ساعدوني مطلوب فساتين اعراس في العين

مرحبا بنات وين ممكن القى فستان عروس حلو وراقي للايجار وبسعر معقول غير عن المحلات اللي في العين مول وبوداي مول عدنا عروس الله يسعدها ويهنيها ذوقها صعب شوي محتارة ما بقى شي عن عرسها ولين الحين ما لقت الفستان اللي خاطرها فيه ساعدوني باسماء محلات ولا حريم يأجرن فساتين اعراس في العين وفي ثاني حال في ابوظبي واللي تقرا موضوعي وما عندها فكرة يا ليت ترفعلي الموضوع في انتظاركم ……………

حبيبتي شوفي الفستان الي يعيبج وبيوصلج لين بيتج شوفي مواضيعي

هلا اختي المطلوب فستان عروس ابيض مش فساتين سهرة ومشكورة اختي على المشاركة

اعرف حبيبتي ترا انا عندي فستان عروس

ختيه في محل اسمه شيفون سواريه انا يوم سرت المحل صراحه جفت حاطين فستان عرس و يجنن بصراااااااااااااااحه ما جفت شراته بس هوه للايجار ف العين ..

دقي ع المحل و سأليهم لان هوه فستان واحد قوليلهم تأجرونه و بجم ؟!..

اسم المحل ( شيفون سواريه للخياطه ) .. وانا جفتهم منزلين موضوع ف المنتدى اظن ف قسم المحلات التجاريه بتلقين اسم محلهم و الرقم و كل شي ..

اتمنى اني اكون افدتج .. وربي يوفقج

انا عندي كوليكشن متنوع من فساتين الزفاف ……..

بس انا من الشارجه