التوجيه الاسري

السلام عليكم .. بشان التوجيه الاسري لازم اسير واعبأ الاستمارة ..
بشان الضرر الذي لحق بي وهجر زوجي لي وعدم النفقة ..
هل يجوز ان ارسل الطلبات عبر الموقع الالكتروني ..

ما اضن يستوي ( مب متأكدة بس ) الي أعرفة لازم تسيرين عندهم وتعبين الطلب ويكون عندج صورة عقد الزواج و صورة من هويتج و اذا عندج صورة من هويته بعد زين بس حبيبتي اتاكدي منهم احسن هذا رقمهم المباشر 026512538

والله يا رب يصلح حالج يا نسيمة الورد ادعي بالدعاء الي في توقيعي
وصلي صلاة الاستخارة قبل كل شي

موفقة ان شاء الله

حبيبتي انتي تبين حقج تحركي شوي
فيه مندوبين يوصلون المعاملات للبيت لكن ما عندي فكره عنهم شفت اعلان في الوسيط

اختي تحركي وامشي لهم لمكانهم

وعليكم السلام
بتسيرن وتعبين استمارة وتعطينهم بطاقة الهوية وصورة عقد الزواج ورقمج و رقمه
هم بيتصلون به ويحددون لكم جلسة مع الاستشاري (هم في الأصل قضاة)

طبعاً ماينفع محامين لأنه غير مسموح للمحامين بمتابعة الموضوع ما دام انه بعده في التوجيه الاسري.. الا اذا تطوّر وحولوه محكمة ساعتها تحتاجين محامي للمحكمة

المتعارف عليه يا عُمري انج تسيرين احسن
اتوقع انه الطلبات الي تتطرش عن طريق المواقع ممكن تنّسي او يتأخر الرد عليج من خلالها
فالافضل انج تسيرين ..

الله ايسر امرج حيااتّي ..

لا اله الا انت سبحانك اني كنت من الظالمين