خاطري احمل كتبت مرة ثانية اعتقد ف مشكلة

السلام عليكم و رحمة الله و بركاته
بنات حبيت اكتبلكم مشكلتي انا ام و عندي ( بنت ، ولد ) و حلم حياتي احمل و لدي الصغير عمره 3 سنين و اراجع عند دكتورة تقريبا من 6شهور و افادتني انه مافيه شيء و لله الحمد بس المشكلة اعتقد عند ريلي عند نقص في عدد الحيوانات المنوية و قلة حركتهم و أعتقد قبل ما احمل على بنتي كان يعاني من نفس المشكلة بس الحمد الله و باجتهاد مني و منه في البحث عن طرق العلاج ( البصل الابيض ) طبعا استمر عليه و تقريبا شهر و انا حملت على بنتي و طبعا مسكين لين الحين مستمر على البصل حتى لاعت جبده من البصل و الحين قولوني شو الحل و الدكتورة قالتني تعالي عندي هالشهر و بسويلج تلقيح فانتوا شو رايكم

حبيبتي عليج بشرب المراميه يومياا ..

والاكل الطبيعي من كل شيء,,,, يعني ابتعدي عن كل مصنع او معلب او اي شيء مااامنه فايده….

وحاولي تاخذين جهاز التبويض الي من الصيدلية ,, الي يحدد يوم التبويض او ترووحين عند دكتووره بعد الدوره بكمن يووم وتحدد لج الايام الي فيها يكون الحمل اثبت…

وبعد

فالرقاد بعد مايخلص ريلج لاتقومين من السرير للصبح

وشدي عضلات المنطقة الحساسه .. عسب مايطلع شيء….وتخلين فرصة الحيوانات المنويه اكثر…وممكن بعد مايخلص تخلين مخدة تحت الحوض…
وفيه طريقة انج تنامين عبطنج للصبح … عنوووع من العلاج ..

وسلامتج

الغلا عليكم بالعسل اليمني وانا اشوف خليه يسير المستشفى وبيعطونه حبوب لزياده عددهم وربي يكتب لج الحمل قريب ان شاء الله ,,

خليه يسير المستشفى وبيعطونه حبوب لزياده عددهم وربي يكتب لج الحمل قريب ان شاء الله ,,

اشكركم على الرد بس بغيت اعرف أي مستشفى اوكي في دبي

جربي تروحين عن دكتووره ميري … مستشفى لايف لاين وااايد اوكيه بصراحه
الله يزرقج الذريه الصالحه