أفضل الحنايات في الدوله .والصالونات بعد

السلام عليكم ورحمة الله وبركاته

شخباركم بنات وان شاء الله ما تبخلون علي بمشاركتكم ……………..

انا أريد من ها الموضوع يكون مثل الموسوعه لكم عشان تعرفون احسن الحنايات او الصالونات المتميزه وتعطوني رايكم فيهم ……………..أنا ببدأ بالمشاركه وبقول بعض الصالونات في الشارجه ورايي فيها ومنو يحني فيها بعد زين
1. صالون قمر في السوق الجديم بالشارقه صار عليه وايد طلب لان فعلا تغير حناهم 180 درجه وصار وايد وايد حلو ………….وكلهم شاطرات محد مب شاطر هناك وينوعون كل مره في النقشات
2. صالون المراسم في الشارجه بعد للاسف صار بايخ ونفس النقشات اللي من سنتين يرسموها لحد الحين للناس ………ولاتسيرون وقت الاعياد تراكم بتندمون اكثر
3. صالون باريس في عجمان ……….نفشاتهم مب وايد فنانه بس بعدهم احسن من المراسيم

بنات الموضوع مب بس لصالونات الحنا حتى للحنايات اللي عندهم بيوت خاصه بهم او ييون عندج لما تتصلي فيهم ……فياليت كل وحده تحطي رايها واسماء الحنايات بس الممتميزات عسب يفيد كل البنات اللي يدورون حنايات لعرسهم

بغيت مشاركات بنات دبي وابوظبي وباجي الامارات للافاده………………..

صالون جراند فلورا حتاهم بعد حلو في دبي

صالون سميرة في منطقة مضب في الفجيرة حناهم وايد حلو ونقشاتهم رقيقة

مشكوره اختي ع الرد وياليت تخبرينا اذا في حنايه معينه تحني زين هناك

سمعت ان في حنايات في دبي وايد يحنون حلو وفي دبي وفي بعد مواطنات وييون البيوت بعد خبرينا عنهم اذا تعرفين اساميهم ومنكم نستفيد

بنات اتريا مشاركتكم وتفاعلكم عشان يكون موضوع يفيد الكل بعدين

صراحة يمدحون رشنا إلي بالجميرا بس ما جربته

وحنا هوما هندية اتي البيوت بس ما اعرف رقمها