أول عملية تصويت ديمقراطي في القسم

مرحبا يابنات
أشحالكن بهالقيظ اللي يشوي ؟؟؟؟عن نفسي قررت اني ما أظهر من البيت من الحين لين وقت السفر
ما أدري كيف وانا ما اطيق يلسة البيت بس حاسه بشرتي تقول لي حرام عليج وتغني بعد ظلموه

المهم ..لاحظت في الفتره الاخيره كثرة فتح مواضيع عشان التان ..البرونزاج…المسمى اللي تحبونه
أكثر من وحده منزله موضوع بس عشان تعرف كيف تسوي تان وهالشي يسبب زحمة سير ومرور في القسم :
فحبيت أفتح هالموضوع بخصوص التان
يابنات اللي عندها سؤال أو نصيحه أو منتج أو أي معلومه نزلوها في هالموضوع عشان يكون مرجع للكل وفي مكان واحد ok شو رايكم؟؟؟
بما اني ديمقراطيه واحب الشفافيه.. قررت (انتبهتوا لان هذا هو دليل الديمقراطيه ههه)قررت اني اسوي تصويت لرغبات البنات في هالشي

بسجل عندي أول 10 ردود …اللي موافقه تقول

أن بغيت أعشق بلقى كثر حبات الرمال ولكن انت لو بغيت صعب مثلي تلقى

واللي مب موافقه تقول

رفض الغلا مقبول لو كان منك والرفض من غالي على القلب غالي

طبعا الابيات مالها علاقه بس حركات تشجيعيه

وانشالله بحاول اني أثبت الموضوع اذا الاداره وافقت
يللا خلونا نعد الردود

للرفع

أختي أي نوع من التان بتسوين

إذا سلف تان أقول لج ممكن .. أما إذا التان اللي يباله تسدح في الشمس لا حشى ما اسويه

يسد العام سبحت ف بيتنا في سوريا والحوض هناك مكشوف .. وتعالي شوفي لوني كيف صار . زيبرا الله يكرم السامع

ولين اليوم بعده ما اعتدل اللون وأنا تاااايبة ما انزل الحوض هناك ..

أختي كيم شو السالفه؟؟؟؟
ما فهمتي اللي أقصده ؟؟؟؟انا قصدت انه يكون موضوع للبحث في أمور التان وبس يعني اللي حابه تسأل كيف تسوي تان؟؟؟شو الكريمات اللي تستخدمها؟؟؟كيف ممكن تحتفظ باللون أطول فتره؟؟؟شو اللي مب زين من كريمات؟؟
وهلم جراااااا

أشوف ما حد رد لا ب هي ولا ب لا

أن بغيت أعشق بلقى كثر حبات الرمال ولكن انت لو بغيت صعب مثلي تلقى

معاااااااج 100%حبيبتي

عيبتني الابياااااات ^_&

أن بغيت أعشق بلقى كثر حبات الرمال ولكن انت لو بغيت صعب مثلي تلقى

سوري يا عسل طريقة عرضج للموضوع موب واضحة ..

عموما أهم الكريمات وأحلاها من غيرلاين وسيشيدو حسب ما قريت

كريم لانكستر ريحته حنا ويعطي تان برتقالي..

لازم تكونين مسويه حلاوة فوول بدي وسكراب للجسم كله قبل التان

ويفترض الركبة والمفاصل تمررين ايدج بحركة سريعة عليهم عسب ما يكتبن درجة اغمق من لون الجسم ..

التان المفروض تسوينه بالليل واتمين " نيكد" ساعة على الاقل لين يتشربه الجسم .. وتنامين فيه والصبح يبين اللون إذا زين والا يباله تضبيط

حلاة التان يومين قبل المناسبة عسب يكون شكله طبيعي ومرتب

الويه ما يسوون له كريم السلف تان وتكتفين بشيمر كريم مع الاساس تخلطينه أو اساس برونز وتحطين فوقه بلاشر تان واحلى نوع شفته من غيرلاين ( احب البلاشر المات )

شو رايج بالمعلومات ؟؟؟؟؟؟؟؟؟؟؟؟