اخباركم خواتي ان شاءالله بخير و عافيه
صراحه اشتقتلكم موووت و اخيرا لقيت الوقت اللي اكتب فيه قصة ولادتي
ادخل في الموضوع بسرعه قبل لا يقوم حمودي من نومه
انا ولدت يوم 19-1 وطبعا كنت مطوفه موعد ولادتي ب10 ايام يعني خلصت التاسع و اخذت 10 ايام من العاشر و نشفت الماي حول البيبي و قرروا يعطوني طلق صناعي و طبعا انا سويت كل شي بالتاسع من مشي يوميا لمدة ساعتين و شربت قرفه و زعتر و اكلت اناناس و شربت ماي زمزم و حليب بالعسل و كل شي يخطر في بالكم وكل هذا و الرحم ما فتح الا 1 سم … المهم دخلوني المستشفى يوم 17-1 عشان يتابعون نبض البيبي و سرت المستشفى مع امي فالليل و حكولي جهاز التخطيط لمدة ساعتين و كان تمام و الحمدلله و الساعه 12 فالليل طلعت حجرتي عشان انام و عطوني موعد الطلق ثاني يوم الساعه 7 الصبح و طلعت حجرتي مع امي و سوالف و أكل و ضحك و بعدين تعبناو رقدنا انا و امي ( ربي يحفظها ) و الحين نيجي للجد و ثاني اليوم اللي هو 18-1 الساعه 7 الصبح فتحت عيوني لقيت الممرضه فوق راسي و توعيني عشان انزل غرفة المخاض عشان الطلق الصناعي و صراحه حسيت بالخوف و قمت لبست ملابسي و قامت امي معي و نزلنا حجرة المخاض و نوموني و حطولي تخطيط البيبي و عالساعه 9 الصبح جات الدكتوره و فحصتني داخلي و مافي توسع الا 1 سم و بعدين حطولي تحميلة الطلق الصناعي و قعدت انتظر الوجع ولا حياة لمن تنادي و امي و خواتي و زوجي عندي و كله سوالف و ضحك و جات الدكتوره مره ثانيه الساعه 12 الظهر و استغربت من حالتي و ان مافي و جع ابدا و سوت فحص داخلي و نفس الشي 1 سم و قالتلي معاكي لغاية الساعه 3 العصر لو مافي وجع بيحطولي الطلق الصناعي في المغذي و جات الساعه 3 و انا مثل ما أنا بدون اي تقدم و حطولي الطلق في المغذي و كان نسبته 18 في الجهاز و سوتلي الدكتوره توسع بإيدها و كان مؤلم جدا و بعد بساعه وحده بدأ الطلق عندي و كان خفيف و مو متواصل و شوي قام يزيد ورجعت الدكتوره الساعه 6 المغرب ومافي توسع ابدا و استغربت من حالتي و قالت ان معاي 24 ساعه لو مافي تقدم بسوي عمليه قيصريه لأن الماي ناشف عن البيبي و طلعا تخطيط نبض البيبي طول الوق و هو على بطني و صوته مزعج جدا … طبعا الطلق قام يزيد علي و الوجع يزيد و الساعه 10 فالليل ما صار الطلق حامي جدا و ما قدرت استحمل و بس اصيح من الوجع و الحمد لله ابدا ما صرخت بس الدموع اللي تنزل و امي تمسح دموعي و تقرأ قرآن فوق راسي ( ربي يحفظها الغاليه ) و نيجي للمهم لما لقيت نفسي مو قادره استحمل الوجع و مافي توسع ابدا طلبت ابرة الظهر و جات الدكتوره و فحصتني لقت التوسع 2 سم يعني التوسع عندي بطىء جدا جدا وقالتلي اذا نبض البيبي بخير يمكن احتاج يوم كامل لغاية ما التوسع يصير 10 سم و هي قالت هالكلام و انا انصدمت يعني بقعد يوم كامل و الطلق فيني و قلت للدكتوره يكلمون دكتور التخدير لأني اريد ابرة الظهر و كنت مصره عليها لأن الألم فضيع و جا الدكتور بعد ربع ساعه و شرحلي كل شي عن الأبره و انا من الألم مش قادره اركز معاه و وافقت عالأبره و وقعت على اوراق من المستشفى و خذوني غرفة الولادة و لبست ملابس الولاده لأن بعد ما آخذ الأبره مافي حركة نهائيا عن السرير لغاية الولادة و جهزوني للأبره و طلب الدكتور اني ما اتحرك ابدا و حضنت مخده و كنت خايفه ان لما تيجيني الطلقه اتحرك غصب عني بس الممرضه و امي مسكوني و اول شي عطاني ابره مخدره في نهاية ظهري و حسيت بنخزه بسيطه و بعدين ما حسيت بأي شي و كلها 5 دقائق و الدكتور يقولي خلصنا و انا استغربت انه خلص و انا ما حسيت بشي بس مثل الكهرباء مشت على رجولي و بعدين راح كل الألم و نمت عالسرير و ممنوع اتحرك و اقوم و امشي بس راقده في السرير و الحمدلله ما قمت اشعر بالطلق ابدا و صراحه هذي الأبره رحمه للحوامل و مثل السحر راح كل الوجع و قعدت اسولف مع امي و كانت الساعه 10 فالليل و جابوا سرير لأمي عشان تنام عندي فالحجره و قعدنا نسولف و نضحك وفي الجهاز كان الطلق عندي حامي و انا ما اشعر بأي الم وصراحه عجبتني الأبره و ان شاءالله في حملي الثانيبعد بطلبها لأنها فنانه … و جات الساعه 3 الفجر و حسيت ان في شوي الم من الطلق و طلبت الممرضه و كلمت دكتور التخدير و طلب ان يزودون جرعة المخدر و الحمدلله راح الألم نهائيا ورقدت و جات الساعه 6 الصبح و قومتني الدكتوره عشان الفحص و سوتلي الفحص و الحمدلله اول مره ما اشعر بألم الفحص الداخلي لأني مخدره و قالتلي التوسع عندي من 5 الى 6 سم و زودت الطلق لغاية 30 في الجهاز عشان افتك و اخلص لأنها بدت تخاف عالبيبي … طولت عليكم فالقصه خواتي المهم جات الساعه 9 الصبح و سوتلي فحص ثاني لقت التوسع 8 سم و زودت الطلق من 30 لغاية 70 عشان خلاص ماشي وقت و حرام البيبي يتم اكثر في بطني بدون ماي و انا اشوف تخطيط الطلق في الجهاز عالي جدا و كل هذا و انا اسولف مع امي و خواتي و الحين نيجي للحظه الحاسمه و جات الساعه 9 و نص و بعد الفحص لقت التويع 9 و نص سم و بدوا يجهزوني للولاده و شالوا التخدير عني لأن في الولاده المفروض ماشي تخدير عشان الدفع و بديت شوي شوي احس بالطلق و ان في شي بينزل مني و ناديت الدكتوره و قلت لها ان البيبي بينزل فحصت و شافت شعر البيبي و قالتلي طريقة التنفس و الدفع لما تيجي الطلقه و بدت المعاناة من الساعه 9 و نص و انا ما اعرف شلون اسوي بوش و كل ما البيبي بينزل يرد يطلع فوق و انا اسوي بوش مثل اللع يعزكم لما يكون في امساك بس مااعرف شو صار فيني و حاولت و نفسي انقطع و رجولي صار فيهم شد عضلي و حسيت بيغمى علي و الدكتوره تصارخ فيني و امي تبكي و تصارخ فيني اني ادفع البيبي وانا حاولت كل جهدي و ما قدرت ادفع و جات 3 دكتورات عندي الحجره واحده فوق راسي و تضغط على بطني عشان تنزل البيبي و الباقيات يحاولون يخرجون البيبي و قاموا يصارخون لأن راس البيبي محشور داخل و خافوا عالبيبي و اشوف امي واقفه بعيد و تصيح و انا خلاص خفت عالبيبي و ما عرفت شو اسوي حاولت اسوي بوش و جاتني نغزات في صدري و حسيت بدوخه و ما عرفت ادفع خلاص و قامت الدكتوره تصارخ و تصحيني و تقولي حرام البيبي تعبان و انا انتهيت و شقوني من تحت و لما شافت الدكتوره مافي امل ادفع قامت شفطت البيبي من راسه لين خرج و في البدايه ما صارخ بس بعدها سمعت صوته و فتحت عيوني وشفت ولدي و الحمدلله تطمنت انه بخير وطلبوا دكتور الأطفال عشان يفحصه لأن راسه تجرح من الشفط و نزل منه دم و عيونه تنفخت و الحمدلله جا دكتور الأطفال و فحصه و خذوه الحضانه عشان يرتاح و انا مو في وعيي و ما قمت و صحصحت الا الدكتوره مخلصه خياطه و لقيت امي و زوجي و خواتي عندي و سألت عن ولدي قالولي بخير بس في الحضانه يرتاح لأنه تعب في الولاده بس الحمدلله انه بخير وعافيه و تطمنت عليه و رقدت و بعد ساعتين قوموني عشان اشوف البيبي و ارضعه فتحت عيوني و شفته ماشاءالله عليه و ما قدرت ارضه من التعب و بعدين طلعوني غرفتي وبعد ساعات يابولي حمودي و قعدت ليله في المستشفى و ثاني يوم طلعت و روحت بيتي و ولدي محمد وياي و الحمدلله على نعمة ربي و يا رب يقوم كل الحوامل بالسلامه و يسهل ولادتهم و يرزق خواتي المتاخرات بالحمل السليم …
بعض الأخوات
الف الف الف مبرؤؤؤؤؤؤؤؤؤؤؤؤك يتربي بعز اهله واهلج يارب