بسافر العمرة

السلام عليكم ….نوينا ان شاء الله نسافر العمره ..وعندي طفل عمره سنه ..ويالسين اسبوع.. شو الاشياء اللي أخذها وياي..وهل البسه احرام..

والله ياختي ما اقول غير الله يكون بعونج …وايد صعب تودين طفل في هالسن العمرة …
مابتقدرين تادين المناسك براحتج ووقت الصلاة هو أسوأ وقت…بيضايقج وايد وبيضايق المصلين..
وقت الصلاة حاولي تخلين معه لعبة أو اي شي تلهيه… والأفضل انج تحاولي تشبعيه وتنوميه…

عموما الي أعرفه انه يجوز ان الطفل يعتمر معكم بأن تحرمي به وتطوفي وتسعي به وتحلليه من الإحرام…
بس بصراحة ماعندي فكرة عن لبس الإحرام…

وإن شاء الله الخوات بيساعدوج ..

وعمرة مقبولة إن شاء الله …

بتندمين اكبر ندم اسألي المجربين ………..ما انصحج تاخذينه وياج خليه عند امج والا بيت اهل ريلج ما عليه شر وحاولي تقصرين المده بس 3 ايام انتي سايره لعباده ليش الياهل ما في داعي …….اربيعتي سارت الاسبوع اللي طاف وايد تلعوزت تقول مول ما حست بالعباده ولا استانست لا في الصلاه ولا في العمره حتى في الصلاه ما ارتاحت حر وتعب على الياهل كل اشوي يصيح الجو متغير عليه تقولي ندمانه اشد الندم انها ماخذتنه وياها ..الا هي كم يوم ؟؟؟؟؟؟؟؟؟؟؟