السلام عليكم
خواتي هذي قصه عيبتني في منتدى وحيت انقلها لكم ان شاء الله ما اتكون مكرره
السلام عليكم والرحمه
كان شي عـــرس في العـــيـــن
والريال دش صاله الحريم للجلوس ع الكووشه
يلس ….. وهو يطالع يمين ويسار …. ومتحسر ع الشيفه الي عداله
ويا وقت الرحيييل………
الريال شل حرمته واركبوا السياره ..ودعس صوب دبـــي
والبنيه تستحي ومب عارفه شو تقول طوول الطريق…والريال ماغير يسولف ويهذر والبنيه ساكته<<<< مااحولك احد
الريال يأس من البنت انها تكلم ..وقال ماشي غير اني اشغل المسجل وامسسك الخط. …
في الوقت نفسه البنت كانت حسراانه ومتوهقه ومستحيه تقول للرجال
ابي الحماااام الله يكرمكم
عاد هي عفدت ع الكرسي الي ورى عشان تنسدح ويخف عليه الوجع
الين يوصلون شيشه بترول … او اي شي …. المهم فيه حمام
المهم الرجال شاف واحه ادنوك … وقال خلني أخذ شي اتسلى به في الخط … ووقف عندها
ونزل للواحه ياخذ له كم كيس حلاوه وكم بيبسي للطريق
البنت او ما نزل زوجها الا تحط العباه في حلجها وتفج الباب
وتركض صوب الحمامات مال الحريم
واتقول في خاطرها بيمديني اعفد واخلص وارجع قبل لايرجع هو من الواحه
المهم المسكينه راحت واخذت وقتها
والريال قد رجع للسياره وعلى باله الحرمه في الكرسي اللي ورا
وعاد انتوا تدروون عبايه سودا واخر الليل ماانتبه انه محد في السياره وهو شغل
وعطى وييل … وزين انه ما قعد يدور بالسياره …. وسرى صوب دبي
العرووس طلعت وهي مرتااااااحه ….وتناقز من الفرحه ….
لـــكـــن …. يوم وصلت للباركن … اطالع يمين يسار …وين راحت السياره !!!
ماتشوف غير لهنود …
عاااااد تخيلوا الصدمه يوم عررفت ان زوجها دق سلف وسرى…
والمسكينه تقول في خاطرها يمكن راح منا ولامنا وبيرجع… او انه مقلب <<< هذا وقته اصلن
شوي ماتشوف جدامها الا ذاك الهايلكس (( لستوت )) (( العراوي ))
ياي صوبها ويوم وقفوا عدال الواحه
واتشوف الشيبه ومعااها العيووز …..قالت زيييين انهم مب شباب …..
وتروح صوب لعيووز …. واتقوللها
العرووس : السلام عليكم
لعيووز : اووف منكم يا هالطلابات في كل مكان ملقاقن عنبوه تقول ذباب
العرووس : لا فديتج انا مب طلابه …. انا سالفتي جيه وجيه … وخبرتها السالفه
لعيووز : بنت ابووي وبعدني ….. شو هالبغام الي ماخذتنه …. بس فالج طيب… تعرفين السياره
العرووس : هيه اعرفها
لعيووز : ركبي في الكريل
العرووس : ها خالتي ما سمعتج <<< مامكركن
لعيووز : اقصد ركبي عدالي يلين ما ايي الشيبه بس
وماصدقت العرووس … وتركب معاهم
الشيبه ركب السياره وقال لعيوزه : ها يبتيلي عروس اشوفج
لعيووز : يعلهم يهرسون لك راسك …. هذا وحده وسالفتها جيه وجيه
الشيبه : راعي الناقه الذكر …. اقصد راعي سمحه …. احين بنلحقه بهالموتر ولا يهمج
ويطلعه من الواحه عرض ….
نرد للمعرس البغاام …. الحبيب مشغل ميحد
" اشوفك شي واته شي آخر …"
وبعد نص ساعه…. الشيبه لحقه
عاد تخيل عزيزي القارئ انك على طريق دبي ووياك حرمتك
ووراك هايكس يدق لك فول ليت ويباك توقف شو ردة فعلك…
اكييد الريال دعس قال هذيلا سكرانين ….. وخلني ابعد عن الشر واغنيله
هو يدعس ….. والشيبه … يسبه ويدعس وراااه
آخر شي ….. قال الريال … خلني اوقف والي فيها فيها ….
ووقف الحبيب
ونزل معصصصصب……
عاد من اللي متوهق في هاالموقف….الشيبه
يقول في خاطره كيف اقوله ان حرمته وياناا
يبا اييبه بااسلووووب تدريجي عشان ماينصدم ..خبركم في هالمواقف شو بيقولون اهل العروس
شل بنتنا وضيعها ..والله تلصق فيك السالفه طول عمرك
المهم الشيبه سلم وقال ياولدي مب كنك مضيع شي ……
قاله المعرس لاوالله ماضيعت شي
قال متأكد
قال المعرس…شو تتمسخر …. اكييد
قال الشيبه روح شوف موترك فيه شي ناقص
المعرس قام يوسوس حتى المشكله حرمته مايت على باله
المهم راح ودخل سيارته وقال غناتي فيه شي طاح منا واحنا في الواحه
محد رد عليه..!!
وطالع في الكرسي الي ورى … ثره الحرمه مب موجوده …. واستوى ويه اشاره مرور
ورجع الشيبه وقاله هات علوومك
قال يالبغاام حرمتك لقيناها في الواحه وقالت النا انا والحرمه انها نزلت
للحمام وانته سريت ولا رديت عليها
عااد العريس كل انواع النفضات نزلت عليه تلعثم ولاقدر يتكلم
المهم الشيبه راح وقال العرووس يلاطسي عند ريلج …. ولا توقفون الا عند بيتكم
العرووس ركبت عند ريلها وانطلق لسانها اللي كان مربوط
وقامت تتعذر له…
وتقول لاتزعل مني اناكنت مستحيه اقولك اني ابي الحمام..وانت ماشاء الله عليك ركبت السياره وانطلقت………
ههههههههههههههه<===ياشين الترقيع عاد انقلب الوضع
صار الريال هو اللي مبرطم طول الطريق والعروس هي اللي تبربر
مابقى الاتسووووق عنه
شو موقفكم لو صار لكم جيه …؟؟!!!
منقوووووووووووووول
صراحة موقف يضحك..ويزعل في نفس الوقت
يا حليلها
المشاركة الأصلية كتبت بواسطة لحظات عابرة 
صراحة موقف يضحك..ويزعل في نفس الوقت
ربنا ما يجبش زعل على قولة المصريين بالعكس حسيتها ذكرى حلوة
مشكورة على ردج اختي الغالية
المشاركة الأصلية كتبت بواسطة حور العين1 علمي علمج انا مجرد ناقله عيبتني وضحكت قلت اضحكم وياي
ما يحتاي نتفلسف