أطفال الأنابيب تنصحوني فيه ضروري ردوا علي .

هلااا بنات اشحالكم هذا أول مشاركة لي في هالمنتدى

أنا أحاول أحمل من سنتين ونص تقريباً بس ما حملت ولكن الحمدالله على كل حال أنا الحمدالله من النوع اللي ما ييأس وكلوا أذكر ربي وأشكره وزوجي الحمدالله صبور المهم أنا عندي تكيسات في المبايض …وعندي ارتفاع في هرمون حليب وأنا حالياً أتعالج عند دكتورة شاطرة وناوية أسوي هالشهر حجامة

ألحين أنا استفساري عن أطفال الأنابيب تنصحوني فيه ضروري ردوا علي أنا محتاجة مساعدتكم ضروري

جربي شئ أبسط مثل التلقيح الصناعي
والله يرزقج حبوية الذرية الصالحة

انصحج : بالحجامه والتمسيح وتوكلي لا تجربين اطفال الانابيب الله يرزقج انشالله

خلي اطفال الانابيب ك اخر حل لج وترا اطفال الانابيب مب سهل مثل مانحن نتصور العمليه جدا صعععبه ومتعبه وفوق ها يا تنجح يا لا

انصحج انج اول شي اتنزلين من وزنج لان من اسباب التكيس زيادة الوزن ووو امتسحي لمدة ٣ شهووور وجربي الخلطاات الطبيعيه

والله يرزقج يااارب ويرزقني ويااااااج ان شاء الله ولا يحرمنا من الذريه الصااااالحه *

مرحبا أختي الله يرزقج ويرزقني انشالله عاجلا غير آجل نصيحتي لج انج تنتضرين شوي لانه حالتج بعدها شوي على أطفال الانابيب اذا كنتي انتي وزوجج مافيكم سبب يمنع الحمل ما أنصحج بالانابيب حاليا جربي الحجامه بعد الطهاره على طول وانمسحي وبعطيج خلطه مطرشينها لي لاني أنا بعد ماعندي عيال وانا صارلي فتره طويله وجربت أطفال الاابيب ومانجحت المهم , من كل شئ ملعقه صغيره جرفه,مرميه,حلبه,حب الرشاد(حبه الحمراء),حبه البركه,قرنفل ,كمون.
مثل مب واصفينها انه تنقعينها فليل بماي حار وتصفينها الصبح وتشربينها على الريق بس أنا باديه فيها بس أنقعم لين تبرد واصفيها وأشربها حسب مب مكتوب مره لمده 5 ايام والسموحه على الاطاله

صح كلامج أختي أناوزني 85
ومشكورة أختي على نصيحتج والله يرزقج بالذرية الصالحة قريب إن شاء الله

بجرب هالخطة إن شاء باقي كم يوم وتنزل علي الدورة تسلمين الغالية