السلام عليكم خواتي ابي رايكم في هذا الموضوع لانه يخص شريحه كبيره من المواطنين الشباب اللي مو لاقين وظايف .عندي ولدي خريج تقنية دبي دبلوم عالي هندسه الكترونيه و اتصالات بتقدير امتياز تخرج الصيف اللي طاف و لحد الحين قاعد في البيت مو لاقي شغل قدم في اماكن كثيره بس ماكو واسطه يعني ماكو شغل والله يعور قلبي بكري و اول فرحتي قاعد بدون وظيفه نفسيته قاعده تتعب و انا اكثر ابي اعرف ليش الوافد يجي بكرت زياره و خلال اسبوعين يشتغل و اعيال البلد يدرون ما يحصلون وظيفه ليش الموازين مقلوبه الوظيفه لازم تكون للمواطن اولا و اذا فيه شاغر مو محتاجه مواطن يشغله وافد المواطن لازم يكون له الامتياز مو الوافد و الله حرام وايد خريجين مو محصلين وظايف شو الحل
انا اضم صوتي لصوتج وانا متخرجه من الجامعه وبتخصص صعب وبتقدير جييد وليومج ماحصلت الوظيفه ويوم اسير مقابله عقب القى انهم عينوا الي عنده واسطه والهنود والوافدين ونحن لا لنا حيله ولا قوة لين متى هالحال الله يعلم بس لنا رب ما بينسنا والله يوفق ولدج ويحصل الوظيفه لان الريال يحتاج الوظيفه اكثر عن الحرمه … وعسى ان تكرهوا شيئا وهو خير لكم …والسموحه ع الاطاله..
بقول لكم ليش الوافدين والهنود يلاقون وظيفه ….. لانهم يرضون بالراتب حتى لو 2024 درهم ..ولهذا السبب حتى الشركات الخاصه تلاقون اغلبيتها وافدين … لان مافي مقارنه بين راتب الوافد والموطن والمميزات الفرق شاسع …حاليا نصيحه اختي مني خليه يقدم اي مكان المهم يشتغل ان شاء الله لو شركه خاصه … وارشح لج الحبتور للمشاريع الهندسيه يدورون مواطنين ورواتبهم زينه يعني اعتقد بالنسبه لشهاده ولدج راتبه اعتقد بيكون بين 8000 الى 10000… بس حاليا خليه يداوم اي مكان وبعدين يدور وظيفه احسن
نفس الحاله
تخرجت من التقنيه بشهاده الدبلوم بتقدير امتياز لكن لين الحين ما حصلت وظيفه
الله المستعان
في عندي حل
غيروا جنسياتكم بتلاقون وظيفة شو رايكم هههههههههههه
امزح والله
بس الصراحة حتى الوافدين اذا ما عندهم واسطة او دهن سير ما يتوظفون
وهذا انا وافدة وما عندي واسطة وعندي بكالوريوس قانون وليومكم هذا ما توظفت بالمكان اللي يناسب مؤهلاتي 
بس شو اقول واسطتنا رب العالمين ولو نبا الطريق الغلط بنتوظف ونوظف العايلة كلها بعد 
الله يعينا
الله يعين
الحال من بعضه
الحال من بعضه
المشاركة الأصلية كتبت بواسطة محروق صبعه 
السلام عليكم خواتي ابي رايكم في هذا الموضوع لانه يخص شريحه كبيره من المواطنين الشباب اللي مو لاقين وظايف .عندي ولدي خريج تقنية دبي دبلوم عالي هندسه الكترونيه و اتصالات بتقدير امتياز تخرج الصيف اللي طاف و لحد الحين قاعد في البيت مو لاقي شغل قدم في اماكن كثيره بس ماكو واسطه يعني ماكو شغل والله يعور قلبي بكري و اول فرحتي قاعد بدون وظيفه نفسيته قاعده تتعب و انا اكثر ابي اعرف ليش الوافد يجي بكرت زياره و خلال اسبوعين يشتغل و اعيال البلد يدرون ما يحصلون وظيفه ليش الموازين مقلوبه الوظيفه لازم تكون للمواطن اولا و اذا فيه شاغر مو محتاجه مواطن يشغله وافد المواطن لازم يكون له الامتياز مو الوافد و الله حرام وايد خريجين مو محصلين وظايف شو الحل
أي أمارة أختي؟ طرشي البيانات عالخاص