أبا أطلب من موقع امازون ؟؟ منوه يعرف او سبق و طلب من هالموقع

السلام عليكم ورحمة الله وبركاته

بنااااااااااااااااااااات ساعدوني

خاااطري اطلب من هالموقع لان صدق فيه اشيا حلووه و حق الكل

بس المشكله مب عارفه كيف اطلب ..

ابا بس اعرف الطريقه و كيفية الطلب .. ادري ان في بنات ماشاء الله عليهم يطلبن في المنتدى بس انا ابا روحي اطلب لان عندي بطاقة فيزا و ابا بس الطريقه و كيفية الطلب

اللي عرفته ان لازم يكون عندي حساب او فتح بريد في امريكا و هم يوصلولي هناك و اتعامل مع ارامكس يوصلولي الاغراض بس احس هالشي يكلف اكثر

مادري اذا غيروو طريقتهم موقع امازون و الا بعدهم

لان في مواقع وايد على طول تشحن الامارات

بليييييييييز ابا رررررررد

بيفيدونج البنات ان شاء الله

اه اختي بكلفك كتير من امريكا لهون —
انا جوزي بطلب من عندهم وبكون ارخص في مواسمهم متلا في بلاك فريدا —والكرسمس واخر السنه هسا اسعارهم ثابته ما في عروض مغريه بس انا جوزي بطلب وببعته لاخوه في امريكا وهوه ببعتهم مع اي حدا نازل هون بظل ارخص من البريد —موفقه

حبيبتي وآيد غالي

جي بتدفعين اكثر ..

انآ كذا مره يييت بطلب بس نصحوني اني مااطلب ،، لازم يكون لج بريد فأمريكآآآ ..
فـ أسهل شي تشوفين حد من اللي فالمنتدى ..جي بتستفيدين و بتفيدين غيرج ..

في الأخت زيزينآ اظني انآ تعآملت معآهآ ,, و وصلني اللي طلبته و بالقيآسات نفسها
لان هي اظني هنآك تطلب و عقب اطرش لنآ ,, اسهل و اسرع ومآيآخذ وقت ..

والله اني شراتج يالسه ألفلف في المواقع الأمريكيه أبا أطلب و ولدي من شافني أتصفح أمازون تخبل أبا هذا وأبا هذا .. و تصدقين سرت اشوي ورديت شفته حاط لي 89 منتج في السله خخخخخخخخ

أنا كان عندي بريد في أمريكا عن طريق أراميكس بس صج يكلف وايد .. يعني ياخذون عنج عن الشحن من الموقع للبريد و عن الشحن من أمريكا لين عندج و تقريبا خذوا عني 165 عن الشحن من أمريكا لهني .. و أشوفه نفس أسعار البنات !!! يعني أغلبهم ياخذون فايدتهم 100 درهم غير تكلفه الشحن !!! يعني شو فرقت عن أراميكس وغيرها !!!!

أنا يالسه ألفلف في المواقع ولو طحت على موقع يوصل دايركت للامارات بطرش لج ان شاء الله … وبشوف صرفه مع الأمازون لأنه أنا خاطري بعد بوااااايد أشياء من عندهم و لو توصلت لحل بخبرج ان شا ءالله ^^