تهديد بالمسجات .

السلام عليكم ورحمة الله وبركاته
ايشحالكن حبيباتي …

يا بنات واحد دووم يهددني انه بيسولي سحر اذا ما دفعت له 1000 درهم

يعرف اسمي واسم امي بس ما شفته ابد والله ولا اني اعرفه…
تعرفت عليه بموقع الزواج بقصد الزواج وكان يسايرني…
بس يوم رفضته وقلت له ماشي نصيب , قام يهدد كل يوم بمسجاته واتصالاته لي بالسحر
هو من برع الدوله..

شو اسوي اخاف فعلا يسوي لي سحر ؟؟

ساعدوني بنات وطمنوني….

اذا بالدولة بتشتكين عليه هو الحين مؤ بالدولة كلام فاااااضي بس يبا يستغلج لا تردين عليه وإذا تقدرين غيري رقمج احسن لج

لا تعطينه وجه كلما اعطيتيه يتمادى ويطلب اكثر

غيري رقمك وما بيضرك ان شاء الله

لا تردين على مكالماته ولا تقرين رسايله..

بلغي عنه مادام الرقم عندك

والله يحفظك من كل شر

بلغت عليه شرطة الامين

قالولي هو في خارج الدوله وما نقدر انسوي لج شي؟؟

بس تتوقعون يقدر يسوي شي يالنصاب ؟؟

مول لاتردين عليه ولا بكلمه.. حتى لو يطرش مليون رساله وحتى لو شوه ماكان تهديده…

يوم بتحقرينه وبيجوف مسجاته مامنها فايده بيخليج..

والله الحافظ.. حصني عمرج بالأذكار.. وها عقاب من الله لج على تعارفج وياه

لا طبعا ما يقدر يضرك بشي ان شاء الله

بس لا تردين عليه.. واهم شي رسايله لا تقرينها بالذات اذا فيها رموز مو مفهومه

قبل فتره مجموعه من افريقيا يدقون على مواطنين سعوديين ويهددونهم اذا ما عطيتونا كذا وكذا بنسوي فيكم ونسوي محد عطاهم وجه ولا قدروا يضرونهم بشي

هم بس يهددون عشان الفلوس
الله يحفظك اختي ما عليك منه

حصني نفسج حبيبتي
وسوي طااف ها استغلالالي وطمااع الله بيحاسبه يوم الحسااب