صـبحكم مسـاكّم الله بالنـور و النـوِّير
كيـف الحـاال جمييعـاً !
عسـاكم بخـييير و عـافييييه ..
\
مسـألتي مـب مشكـله
آنـا محـتـاره و احتـاج اسمـع عن شـويه تجـارب
عشـان اقـدر اقـرر
تـكمـلين دراستـج و لا تعــرسين ؟؟
هـذا السـؤال اللي محيـرني
اللي عرسـو و ماكملـو دراستهـم الجامعـيه
شو تحسـون ؟؟ مرتـاحين ؟ نـدمانين ؟
هـل المـرأة يكفيهـا الريـال فحيـاتها ؟
و لا محتـاجه أنها تـوصل لطموحاتهـا و اهـدافهـا
و تحققهـا بكـل قــوه !!
اللـي يالسـات يكملـون دراستهـم الجـامعيه و مـاعرسن
شو تحسـون ؟ تحسـون باالفـراغ الوجـداني ؟
و لا الـدراسه مـاليه حيـاتكم ؟
اللـي عرسـت عقـب ماكمـلت دراستهـا الجامعيـه
تحسـين انج ندمـانه ؟ و دراستـج مافادتـج بشـي ؟
و لا مستانسـه لانج عرستـي و انتي كبـيره
و يمـكن ناضجـه اكثـر ؟؟
\
و أخـيراً .. برمـس شوي عنـي
آنـا ابغـي ادرس طـب
و ابوي يشجعنـي على هالشـي لانه يـدري شكثر انا اطمـح لهالشي ..
بـس المشكلـه إني لو بغيـت ادرس طـب
بسيـر جامعـه العـين .. و انـا من عيمـان !
آحس بخـوف كبير ، هنـاك سكـن و بنـات غريبـات و جي
" زيغـه ! " و كيف ماشـوف اهلـي اسبـوع ..
و هـمممم ..
يعنـي شي نـاس يبغـووني و جي
احـاتي لو درسـت هنـاك يتـريووني بعـد سنيـن
" ماعـرف اعبـّر "
بس محتـاجه اسمـع عن تجـربه كل وحـده
و شـورهاااا ..
و ششششكككراً مقدماً
انا من الجروب اللي قاعدين يكلمون دراستهم وبعدهم ما عرسوا…ومن وجهه نظري افضل اني اكمل دراستي واخذ شهادتي ولاحقه ع العرس..~
استخيري حبيبتي والله يكتبلج اللي فيه الخير..~
استخيري وربج يسهل
استخيري واتوكلي ع اللهـ ..
وبالنسبة انج خايفة انج تبتعدين من الاهل ووالخ .. بتتعودين مع الايام وحلاته اترديلهم ومعاج شهادة ومحققة طموحج
واسألي المجربات واللي دارسات عن جامعة العين اكثر من ناحية السكن والبنات ووالخ
وشوفي لو في مجال تدرسين في كليات او جامعات اقرب من امارتج بحيث اترومين اتردين لبيتكم ..
وبالنسبة لاسئلتج الباقية .. انتي شوفي شو اللي تبينه الحين .! دراسة .. ولا زواج ومسؤلية .!!!
شوفي اهلج فشو ينصحونج اكثر شيء ..
دراسة ( اتحقيق طموحج .. ترفعين راس اهلج .. تتوظفين .. تعتمدين ع عمرج .. يكون عندج شهادة تفتخرين فيهاااا )
زواج ( مسؤولية / ريل / عيال / امومة وووالخ )
وبالاخير القرار راجع لج ..
والله يوفقج
^.^
اكمل دراستي واعرس بصراااحة اذا وافق ريلي بكمل
لان المعرس اي مرة وحده مب كل مرة هذا عقب مااصلي استخارة
وارتاح بوافق ليش لأ
ثاني شي الي عرسوو وماكملوو دراستهم
لاحظي شي فيهم ندم غير طبيعي مااعرف ليش انتي اخترتي لازم تتحملين
وفوووق هذا دوم اتقولج ليتيني شراتج مرتاااحة من هالهم الي انا فييه
الي ماعرسو وكملو دراستهم
يقولون وين المعرس يعني رايحين رادين للمعرس
وحده اتقولي هي مخلصة الكلية شو استفدت الحين الشهادة معلقة في الكبت
وانا مب ظامنة لين الحين اني اشتغل ولا ايني معرس ..
هذا الشئ ان دل دل على ان الانسان عمره مايرضى على شي يعني لا الي كملت وماعرست
ولا الي عرست وماكملت …
وانا من راي انصحج نصيحة كملي مااقولج لا بس اذا ياج النصيب ليش ماتعرسين
واتكملين وترتاحين لان لو تميتي ترفضين ترفضين ترفضين باجر بتتمنين كل الي ترفضينهم
ايوج ترا هااي فرصة بالعمر ماتتكرر
وصلي صلاة استخارة … توكلي على الله .. واذكر ان كل هذا نصييييييب
انتي ماتعرفين شو بيستوي ،،، إذا هريل بكون اوكيه ولا لا
محد ضامن شي فدراستج بتككون ضمان لج
وعفكرة انا حتى خايفه ،، كيف ببتعد عن اهلي وماادري كيف ،،،
وانا هب متعوده ارقد إلا فحجرتي ماحب ارقد مكان ثاني اتضايق
بس شنسوي هاي الدنيا @.@
والطب دراستها
4 سنوات طب عام سنة ونص تخصص
وربي يوفقج حبوبه