الشكر على الهدية

بنات بغيت اتناقش معاكم في موضوع
لو فرضا هديتي صديقتج او وحدة من قرايبج هدية غالية وتعبتني وانتي اتنسقين لها هالهدية وعقب ما ارسلتيها لها ماكلفت نفسها حتى تشكرج هالهدية ما اتحسين بالاحباط؟ وهل تفكرين تهدينها مرة ثانية؟ وشو رايج في هالنوعية من الناس؟

وايد ناس جي
حتى لو كانت ورده المفروض الواحد يشكر
انا عني ادق للشخص اللي هديتها واقوللها هاه شو رايج في الهدية
واذا هي ما ستحت ليش انا استحي

شي اكيد بتضايق
وبالذات لاني تعبت وايد على الهدية وخسرت عليها بعد
وامممممممم
مادري اذا بهديها مرة ثانية او لا
لان على حسب الظروف الياية

والله احس عادي اصيح خخخخ
الاخت حساسه زياده عن اللزوم
اقل شي تشكرج
بس يمكن الهديه عجيبه وانصدمت بها
– فضول ابا اعرف شو الهديه-
امزح فديتج بس الطف الجو
مثل ما قالت اختي
يمكن بتفاجئج بشي
الله العالم .. لا تحطين في بالج انها طنشت

ابليس يقول: يمكن ما وصلتها هههههههه ؟؟
امزح والله لا تزعلين مني

تدرين اذا كلمتيها اسئليها بطريقه غير مباشره
مثلا قولي سامحينا عاد ع القصور الهديه بسيطه تراها
شوفي شو يتقول !!

وااااااايد صادتني هالسوالف وصدق
حسيت باحباط وحلفت اني ماطرش هدايا
حق هالانسانة لو شنو صار

عني…

ما اترياا الشكر من أحد حتى لو كان ريلي ..

عشان جذه ما أحس بإحباااط وعااادي اهدي هالشخص ثاني مرة .. أو أقدمله خدمه من دون مقااابل معنوي..

أحس هالشئ راجع له اذا بيكون عنده ذوق ولا لأأ

واعرف ناس كثير ما يشكرون لانهم متربين ع هالشئ يعني ياللي اشوفه اغلبية يلي عندنااا (يلي عندناا) تربيتهم مأثرة عليهم .. مب متعودين ع هالشئ..