أول مشاركة :) صينية السمك بالفرن

السلام عليكم ورحمة الله وبركاته

بصراااحه من بعد ما شفت طبخ البنات والحريم تشجعت إني

أدش المطبخ وأحضر أول حاجة الكاميرااااا وطول الوقت

أدعي وأقول الله يستر لأني أول مرة أسوي هالطبخة من رأسي …..

صينية السمك …

المقادير ..

علبتين زبادي
حبتين طماط ( تقطع حلقات )
3 حبات بطاطس ( تقطع حلقات )
3 بصل ( تقطع حلقات )
ملعقة طعام كبيرة ثوم مهروس
ملعقة طعام كبيرة زنجبيل مهروس
فلفل أسود حسب الرغبه
ملح حسب الرغبه
فلفل أخضر حار حسب الرغبه
3 مكعبات ماجي
بهارات حسب الرغبه
زبيب محمر
بصل حلقات محمر
أرز حسب الكمية إللي إنتي تبينها
كزبرة وشبت و نعناع ( شه بسيطة ) مع فنجان قهوه ليمون

الخطوة الأولى :

أخلطي علبة زبادي مع الملح والثوم والزنجبيل والفلفل الأسود والبهارات والليمون

وخليه يتبل لمدة ساااااااااااااااعة …

الخطوة الثانية : ( بعد ساعة )

تجيبين صينيه للفرن وتقطعين البطاطس والطماطم والبصل على شكل حلقات وترصينه في الصينية وتحطين الفلفل الأخضر

تجيبين مكعب ماجي وتحطينه في كوب شاي صغير وتكبين ماء حار وخلطيه لين يذووب المرق وكبيه على الصينية
بعدين تجيبين علبة الروم الثانية و تخلطين فيها الكزبرة والنعناع والشبت

وتكبينه في الصينية بعد مرق ماجي

ألحين ترصين السمك وبعدين تسكرينه بالألمونيوم وعلى طووول في الفرن
( النار من فوق ومن تحت )

تطبخين الأرز الأبيض مع مكعبين ماجي … ولين ما ينضج حمري بصل حلقات و الزبيب وكل واااحد يتحمر بعيد عن الثاني .. لأن البصل يتأخر لين ما يتحمر والزبيب بسرعة يتحمر … وعشان ما يحترق الزبيب يتحمر لوحدة

وبعد ما ينضج الأرز …. إنشليه من المرق و سوي طبقات بصل و زبيب
وحطي شويه لون .. وعلى طوول عالنار بس تكون هاااااديه بالمره

وطلعي السمك من الفرن

وهذااا شكله النهائي

وهني وعااااافيه على عيونكم

وبصرااااااااااااحه الكل إستانس عليهاااا أولهم أبوي وأمي

أتمنى الموضوع يعجبكم …

ياااااااااااااااي ما شاء الله علييج

ما شاء الله

حلو الطريقة واحلى شي انه في الفرن يطلع احلى من القلي

ووربي يوفقج اختي

وان شاء الله اتصيرين طباخة ماهرة

شهيتييييييييييني يالطفسه

صدق صدق يجنن

ماشاء الله علييييييييج

لاتحرمينا من مواضيعج اليديده

ماشالله شكل السمج رهييييب وايد عجبني
الف الف شكر ويعطيج ربي الف عافيه

الا بسالج

انتي ما يييج حساسية من زبادي ويا السمج

نحن ما ناكل سمج مع روب يوم انسوي سمج ما اطلع روب وياه

بس انتي خلطتي ويا السمج

يعطيج الف عافية

يعطيج الف عافيه الغاليه على المجهود

تسلمين عالرد يالغاليه …

وإن شاء الله من خبرت البنات نتعلم ونستفيد

ونصير كلنا طباخاااات ماهراااات

وأنا أشوف إنه هالطريقة أحسن بكثير من القلي بالزيت … يعني الطبخه كلها على بعضها من غير زيت … طبعااا ( السمك )