أمي من جنسية أجنبية (بريطانيه).. وأبوي اماراتي..
أبوي تزوج أمي لما سافر بريطانيا عشان يكمل دراساته العليا.. وجاب أمي الامارات وجيت أنا ع هالدنيا
أهل أبوي كانو رافضين هالزواج.. بالمختصر.. كنت منبوذه.. الكل يناديني بنت المسحيه.. مع إن امي أسلمت بس الله وحده عالم بالنيات
صارت خلافات بين أمي وأبوي.. وتركتنا أمي ورجعت بلادها.. كان عمري 13 سنه
جدتي زوجت أبوي بوحده من بنات عمه.. وكان شرطها إني ما أعيش معاهم..
عمتي أخت أبوي تكفلت فيني.. وعشت معاها 5 سنوات..
لما وصل عمري 20 سنه.. زوج عتمي تصرفاته ما كنت طبيعيه.. والصراحه كنت خايفه
والله والله والله العظيم … كان يجي الغرفه اللي أنام فيها ويحسس جسمي.. وانتفض وأقوم من النوم.. وكان يسوي نفسه يبا يغطيني باللحاف
كان يغار علي من أي حد من عياله الأولاد من إنهم أصغر عني..
عمتي إنسانه راااااااااااائعه بمعنى الكلمه.. جامعيه ولها أسلوب راقي
بس زوجها وتحرشاته اللي زادت دمرتني نفسيا.. صرت قليلة الكلام.. وضعف وزني
لين صارت المصيبه الكبيره… عرض علي الزواج.. وقال لي فكري.. طبعا أنا رفضت..
اتصت بأبوي .. قلت له إني محتاجه له.. وتعبانه.. بس صعب علي أقول له ليش..
صارت مشاكل بين أبوي وزوجته بسببي.. أبوي اتصل بعمتي.. وعمتي زعلت مني..
زوج عمتي.. قال لي .. إنتي مب حق عرس.. مثل أمج بالضبط.. وخساره إننا ضميناج في بيتنا.. يا خواتي قال لي كلام جرحني فيه واااااااااااااااايد.. ولا إراديا تفلت في وجهه.. وقلت له هالتفال أشرف منك
ضربني .. واعتدى علي.. وما رحم ضعفي .. ترجيته إنه يتركني.. قال لي .. بنشوف كيف بينفعج شرفج.. وتركني مثل الزباله .. حسيت رخيييييييييييييصه بالهدنيا.. لا أب حنون.. ولا أم حنونه
عمتي عرفت بالسالفه عقب شهرين وخذتني للمستشفى لأني تعبت نفسيا وجسديا.. وهناك اكتشفت اني حامل بشهر.. ودتني عمتي عند وحده وسويت عملية اجهاض… بدون أي تخدير.. حسيت بأن روحي بتطلع.. أنا أصيح من صوب وعمتي تصيح من صوب.. وصابتني حمى 3 أيام… تمنيت الموت وبس
ودتني عمتي عن جدتي أم أبوي.. وطلبت عمتي الطلاق من زوجها..
جدتي شخصيتها صعبه.. يعني صعب تعرفون شو اللي تحبه وشو اللي تكره.. حياتها القرآن والصلاه.. حسيت إني محتاجه لهالجو.. حاولت أتقرب من جدتي.. بس كانت تقول أنا ما بدلعج مثل عمتج.. وكنت أضغط ع نفسي بس عشان ما تزعل مني.. خذيت الليسن عشان أنفع جدتي بمشاويرها.. جدتي مع الأيام حبتني.. وقالت لي لازم أكمل دراستي.. وخلصت الجامعه وخذيت البكالريوس..
تصدقون.. صديقاتي كانو بس جدتي وربيعاتها… علاقاتي مع الناس محدوده.. والحمد لله صرت محبوبه بين جيران جدتي..
والله .. كنت أحسد هالناس اللي تغمض عيها وتنام … وأنا ما أرقد إلا وراسي يعورني من كثر البكا.. أتذكر أمي اللي صرت أنسى ملامحها.. وأبوي اللي أعرفه بس عن طريق المصروف وبس.. وزوج عمتي اللي قتلني وحرمني من حقي في الحياة إني أكون زوجه وام
خطبني شخص حفيد ربيعة جدتي.. جدتي قالت لي كلام عنه..مطلق عنده طفل عمره 5 سنوات.. ويبحث عن وحده عمرها فوق 25 وأنا عمري 26 سنه
وافقت.. كيف وليش؟؟ والله ما أدري.. بس الفرحه اللي في عيون جدتي كانت تكفيني.. وحسيت إن الدنيا بخير
صارت الملجه.. وزوجي.. شخص حنون.. واقعي.. متعلم.. عمري ما اختلفت معاه في شي.. يعني كان فرحان فيني أكثر من إني فرحانه فيه.. بس.. عمري ما نسيت شو أنا… مب "عذرا" مثل ما هو يعتقد..
كنت كل ما أقرا عقد الزواج.." بكر".. اصيح مثل المجنونه.. بس لما يتصل فيني أحس براحه.. سبحان الله.. ما حسيتها مع أمي ولا أبوي.. يدللني بالهدايا والزيارات.. دايما يقول لي.. ليتني تزوجتج من زمان
يا بنات… أنا ما أستاهل هالزوج.. أحس إنني خدعته.. ودي أصارحه.. بس مرات أقول بيني وبين نفسي.. يا رب سامحني.. ودي أعيش السعاده معاه يوم … وبكره بصارحه… ويجي بكره. .. وما أقدر أسوي شي.. العرس عقب شهرين… لين متى بخبي عليه؟؟؟؟؟؟؟؟؟
قلت.. الله ستر علي.. ليش ما أسوي عمليه وبس.. وأرجع بنت وإذا بسويها وين ..؟؟.. بس والله ما يهون علي أخدعه وأظلمه..
أنا ناويه أتلاقى معاه .. أعطيه.. الشبكه .. والمهر .. وكل الهدايا اللي عطاهن لي.. وأقوله كل شي.. وأطلب الطلاق… أدري أنه يحبني ومرتاح معاي.. بس ما أتوقع إنه يقبل فيني إذا عرف كل شي.. وحتى لو طلقني.. ع الأقل بيرتاح ضميري
والله.. والله .. والله … لأني أحبه.. أباه يعيش السعاده
وانا بعد… أريد.. اشل الهم من صدري.. وأرتاح
إدعو لي…
اقرا ودموعي ع خدي ،،
الله يستر عليج دنيا وآخره ،، وربج بياخذلج حقج ،، سبحانه يمهل ولا يهمل وكل ظالم وله يوم ،،
الله يكون في عونج اختي
فديتج صعب اني اقولج قوليله او ما تقوليله…او سوي عملية او لا
بس بقولج سوي شي واحد …سيري صلي ركعتين…وفي السجود اطلبي من رب العالمين انه ييسر امورج
لانج مظلومه مو ظالمه…والحمد لله انج مظلومة لان دعواتج اسهم ورب العالمين بيتقبلها باذن الله
عقب دقي على واحد من المشايخ وخبريه بسالفتج كلها…نفس اللي كتبتبه لنا
وشوفي فديتج شو بيرد عليج…واللي يقولج عليه سويه
ويارب ييسر امرج ويفرج همج
وحسبي الله ونعم الوكيل على ريل عمتج الله ياخذلج منه حقج
اذا انتي تحسين انج بترتاحين اذا صارحتيه
فانا اقترح انج تخلين عمتج هي اللي تخبره دام انها تعرف كل شي
والله يوفقج ويستر عليج دنيا واخره
عليج بقيام الليل.. وكثري من الصدقه
الله يكون بعونج.. ويفرج همج.. ويسعد قلبج
يعني هو ما يعرف بسالفة زوج العم؟
نصيحتي البنات ما بيقصرووون بالحلول بس من وجهة نظري؟
صلي استخارة