امممم عندي سؤال بس شوي مستحية منه ..
أنا تنزل لي افرازات من تحت .. مستغربة منها ويديدة علي ما كانت موجودة قبل ..
انا متزوجة من سبع شهور ..
مب حامل حاليا على ذمة الاختبار المنزلي .. بس الدورة موعدها طاف من يومين ..
الافرازات .. مافيها لا حكة ولا ريحه ولا لون .. شفافة ..
ما تنزل مستمره .. لكن بين فترة وفترة متقاربة تنزل فجأة واقول الدورة نزلت .. واتأكد مافي شيء ..
غير سائل شفاف تماما مافيه ريحه ولا حكة ولا لون
والشيء الثاني فيني الم دورة بطن وظهر بس خفيف ..
على فكرة الافرازات صار لها تقريبا عشر ايااام .. او يمكن اكثر شوي .. اعتقد من بعد التوبيض
عندكم فكرة او علم شو السالفة ؟ يعني لازم اروح للدكتور التهاب ولا شوو ؟
ولو رحت الدكتورة كيف يكون الفحص ؟ ليكون كشف ؟؟؟؟
يعني مثلا تحسين مثل الم الدورة وفجأة ينزل شي منج وترتاحين
ويوم تشوفين تحصلين افرازات،،،هالشي عادي لأنه الرحم يالس
يتخلص من هالافرازات،،،،
وبعدين دام الدورة متأخرة عندج روحي سوي فحص دم،،،
لأني انا تتاخر وايد وحتى حملي مايبين في الفحص المنزلي الا بعد 15 يوم وفوق
وسوي فحص دم عسب تتاكدين
الله يرزقج ان شاء الله
واذا بتسيرين ترى الفحص كشف من تحت يعني ؟؟؟^^
والاحسن تسيرى دكتوره نسائيه
المشاركة الأصلية كتبت بواسطة cute MaMa 
يعني مثلا تحسين مثل الم الدورة وفجأة ينزل شي منج وترتاحين
ويوم تشوفين تحصلين افرازات،،،هالشي عادي لأنه الرحم يالس
يتخلص من هالافرازات،،،،
وبعدين دام الدورة متأخرة عندج روحي سوي فحص دم،،،
لأني انا تتاخر وايد وحتى حملي مايبين في الفحص المنزلي الا بعد 15 يوم وفوق
هلا اختي مشكورة ع الرد ..
بس غريب ةاختي انا من سبع شهور اول مرة تستوي لي سالفة الافرازات .. ان شاء الله تكون طبيعية ..
وبالنسبة للتحليل .. قبل موعد الدورة باسبوع ..
رحت من العيادة وسوت لي سونار شكت بحمل .. شك بسيط ..
وسوت لي تحليل دم ( اللي شكله مثل الاختبار المنزلي ) طلع مافي حمل ..
رجعت البيت سويت تحليل منزلي .. مافي حمل ..
ومن يومين بعد سويت تحليل منزلي مافي حمل ..
يعني ثلاث مرات تأكدت اني مافي حمل ..
معقولة ثلاث مرات ما يبين ؟
وبعدين انا فيني ويع الدورة عوار بطن .. وتيبس في ظهري وصدري ..
وشهيتي فجأة انفتحت للأكل .. ودورتي كل شهر تسوي لي كاميرا خفية ..هههه
تتاخر كم يوم استانس .. وعقب تنزل .. احباااط الله يرزقني يارب
المشاركة الأصلية كتبت بواسطة قلب بوروضة الله يرفع قدرج في الدنيا والآخره