إن شاء الله بعد أيام بتتفعل عضويتي كـ تاجرة ..
وأبغي أخذ رأيكم .. اتبع اسلوب الدفع مقدم أو الدفع عند التسليم .. ؟
وأي شركة توصيل حسيتي أنها توصل البضاعه بشكل جيد للزبونه ..
وإذا تعرفون مندوب أمين في أبوظبي ياليت تخبروني عنه ..
انتظركم .. 
انا مب تاجرة.. بس دوم اشتري من المنتدى، ومن واقع تجربتي كزبونة احب اتعامل مع التاجرات اللي يتبعون طريقة (سلم واستلم).. لاني ما اضمن اني اطرش حق وحدة الفلوس مقدماً وبعدين ما توصلني الطلبية!!!!
هذا رايي.. والسموحة على التطفل
لاني اول ما اشوف التاجرة تطلب الدفع مقدم سييييدة اسكر الموضوع ولا افكر اشوف نوع البضاعة حتى خخخخخ
اما عن شركات التوصيل ماعندي فكرة والله عن كيف تتعاملون انتو كتاجرات وياهم بس كزبونة ومن اللي كانو يطرشولي حسيت امبوست اوكي لانه كان يوصل منطقتنا لكن ايلايت وارامكس دوم يرفضون يوصلون واضطر اني اسير الاقيهم دااخل المدينة (لاني من منطقة بعيده حبتين) حتى اني الفترة الاخيرة قمت اسأل التاجرة اذا ايلايت او ارامكس ما اطلب منها <<< تعبت ماروم كل يوم اسير وارد لو اروم ما اشتريت من النت
بسني طولت وايد احم احم
تأكدي اول من هالشي
انا اتعامل بطريقة الدفع المسبق و اذا الزبونة تبا سلم و استلم لازم اتأكد انها جادة و مابتردلي الطلبية..
و احسن شركة ارامكس في التوصيل .. و احيانا اطرش الاغراض عن طريق دريولنا يوم الشركة تكون مسكرة (العيد) ما عندي فكرة عن المندوبين للاسف.
اللة يوفقج و ويلكم تو ذا تييم
طريقة الدفع اللي اخترتها الدفع المسبق لأني اجيب الطلبيات من خارج البلاد ولازم اتأكد انه البنت جادة اول عقب اطلب وبعدين اول ما يوصلي المبلغ اطرشها الطلب واخترت يوم لتوصيل الطلبات مرة وحدة لأني من برع ابوظبي وعسبت ما اتلخبط واخلي وقت لتجارتي لأني طالبة والتوصيل بشركة ارامكس لأنهم يوصلون بسرعة وجي ارضي الزباين ^_^
والله يوفقج الغالية شوفي شو اللي اريح لج
المشاركة الأصلية كتبت بواسطة بطوه 
انا مب تاجرة.. بس دوم اشتري من المنتدى، ومن واقع تجربتي كزبونة احب اتعامل مع التاجرات اللي يتبعون طريقة (سلم واستلم).. لاني ما اضمن اني اطرش حق وحدة الفلوس مقدماً وبعدين ما توصلني الطلبية!!!!
هذا رايي.. والسموحة على التطفل
في البدايه .. ماعتبرها تطفل منج بالعكس .. استفدت منج ..
فعلا طريقه سلم واستلم أنا أحس انها اريح للتاجرة بعد ..
لكن بنفس الوقت شو يضمن للتاجرة ان الزبونه أمينه؟
مثل ما خفتي .. إنتي كزبونه .. أكيد التاجرات يخافن على حقوقهن ..
جد استوالج موقف مع تاجرة وخدعتج بالبضاعه ؟
ياليت تخبرينا ونستفيد من تجربتج .. انتظرج
المشاركة الأصلية كتبت بواسطة آيس كريم لاني اول ما اشوف التاجرة تطلب الدفع مقدم سييييدة اسكر الموضوع ولا افكر اشوف نوع البضاعة حتى خخخخخ
اما عن شركات التوصيل ماعندي فكرة والله عن كيف تتعاملون انتو كتاجرات وياهم بس كزبونة ومن اللي كانو يطرشولي حسيت امبوست اوكي لانه كان يوصل منطقتنا لكن ايلايت وارامكس دوم يرفضون يوصلون واضطر اني اسير الاقيهم دااخل المدينة (لاني من منطقة بعيده حبتين) حتى اني الفترة الاخيرة قمت اسأل التاجرة اذا ايلايت او ارامكس ما اطلب منها <<< تعبت ماروم كل يوم اسير وارد لو اروم ما اشتريت من النت
بسني طولت وايد احم احم
تأكدي اول من هالشي
شكراً على كتابة تجربتج عزيزتي واستفدت منها الصراحه ..
وإن شاء الله بندرس الموضوع وبنحدد بشي يرضي الطرفين
المشاركة الأصلية كتبت بواسطة Maria_Louisa انا اتعامل بطريقة الدفع المسبق و اذا الزبونة تبا سلم و استلم لازم اتأكد انها جادة و مابتردلي الطلبية..
و احسن شركة ارامكس في التوصيل .. و احيانا اطرش الاغراض عن طريق دريولنا يوم الشركة تكون مسكرة (العيد) ما عندي فكرة عن المندوبين للاسف.
اللة يوفقج و ويلكم تو ذا تييم
مشكورة أختي ماريا لويس ..
بس ماتعتقدين شركة ارامكس غاليه شويه على الزبونه ؟
تسلمين حبيبتي
المشاركة الأصلية كتبت بواسطة أحلى حبوبة طريقة الدفع اللي اخترتها الدفع المسبق لأني اجيب الطلبيات من خارج البلاد ولازم اتأكد انه البنت جادة اول عقب اطلب وبعدين اول ما يوصلي المبلغ اطرشها الطلب واخترت يوم لتوصيل الطلبات مرة وحدة لأني من برع ابوظبي وعسبت ما اتلخبط واخلي وقت لتجارتي لأني طالبة والتوصيل بشركة ارامكس لأنهم يوصلون بسرعة وجي ارضي الزباين ^_^
والله يوفقج الغالية شوفي شو اللي اريح لج
تسلمين الغلا .. ما أدري ليش أحس طريقة الدفع متعب للزبونه ..
إنتي شو رايج بهالتجربه ؟
والتوصيل الطلبات مرة في أسبوع اشوفها فكرة جيده ^^ ..
المشاركة الأصلية كتبت بواسطة ام ندى … فعلاً أنا اشوف سلم واستلم اريح لي وخص لو فيه مندوب خاص لي ..
وايد بيوفر عليه الجهد ..
تسلمين حبوبتي ع المشاركة ^^