مرحبا أخواتي الغاليات، بدخل بالموضوع ، أنا متضايقة وااايـــــــــــد من نفسي لأني أنا متكاسلة عن أداء صلواتي ، يعني أسهر في الليل أحياناً وأرقد قبل أذان الفجر بساعة وأغرق في النوم وأقوم أصلي الفجر بوقت متأخروااايـــــد ، وأحيانا يؤذن صلاة المغرب وأنا نايمة وماأصليها إلا بعد أذان العشاء وأتاخر في أداء صلاة العشاء ، وأحياناَ أكون نايمة وأصحى في وقت متأخر وأصلي صلاة الظهر ونص الصلاة أصليها وبعدين يؤذن صلاة العصروأكمل صلاتي الظهر، وأغرق بالنوم يوم أحس بالتعب والإرهاق وهالشيء يجعلني أتأخر في أداء صلواتي في وقتها ،وهالشيء يضايقني وااايــــــــــــد وأشعر بالحزن بسبب ذلك، ماهي نصايحكم المفيدة يابنات؟
كنت شراتج وأسهر و أسمع أغاني و أتأخر فـ صلواتي . .
بس مره كنت ويا خالتي . . و كانت تسمع وايد اغاني و انصدمت انها شغلت اناشيد . .
قلتلها ليش ؟ احيدج تسمعين اغاتي . .
قالت محد بينفعني و محد بيعطيني اجره و اللهم نفسي . .
ومن ذاك انا مرتبة وقتي و ارقد من وقت ع الساعه 10 ولا 11 و أنش اصلي الفير و أقرى قرآن و الحمدلله ما اسمع اغاني الحين . .
و الموضوع بس يباله مراجعه نفس و إراده و عزيمة . .
واللـه يهديج و يهدي غيرج ياربي . .
والله مشكلتي نفس مشكلتج ودوم ادع ربي انه يعيني على اداء الصلوات في وقتها وقراءة القرآن
عسى ربي يهدينا جميعا
امين
امين
امين
لين ما يت اختي قعدت تعطينا محاظرات عن دينا
ويا بنات الاهل
عن الموت وكيف ايي فجاه وسكرات الموت
والله خفت والحين دووووووووووووووووووم اذكر ربي واجاهد عمري للصلاه وما اطوفها
رتبي يومج رتبي وقتج عدلي رقادج
صدقيني بتتهون عليج الامور وربي يهنيج
وعقب انش ساعه 2 واصلي الظهر واتم وااعيه الحل الوحيد وصراحه ما شي يعوض عن رقاد الليل
ان شا الله اشتغل ويتعدل وقتي وتترتب حياتي للافضل
لكن حاولت اني اقوم بروحي
وحطيت منبه
جربي ماراح تندمين
