بنات الى سويته صح أو غلط ؟؟؟

عندي سالفه صايره لي في الدوام

أنا اشتغل في روضة بوظيفة مساعدة مديره
المهم انا مديرتنا وايد اتحبني ودايما تطلب مني أن شخصيتي اتكون قويه قدام المدرسات
في يوم السالفه كنا طالعين رحله ميدانية مع الأطفال فهي طلبت مني اني اكون قلبها وهي تيي بعدين وطلبت مني مهمة التصوير طبعا نزلنا من الباص وكانت معانا مدرسه اجنبيه وثنتين من مدرسات مواطنات فانا عن طيب خاطر قمت وساعدت المدرسات في صف الأطفال وفجأه المديره وصلت شافتني اصف الأطفال جان تزقرني جدام المدرسات (( أنتي ماعليكي من الأطفال انت مهمتك التصوير )) وكانت معصبه بس طريقتها وايد احرجتني
المهم ما بينت ورجعنا الروضة كنت مضايقها لقتنا الاجنبيه جان اتقول لي (( كلنا تعرضنا لمضايقات ما تزعلين )) ومسويه روحها تضحك معايا أنا سكت وما بينت لها شئ بعد فتره وقبل ما توصل المديرة لاقتني مدرسه ثانيه جان تسأل (( شنو صاير ليش اتكلمش المديره بهالطريقه ؟؟ )) وهم سكت
ويت المديره بس أنا كنت في الحوش ما كنت في مكتبي لأني كنت مضايقها ومو حابه أتكلم مع أحد
المهم يت علي طول دخلت مكتبها وكان امبين عليها معصبه وطلبتني جان أتقول (( شنو سويتي يا وجود شلون اتخلين المدرسات وانتي اتقومين بشغلهم كم مره اقولش خلي شخصيتش قويه لازم اتكونين بديله يعني يعني بس إشراف مب اتساعديهم وشلون تقعدين مع أطفالهم ؟؟ )) هني انا تكلمت وقلت لها اولا انا كنت حابه اساعد ثانيا راح اقول لش اني وايد تضايقت من طريقة كلامش معاي في الجوله وايدانحرجت قدام المدرسات جان اقول لها عن الاجنبيه والمدرسه الثانيه
ردت علي رد سكتني (( أنا الى سويته على شانش يعني لما زقرتش كان علشانش كنت ابيش اتكونين قويه اتكونين بدالي لكنش فهمتيني خطأ والبنات انا بكلمهم بس أنا رفضت حتى لا اصير اي مشاكل بيني وبينهم بس اهي رفضت لأنها اعتبرته نقل كلام وفتن وما ادري ويش
وبالفعل قبل نهاية الدوام كلمتهم وكانت معصبه
وكان من حظي اني بركب مع زمليتي السياره بتوصلني البيت لآن سيارتي خربانه المهم لما حسيت أن الوضع مكركب شوي كلمت زميلتي وقلت لها ترى أنا ما قصدتكم أنا كنت مضايقه مت اسلوب المديره بس وفهمتم الوضع
ورحت البيت كنت مضايقه شوي بس لقيت تليفوني ارن كانت مديرتي جان اتقول (( السموحه اني غلطت عليش انتي عزيزه وغاليه وما حبيت امر اليوم بغير ما أطيب خاطرش ))

بنات المشكله الحين اخاف ان البنات في الدوام ياخذون مني موقف

انزين تبيني اكون شخصيه برايكم اشلون أكون شخصيه