أبي أغير ديكور وصبغ غرفتي وأبي همتكم بالأفكار

عندي مشكله غرفتي صغيره وأبي أغيرها بالكامل صبغ وستاير بس مب عارفه كيف
والمصيبه ان الغرفه ضيقه يعني يدار واحد ضايع لانه واء الكبت والثاني فيه الستاره والطوفه الثالثه بالتسريحه بقت بس هندي طوفة الي وراء السرير ومب عارفه شو أسوي ساعدوني لو سمحتوا

الله يسامحكم ولا رد ليش وينكم

انا قريب مغيره غرفة خوات ريلي وطلعت جناأأأأأأأأأأأأأأأأأأأأأأأأأأن
صبغناها باللون البنفسجي البنوتي وبرد واحد صبغناه مقلم باللون البنفسجي الغامج اللي راد على الماروني
وطبعا موضة التواليت الكبير مال اول …….
علقتلهم مرايه بالطول طويله وعدالها كبت درورات كله (كبت دروج ) وحطيت فوقه شرشف بنفسجي مع الفوشي والكبت خليته على برد علشان تستوي مساحه لعلاق الثياب اللي على الجيدار وجنبه كبت للنعول مغلق
وحطينه الشبريه وخليت الفراش الاساسي بنفسجي ولعبت بالوان الكوشنات (فوشي وبرتقالي ودرجات البنفسجي )
والستاره كانت بني غمق ما غبرناها بس زينتها بطرابيش بنفسجيه وكرستالات خذتها بالوار
اما الزوليه كانت من هوم اراس بيج وفيها دوائر البنفسجي وحطيت عليها مخاد كبار (كوشنات)من هوم سنتر درجات البنفسجي والفوشي …
وطبعا بنهاية السرير حطيتلهم يوكس او صندوق من القش ودخلت فيه شراشف مطرزه من الكارفور
زجنب المرايه الطويله حطينا التلفزون المعلق وتحته طاوله منخفضه من هوم سنتر
وجنب الستاره حطية كرسي ساده خشب وخلية الكوشنات المختلفه تكون مسند للضهر ومن غير لعب بالاضاءات
والاكسوارات……
وهالعيد ناويه ادخللهم الاخضر الزيتوني
انشاءالله تستفيدين

مشكوره أنا كنت فعلا ناويه أصبغ الغرفه بنفسجي من زمان كان خاطري بهاللون وأبي الستاره حمره
أفكارج حلوه بس يمكن أنتي غرفتج واسعه سوي أما أنا فغرفتي ضيقه واذا بسوي يدار مصبوغ بنفسجي فاتح واليدار الثاني مخطط بالطول أفتح شوي هل أخلي المخطط وارء السرير
والتسريحه عندي كبيره يعني ما أقدر أشيلها بس ممكن أحط مفرش بنفسجي
وأفكر أحط الاكسسوارات حمراء والكفر أحمر بعد شو رايج

شو في اذا انتي جريئه دخلي الاحمر
كم في كم غرفتج وانا بقولج شو تسوين وشو لون الاثاث

لون أثاثي أصف فاتح بس الغرفه ما أعرف كم بكم أنا اليوم في بوظبي وبكره ان شاء الله برد للخور وبخبرج طول وعرض الغرفه

شوفي حبيبتي انا من جريب غيرت غرفتي بس انا حطيت ورق جدران(ول بيبر) باللون البرتقال وعليه اشوي ذهبي
وخذيت ورق ثاني بعد باللون ذهبي بس وغرفتي صغيرة بعد 5 امتار في 6 وبقولج كيف بالضبط حطيت الاوراق المهم
ورا السرير حطيت اللون برتقالي كامل اللي عليه اشوي ذهبي واللي مجابل اليدار باللون الذهبي بس وعلى اليمين واليسار حطيت خط برتقالي وخط ذهبي بالطوووووووول وطلع روووعة والغرفة تبين كبيرة الحين عشان اللون الذهبي فاتح ولونه بصراحة حلوووووو وجنان والاوراق انا خذيته من (سوق التنين) الرول واحد بــ60 درهم وفي الرول واحد يكون 10 امتار
واذا تبين اي استفسار انا موجوده ………….