة مابين 200 – 300 مدري بس بالحدود واضن الغرف الاصغر ب 150- 200 اضن مادري بس شيكو ع الموقع ..
طبعا الغرف الكبيرة او الاصغر فيها مطابخ وصالة .. ^.^ لا تحاتون ..
الرحلة بتكلفج انتي وريلج تقريبا 20 الف درهم ومكن اقل ع حسب المشاكل الصحية.. غير التذاكر ..
المده اللي ممكن تخلصون فيها فحوصاتكم كامل اسبوع اذا انتم سليمين ,, واذا في مشاكل مكن اسبوعين .. لانه ماشاء الله ماشي تعب بنسبة للمواعيد .. عادي بنفس اليوم تسوين موعد وادشين ع الدكتور
ان شاء الله افدتكن اي سؤال انا حاضرة ..
^.^
الحمد الله رب العالمين
اخر شي .. ابيكن تكتبن في قوقل .. مستشفى بانكوك الدولي
+ فندق دار زايد
وبيظهر لكم المواقع
واللي ماقدرت توصل للموقع ترسل لي رسالة خاصة
للرفع ………..
يزاج الله الف خير ع المعلومات
والله يرزقج بالذرية الصالحة عاجل غير آجل….
يزاج الله ألف خير
والله يرزقج الذرية الصالحة
والله يرزقج الذرية الصالحة
مشكوورة عالموضوع
يزآج الله خير .. وربي يرزقكم الذرية الصآآلحة 
يزاج الله الف خير ع المعلومات
والله يرزقج بالذرية الصالحة عاجل غير آجل….