طعــــــــــــــــام الطفل في الشهر الرابع-إلى السابع ممكن تساعدوني

السلام عليكم ورحمة الله وبركاته………. شحالكم خواتي …ممكن تساعدونـــــــــــــي!!!!!
عندي بنتي … توها داشه الشهر الرابع,, وما عارفه شو أعطيها من الاكل الخفيف……… ممكن تساعدوني حبيباتي الامهات ,,,,,,,,,, وجزلكم الله خيييير………

اولا مبروك عليج المولوده وتتربى في عزكم إن شاء الله وتكبر وتشوفينها عروس
الأكل بدايه الشهر الرابع من تجربتي في اعيالي ممكن تعطينها ميلوبا موجده في الجمعيات عباره عن ارز مطحون او قمح او ارز بالحليب بس اضيفيله ماي دافي
ولا اتكثرين عليها تقريبا ملعقتين وبالتدريج والعصاير ممكن عصير برتقال مع اضافة الماي

الله يحفظها لج اختي
ممكن بسكوت الاطفال ومنقوع تمر تمره وحده مع موي حار جربي تراء حلو انا كنت اعطي عيالي في نهايت رابع مش من اول الربع
وسموحه

مشكورة الغاليه(نــــــــــــاعمه) ع الكلام الحلو وعالمرور الأحلى…. وتسلمين

مشكورة الغاليه(براءة) ع المعلومه وع المرور………وتسلمين

وعليـــكم السلام والرحمه ..

جربي تسوين لها تمره واااايد زينه … وسريلاك الارز وايد حلو و خفيف على الياهل .. وجربي تسوين لها فواكه مهروسه .. موز او تفاح … بس لا تكثرين و اصبري عليها يمكن ما تحب الاكل .. فديتها لانها متعوده على الحليب ..

ولا تغيرين الاكل الا كل 3 ايام .. عشان تعرفين اذا بتحسس بها او لا ..

والله يحفظها لج ^^

الغالية لازم تعودينها على وجبة الريوق من الحين يعني مكن تعطينها بسكويت فارليز وصبي عليه إشويه ماي دافي

وعطيها إياه وعقب إذا حسيتي إنها يوعانه عطيها حليب وبالنسبة للغداء ممكن تبتدين تطعمينها خضار وكبداية عطيها

نوع واحد أو نوعين من الخضار وحطي وياهن شويه عيش مصري وفوريه بس لا تحطين ملح فيه .. بصراحه أنا كنت

أحليه شويه ب تمر خلاص عشان يعطيه طعم شويه وحطيه ف الخلاط وعطيها إياه .. الساعة 6 المغرب ممكن

تعطينها نشاء مخلوط ويا الحليب اللي تعطينها إياه بس تحملي لا تفورين الحليب مب زين يعني إسخني الماي وحطي

عليه النشاء وتمي حركيه ع النار لا توفين عشان ما يلصق يوم بيستوي غليط شليه من على النار وبتكونين مجهزة

حليبتها وصبيها على الخليط وتمي حركيه لين ما تحسين إن المزيج صار مثل الكريما .. بردي أكلها وعطيه إياه ..

وبالعافية عليها إن شاء الله…