تحطمت بعد الامل

مرحبا
خواتي بغيت تجاربكم لان الياس بدأ يتخلل قلبي وأحس اني فاقدة الأمل

مع اني متخصصة ف مجال لرفع الأمل مثل يقولون بيت النجار مخلع ..قصتي بدأ مع
عنوستي زواجي تأخر كملت 35ولم اتزوج والحمد الله تزوجت وربي ماحرمني لك الحمد والشكر وطبعا بعد شبح العنوسة بدأ شبح تأخر الحمل مر أربع شهور وحملت طبعا بالمنشطات لاني كنت اخاف أكبر وما اشوف اعيالي وقدر الله شاء فعل سقط بعد شهرين ونتكست حالتي الي الحضيض ول
ومرت أكثر ست شهور ومأحملت ادري تقولون بعدني بس العمر خواتي المهم.دعوتهم خوات الله أالله لايحرمني من طيبت قلبكم لاني صج محطمة

حبيبتي انا ما عندي خبره فهاي الاشياء بس انا نصيحتي لج
قيام الليل والدعاء فآخر الليل وربي يرزقج الذريه الصالحه ويفرح قلبج وكل من اشتهى

سوي فحوصات وسبب الاجهاض شو
عشان ماتتكرر عندج السالفه..
سوي فحوصات الغده والاجسام المضاده وسيوله الدم وفحوصات ثانيه

حبيبتي التسقيط مرة وحده عادي مايخوف وايد حريم سقطوا بعد الزواج وردو حملوا وانجبوا بس المهم ان التسقيط ما يتكرر لاسمح الله. اهم شي ان صار حمل.

الحين المطلوب منج تسوين كل الفحوصات واذا لاسمح الله في شي ابتدي بالعلاج. وان شاءالله يكون كل شي طبيعي وماتحتاجين غير المنشطات. حبيبتي لاتفكريزيوغيد بالعمر ما شاء الله في حريم بعمرج عندهم أطفال. الله يرزقج

العمر جدامج حبيبتي ، والله يرزقج ان شاء الله