مرحبا خواتي
اشحالكن؟؟وعلومكن؟؟
خواتي هالموضوع عباره عن تصويت
ابغيكن تصوتن لي على افضل الدكاتره(( دكاترة الولاده والنساء)) ف مستشفى الزهراء
انا عن نفسي فاتحه ملف مع الدكتوره نفيسه
بس مراجعاتي كلها ف عياده خاصه
وكنت حاطه ف بالي هيه تولدني اذا الله راد
بس طلعت مسافره انجلترا
وما اعرف اذا بترد قبل ما اولد والا لا؟؟
وعشان جيه ابغيكن تفيدني عن احسن الدكاتره
بليز خواتي هذا شهري وابغي تفاعلكن؟؟
ودعواتكن لي ربي يسهل ولادتي واقوم بالسلامه انا والبيبي ان شاء الله
ويزاكن الله خير مسبقا
شما وايد سويته و شاطره .. سرت عند وايد دكاتره بس شما اوكي و تعرف شغلها و اهم شي ايدها خفيفه خخخخخ
أنا متعوده أربي مع الدكتوره جوان وهي تولد في مستشفى الزهراء.. وغنيه عن التعريف شاطرة ومتمكنه بس ماتولد إلا اللي اتابع معاها من أول الحمل بس جربي أحيانا توافق… وآخر ولاده لي كانت مسافره وربيت مع الدكتوره أميره وهي شرحه وحبوبه جدااا وصبوره على الحرمه والكل يمدحونها .. بس الحق يقال د.جوان متمكنه أكثر وخياطتها ممتازه ونظيفه…
والله يسهل عليج ان شاء الله ويرزقج بالولد أو البنت الصالحين..
أنا بعد أراجع عند نفيسة ..
و اجازتهااا بتخلص عقب العيد ..
ع العموم >> يمدحونهاااا و نحن ف العايلة مجربينهااا مرتين ..
و البقية ما أدري عنهن…
و الله يسهل ع الجميع
للرفع ^^
انا اللي اعرفها واللي كل وحدة تمدحها هي دكتورة نفيسة..
واذا هي مب موجودة.. انشالله رب العالمين بيسهل عليج ولادتج بها والا بغيرها.. بس خلي ايمانج بالله قوي.
بس حبيت اقولج.. انشالله لما اييج العوق.. لا تستعيلين وتسيرين المستشفى بسرعة.. اتريي شوي.. وحاولي تشربين شي حار مثل الجرفة او الزعتر او الزنجبيل.. وسيري عيادة خاصة عشان يخبرونج عن عنق الرحم.. كم انج مفتوح.. واقري طول الوقت الآية رقم 54 من سورة الاعراف "ان ربكم الله الذي خلق السموات والارض في ستة ايام ثم استوى على العرش يغشي الليل النهار يطلبه حثيثا والشمس والقمر والنجوم مسخرات بأمره ألا له الخلق والأمر تبارك الله رب العالمين"
الله يسهل عليج ويرزقج ويرزق جميع المسلمين الذرية الصالحة يارب.