اولا ابارك لكل الحوامل واتمنى انه الله يرزقهم بالذرية الصالحة ..
وادعي من كل الي الله ما رزقهم بالعيال .. انه الله يرزقهم ويرزقني الذرية الصالحة في اقرب وقت ..
يمكن فيه منكم قروا الموضوع الي نزلته من فترة اسأل الي عندهم الخبرة اذا كنت حامل او لا .. بناءا على الفحوصات والتحاليل الي سويتها
.. وبعدييين اختفيييييييييت فترة .. والحين رجعت علشان اخبركم عن تجربتي … وعلشان الي ما عندها خبرة شراتي تتعلم من تجربتي وما تغلط غلطتي ..
الحمدلله من بعد كم شهر من عرسي .. بدأت احس بالنوم طوووول الوقت .. حسيت اني حامل .. وفعلا الحمدلله طلعت حامل .. وووااااااااااايد كنت مستانسة على الخبر …
المهم كنت حامل شهر وشوي .. وفي يوم من الايام بدأت انزف .. نزيف مثل الدورة الشهرية .. في البداية اتخبرت دكتورة في مستشفى خاص .. وقالت ماعليه يمكن ينزل دم للحامل لاكثر من سبب .. وطمنتني انه كله بخير ..
بسسسسس استمر النزيف تقريبا اسبوع .. هني حسيت انه الامر مب طبيعي .. اكييد فيه شي ..
المهم سرت عند دكتووورة وااايد معروفة في بوظبي فاتحة عيادة خاصة .. ترييييت دوري تقريبا 4 ساعات .. اخر شيء يوم دخلت عندها تخيلوا انها بس شافتني 5 دقايق !!!! يالسة اتريا 4 ساعات على 5 دقايق !!!! المهم قلتلها عن النزيف وراويتها تحليل نسبة هرمون الحمل ..
تخيلوا شو قالت ..
"انتي هرمون الحمل عندج نازل (مع انه يوم سألت قالوا الهرمون طبيعي لانه في بداية الحمل) والحمل يعني وااايد ضعيف .. وانتي خلااااص طيحتي البيبي" تخيلوا اول حمل وكنت واااايد مستانسة واخر شيء وحده تقولي جي ..
قلتلها انزين سويلي صورة الترا ساوند يمكن يبين شيء .. قالتلي وبكل ثقققققققققة .. لا ما يحتاي كل شيء امبين هرمون الحمل نازل وشيء نزيف .. وبكل ثقة قالتلي حتى لو سويتي التحليل عقب يوميين بتحصلين النسبة نفس الشيء او نزلت شوي .. قالتلي خلاااص ما شي حمل ..
والله انه الدنيا سوووووودت في ويهي .. عشت ايام كآبة وحزن لاني صدق كنت ابا اكون حامل ..
المهم مرت الايام .. وانا كملت 15 يوم انزف .. يوم قرأت في النت وسألت صدسقاتي قالولي وااايد 15 يوم نزيف .. اكيد في شيء غلط .. قلت اسير مستشفى خاص معروف ثاني علشان اشوف شو سالفة النزيف الي مب طايع يوقف .. سرت عند استشارية واونه بمواعيد ومسوينلها الف حساب ..
المهم سرتلها وشرحتلها الموضوع كامل قالتلي لازم اسويلج مرتين تحليل هرمون علشان اشوف اذا يالس يزيد او لا .. المهم سوتلي صورة الترا ساوند .. حطت الجهاز على بطني يمكن 20 ثانية بسسسسس .. والله اني ما ابالغ … ولا حتى سألتني انتي شاربة ماي .. ولا شيء .. قالتلي لااا مو مبين حمل .. المهم قالتلي روحي وتعاليلي عقب ما تطلع النتايج ..
تخيلوا سويت التحليل اول مرة والا انصدم ارتفع الهرمون من 400 لين 7000 !!!!! وبعده بيوميين ارتفع لل 9000 !!!!!
وانا مب مستوعبة كيف هذيييج قالتلي انه عقييت .. و كيف انزف .. وكيف الهرمون يرتفع .. والله اختبصت ..
المهم يوم سرتلها هذي الاستشارية في المستشفى الخاص .. قالتلي حملج كله اوكي والهرمون يرتفع .. قلتلها انزين شو سالفة الدم .. ما عطتني جواب مقنع قالت اونه في حوامل وااايدين ينزفون .. قلتلها انزين لييييش مب مبين الحمل .. ولا حتى نقطة … قالتلي الحمل باين عليه صغير .. علما باني كنت موصلة شهرين ..
سألتها واكدت عليها .. قلتلها دكتورة مب ممكن انه يكون الحمل خارج الرحم .. ردت وقالتلها لا تخافين حملج طبيعي .. وتعالي بعد 10 ايام وبتسمعين نبض البيبي !!!!!!!
سرت البيت ويلست ادعي ربي .. وريلي يستخير .. سبحان الله يوميين مرن وانا ما كنت مرتاحة ابدا .. المهم سرت عقبها مستشفى نيو ميديكل قلت بتأكد من الكلام الي قالتلي الدكتورة الاستشارية ..
يوم قلتلها اني انزف من 17 يوم .. فجت عيونها وقالتلي وليش ما رجعتيل حد .. قلتلها قصتي كاااااااااملة ومع المستشفيات الخاصة .. المهم قالتلي لازم اسويلج صورة .. يوم سوتلي تمت ساكتة .. قلتلها شو فيه .. قالت خلينا نتأكد اكثر وبسويلج صورة داحلية ثانية .. يوم سووتلي تأكدت وقالتلي اني حامل خاااارج الرحم !!!!!!!!! قالت مبين من الصورة الخارجية كيف ما شافوا انه الحمل مب طبيعي !!!!
المهم يزاها الله خير الدكتورة على طول طلبتلي الاسعاف ونقلوني على مستشفى الكورنيش ..
سوولي فحوصات .. وفعلا طلع خارج الرحم في الانبوب .. وهالدكاترة الاثنين .. الي يسمووووون عمارهم دكاترة ما قالولي انه فيني جذي !!!!!
انهرت من الصياح ومن الضييييييييييييييييجة الي كانت فيني .. تعبت من الصياح .. قالتلي الدكتورة انتي لو ياية في بداية الحمل كنا نقدر نعطيج الابرة ويطيح البيبي بس وصل الهرمون عندي 12 الف !!!!!!!!!! كله من الدكاترة الي ميفهمووووووون !!!!!!
قالولي لازم نسويلج عملية فوراااا لانه حجم المشيمة والبيبي كبير والهرمون عالي … و عادي الانبوب ينفجر في اي لحظة .. ولااازم يشلون الانبوب كاااامل .. عاد تخيلوا لحضتها شو الافكار الي كانت اتيني …
هذا اول حمل لي ليش يستولي جي ؟؟؟؟؟؟؟؟؟؟؟
ليش ما خبروني الدكاترة انه الحمل خارج الرحم كنت مب لازم اسوي عملية وغيره !!!!!!!!!!
اخااااف من الالم واخااااااااف يأثر على حملي في المستقبل … !!!!!!!
مليوووووووون شيء يه على بالي وانا لاخر لحضة وانا اوصي اهلي والدكاترة اترجاهم لا تشلون الانبووووووووب خلوه حاولوا تشلون البيبي وتخلون الانبوب …. ارييييييد احمل مرة ثانية ..
المهم سوولي العملية وتويعت واااايد بس الحمدللة على كل حال .. ويزاها الله خير ان شاء الله الاستشارية سوتلي العملية وخلوا الانبوب وشلوا البيبي .. تخيلوا اني شفته مييييييت جدامي حاطينه في الكييييس لاني كنت ابا اشوفه .. الحمدلله مرت على العملية 10 ايام .. وكل يوم حالي يتحسن بس بعده الويييع ..
وهذي قصتي كاملة .. ما اقول غير حسبي الله ونعم الوكيل على "بعض" دكاترة المستشفيات الخاصة لانه 100 % شارين شهاداتهم ولاهم دكاترة ولا شيء ..1!!!!!!!!!
واذا كنتي حامل وتنزفين لا تسكتين على الموضوع .. ولا دكتورة عطتني سبب مقنع للنزيف .. غير الاستشارية الي سوتلي العملية في الكورنيش … قالتلي لانه البيبي حجمة يكبر وعالق في الانبوب .. الهرمونات يحاولون يطلعون من الانبوب .. و يجرحون طرف البيبي علشان يطلعون .. هذا هو سبب الدم!!!! الدم مرات تكون مشكلة ..
في المستشفيات الحكومية دوووووم اطلبوا استشاريات مب دكاترة عادييين لانهم مب متخصصيين .. في الكورنيش الدكتورة العادية قالتلي على طول بنشل الانبوب .. اما الاستشارية ف قالت لا بخليلج الانبوب .. صح انها عملية اصبع ويبالها وقت اكثر بس بسوي الي تبينه ..
هذي قصتي .. ادعولي خواتي انه حملي الياي ما يكون خارج الرحم .. لانه في نسبة اذا صار الحمل في نفس الانبوب يكون فيه مشكلة .. ادعولي حبايبي ..
وحسبي الله على الدكتورتيين الي بهدلوني .. !!!!!!
والله يعوضج خير يارب
سالفتج سالفه ربيعتي يتها الدوره اكثر من اسبوعين ومب مهتمه ومب داريه هي حامل اصلا وفجائه هجم عليها عوار بطن فظيع كانت بتموت خلالص شالوها اهلها للطواؤرى قالو حمل خارج الرحم بين عندهم من السونار الداخلي
بس المسكينه شالوا لها الانبوب مع البيبي
وهذه انتي بعد تقولين نزيف مستمر بس الفرق انج اهتمي وراجعتي بس طحتي بيد اللي مايخاف ربه
بس الحمدالله الله حفظج ولطف بج وان شااءلله الشهر الياي يعوضج بالحمل السليم المعافي يارب
والله يرزقج الذريه الصالحه ,, ويعوضج خير ان شاء الله
والله يرزقج بجنين المعافى يارب…
اللهم وارزق اخواتي في الله بالذرية الصالحة السليمة وارزقنا بالحمل السليم وثبته في ارحمنا
ماتشوفين شر الغاليه
